Daniel 4:3 - New Testament with Old Testament portions

³ Yaunchuksha wainu jakchamun Yuus iwainamu shir pegker aina nuka enentaimtakrisha pegke ejémaitsui. Nina inamtairiya nu tura nina senchiriya nusha imanisag atinaiti”.

Daniel 4:3 Iomraidhean Croise

Salmos 145:13

Amina inamtairmea nuka arumaisha tuke atinaiti. Tuma asamtai ameka arumaisha tuke inama pujutnaitme.

Daniel 2:44

Turasha nu tsawantin Yuus nayaimpinmayan apu atinan chikichik etegkatnaiti. Nunaka pegkesha nepetkachartin ainawai. Tura chikich apu ainanka ni ashi nepetak ijinatnaiti.

Daniel 7:14

Turawarmatai chikich ainan nagkasau ni apu atii tusa etegka apujsamayi. Turamtai ashi shuar nugkanmaya aina nina umirainak emematiarmayi. Tura ni inammaurigka shir senchi eme anentsa iitai atinaiti. Tura nina senchiriya nusha pegkesha nagkankashtinaiti.

Apocalipsis 11:15

Tura nayaimpinmaya shuar sieteya nu trompetan umpuarmayi, turamtai nayaimpinmaya senchi chichaak: “Yamaika ina Yuusri, nina uchiri Cristojai, ashi nugka juigka nigki tuke inamtinaiti”, tusa tamaun antukmajai.

Hebreonmaya 1:8

Turasha Yuus nina uchirin pachis chichaak: “Yuusa, ame inamtairmeka tuke atinaiti. Tura shuar ainasha pegker inatnaitme.

1 Timoteo 1:17

Nui apu tuke puju, jachau, wainchatai, Yuus chikichkia nu tuke ememattai atinaiti. Nunis atii.

Daniel 7:27

Tumamtai Yuus etegkamu aina apu jasar ashi apu ainanka inartin ainawai. Tura nita inammaurigka atakea nuisha tuke atinaiti. Ashi nugkanmaya shuar ni etegkamu ainaka nina eme anentas iiyainak umirkartin ainawai. Tura Yuuscha ni umirmau asa nitainka tuke inamratnaiti.

1 Pedro 4:11

Tura Yuusa chichame etserkurmesha, nina chichamen aarmauwa nuka metek etserkatarma. Tura chikich aina yayákrumsha, Yuus nina senchirin ama nujai ashi imatiksarmek yaigtarma. Nu turakrum Jesucriston akupturmaku asamtai, Yuus ememattarma. Jesucristoka arumaisha tuke ememattai, ima nigki anturtai tuke atinaiti. Nunis atii.

Hebreonmaya 2:4

Cristo chichamegka nekasaiti tusar incha shir nekamtikramataj tau asar, shuar Cristo chichamen etserainancha Yuus yaigkuiti. Turamu asar ii wainchatain iwainak taká jakaruiti. Wakan Pegkera nuka Yuus wakera turusag, ii turumaina nunaka suramsauwaitji.

Salmos 105:27

Turamu asar Egipto nugkanam Cam nugka tuuta amajtaiya nui Yuusa senchirijai wainchatai ashammain ainan iwainakaru ainawai.

Daniel 4:17

Nayaimpinmaya shuar aina tu waittan susatnayi. Nunaka Yuus ashi nagkakartakua nu ashi apu ainancha iin asa turatnaiti. Tura apu atinnasha ni wakeramu iis etegnaiti. Turusag chikichik nugkanam apu atinnasha etegka iwainaktasa shuar imanchauchin apu amajnaiti.

Salmos 104:24

Yuusru, ameka shir nukap najankauwaitme, nuka ame yacha asam ashi umikuitme. ¡Nugka ame najanamua nuigka ashi ame najankamu aina nu iruinui!

Salmos 72:18

Apu Yuus, Israel ajakua nuna Yuusrigka pegkernum tuke chichartai atii. Nigkiti wainchatai ainan iwainauka.

Salmos 66:7

Yuuska senchirtin asa, shuar ainan tuke inawai. Tura shuar chichaman umichu aina nu wina pachittsar pegkerchau chichakcharti tusa ashi iiyawai.

Deuteronomio 4:34

Yuusa nuke shuar ainan winau arti tusa etegkawaiti, nuka ii ainaji. Chikich shuar aina yuusrimtairi aina nuka pegkesha turacharuiti. Inka Egipto nugkanam matsatutin jiirmak, nina senchirin iwainak pegkesha ii wainkachmau ainan iwainturmak, egiptonmaya ainan waitkasuiti. Yuus ina ayamrutmak egiptonmaya ainan senchi sapijmamtikauwaiti, tura suntar ainancha ijinawaiti. Nuna turawa nuka atumsha wainkau ainarme.

Romanmaya 11:33

¡Yuuska shir senchi wait anenkartinaiti. Tura nina enentaimtairisha shir pegkeraiti! Tura nigka ashi nekau asamtai, ni takasmaurin pachis tumainka chikichkiksha atsawai. Tuma asamtai shuar ainatika ni takasmaurigka yupichu enentaimtura nekamaitsuji.

Daniel 2:2

Tuma asa nina inatairin chicharuk: “Karanam wainkaj nuna ujatkarti, shuar yacha aina, nekamin aina tura iwishin ainasha utiarta”, tusa tinaiti. Tama weri yaruak apu pujamunam ejénaiti.