1 Samuel 7:3 - New Testament with Old Testament portions

³ Tumaina asarmatai Samuel nitan chicharuk: Atum ima Yuusa nuke umirkattsarum wakerakrumka chikich shuar aina, nitak najanawar yuusrimainak ememataina nuka ememattsuk Astarté nakumka najanamu aina nujaimak utsagtarma. Tumakrumnaka filisteo aina atumin apuriya numamtuk waitkarmaina nunaka Yuus agkanmamtikramattarme, tusa tinaiti.

1 Samuel 7:3 Iomraidhean Croise

Lucas 4:8

Tama Jesús ayak: “Yuusa chichame aarmau awai: ‘Ima amina apuram Yuusa nuke eme anentsa iiyakum emematta, turakum nigki umirkata tu aarmauwaiti’ ”, tusa tinaiti.

Deuteronomio 13:4

Atumi Yuusri umirkurum nigki arantusrum iistin ataarma. Tumakrum chicham umiktarma tusa Yuus turamna nu, tura chichame antukrum ima nigki umirkatarma. Nu tumakrum nijai irutkau pujuttarme.

Mateo 4:10

Tusa tama Jesús ayak: “¡Iwanchi, wetá! Yuusa chichamen aarmau awai: ‘Ima amina apuram Yuusa nuke eme anentsa iiyakum emematta, turakum nigki umirkata tu aarmauwaiti’ ”, tusa tinaiti.

Deuteronomio 6:13

Tuma asamtai ina Yuusriya nu eme anentsa iiyakrum nigki umirkatin ataarma. Chikich aina antuinamunam atum umiktin pachisrum chichakrumka, Yuusa naari pachisan tajai tusarum titin ataarma.

Josué 24:14

Tusa chichaak: “Nu aina ashi enentaimsarum Yuus eme anentsarum iiyakrum emematkurum umirkatarma. Atumi uuntri aina entsa Éufrates amain etsa watainmani pujusar, tura Egipto nugkanmasha pujusar chikich yuusrimtairi ainan eme anentas iiya ajaku aina nuka inaisatarma. Turakrum Yuusa nuke umirkatarma.

Josué 24:23

Tusa tuinakai Josué nitan chicharuk: “Nu tusa takurmeka yuuschau aina eme anentsa iiyakrum emematrum nu utsagtarma. Yuus Israel shuar ainatin etegtamrauwa nu atumsha nigki enentaimtusrum ememattarma”, tusa tinaiti.

Juan 4:24

Yuuska Wakaniti, nuna emematuk ninak enentaimtus juwapita tusar emematin aina nuka, tumasag emematmain ainawai”, tusa tinaiti.

Deuteronomio 10:20

“Atumi apuri Yuus ima nigki eme anentsa iiyakrum ememattarma, chikich aina antuinamunam atum umiktin pachisrum chichakrumka, Yuusa naari pachisan tajai tusarum titarma.

1 Reyes 8:48

Tura nita shuari aina achira yaruakmau asar chikich nugkanam pujusar, ame yaakat Jerusalén etegkamua nunii iimas tura aminu atinan jean jeamnaitaj junisha iimas nita amina ima senchi anenmainak tura ima aminig enentaimsar pujusar aujtamainakaigka,

Mateo 6:24

Shuarka jimar patrónkrinnuka amaitsui. Chikich patrónkrin ima senchi aneak, chikichan kajermainaiti. Tumachkusha chikich patrónkrin umiruk, chikichan nakita asa umirtsuk inaimainaiti. Numamtuk atumsha Yuus aneakrum nigki umirkattsarum wakerakrumka, kuitjai apatkarmeka anemaitsurme”.

Mateo 15:8

‘Ju shuar aina juka winaka ayatik nita chichamenig emematruinawai, turasha winaka enentaimturainatsui.

Génesis 35:2

Tama Jacob nina nuwe ainan, uchiri ainajai, tura nina patai ainajaimak chicharuk: Atum yuusrimattsa najanamu aina nuka ashi utsagtarma. Tumarum entsa maakrum jaanch yapajmamkatarma, tusa tinaiti.

Oseas 14:1

Oseas Israel shuar ainan chicharuk: “Atum tunau takákrum waitakrumsha, tunau takat inaiyakrum atumi Yuusri umirkurum ememattarma”.

Jueces 2:13

Israelita ainaka nakumka najanamu yuus Baal tutai ainan, tura yuus Astarté tutai ainancha emematainak, Yuus tuke puju nekasa nuna eme anentsa iiyaku ememattanka inaisaru ainawai.

1 Samuel 31:10

Turuinak Saúla nagkiri ainanka yaruak nita yuusrimtai Astarté jeamrukmaunam awayawaruiti. Antsu Saúla iyashin, tura uchiri ainan iyashincha yaakat Bet-san tutai tanishrin yaki nenaawar inaisaruiti.

1 Reyes 11:33

Salomónka winaka nakitrurai, nuwa najanamu Astartén sidonio aina emematin aina nuna, nuiya Moabnumia aina ememattai Quemósan, amonita aina ememattain Milcom tutain nu ainan emematui. Nuna tura asa nina takatrigka winaka shir amajtatsui. Nina apari David wina chichamrun umijakua nunaka nigka umirtatsui.

Deuteronomio 4:29

Nu nugka ainanam tu pujakrumsha ataksha Yuus umirkattsa wakeruktinaitrume. Tumakrum ataksha nigki umirkattsa wakerusa pegker enentaijai aujmaka anturtamak wina umirtukarti tusa yainmaktinaitrume.

Jueces 2:11

Israelita ainaka Yuus iismaka shir pegkerchaun takajaku ainawai. Tumaina asar yuus Baal tutain eme anentas ii jakaru ainawai.

2 Reyes 23:15

Israelita ainan apuri Jeroboam naartin Nabat ajakua nuna uchiri nekas yuuschau emematainak iruuntratnun tura tagku aina maa patasa epeatin najanatarma, tusa takai yaakat Betelnum najanawaru ainawai. Nu turamunam israelita aina nekas yuuschaun eme anentas iiyainak, ememataina asar tunaun takajakaruiti. Josías Betelnum wuwaiti. Tuma nui jeawar nekas yuuschau aina emematku iruuntain, tura tagku aina maa patasa epetaincha tsaikar juyujuyuntu amajsar ekemakaruiti. Tura yuus Asera tutai najanamu nui atatmaun nunasha ekemakaruiti.