1 Samuel 4:3 - New Testament with Old Testament portions

³ Turamu asar israelita aina nita jeen waketrar kaunkarmatai apu aina nitan ininak: ¿Urukamtai filisteo aina ijinawarti tusasha Yuuscha inaitamsaji? Yaakat Silonam wearmi. Tumar Yuus chicham umikmau egkeamua nu arca utiarmi. Turakrinka filisteo ainan nepetkarti tusa yainmaktatji tusar tiaruiti.

1 Samuel 4:3 Iomraidhean Croise

Judas 1:5

Atumka nusha nekarme, turasha wii nuna shir anemtikratjarme: Apu Yuus Israel shuar ainan Egiptonmayan jiir uwemtikkauwaiti, turasha shuar nekaspapita tichau ainan ijinawaiti.

1 Pedro 3:21

Yuus Noén tura chikich ainancha entsanam jakemainan uwemtikkauwa numamtuk, Jesucristojai iruuntrau asar uwemkau ainaji. Ii entsanam mainaj nuka Jesucristojai irutkau pujamua nu iwainmamji. Turasha nuka ina enentaimtairinka pegker amajeatsui. Antsu ika Jesucristo mantamna nantakna nu nekaspapita tuina asar, Yuusan emtincha makumamainchau ainaji.

2 Timoteo 3:5

Jesucriston umirnujai metek iwainmamiartinaiti, turasha nita takamurigka Criston umirnusha urukua amainaita nujai metekka achartinaiti. Shuar tumau ainajaigka iruuntraipa.

2 Samuel 15:25

Tuma shuar aina yaaktanmaya ashi jintrarmatai apu David, sacerdote Sadocan chicharuk: “Yuusjai chicham umikmau aarmau egkeamu arcan Leví weantu amee shuar aina jukiar ataksha awaigkirum nina jeenig apujsatarma tusam titá. Yuus wina wait anentrak yainkaigka, iwáku waketkin taakun nina jenig pujaun wainkatjai”.

1 Samuel 14:18

Tuma asamtai Saúl Ahíasan chicharuk: Yuus iniasa nekatai efod achiakam nu itata, tusa tinaiti. Israelita aina matsatmaunam au asamtai nunaka tinaiti.

Josué 4:7

atum chichakrum: “Yuus chicham umikmau egkeamun arcan sacerdote aina yanakiar jukiar entsa Jordánnum wajawarmatai entsa jimapetuk kanak muku jasuiti. Tumamtai ii ainati katiaruitaj nuna juka iwainawai tusarum titinaitrume”, tusa tinaiti.

Deuteronomio 31:26

Chicham umiktin aarmauwa ju atum chicham umitsuk shir pegkerchau takámun nekamtikramatin jukirum Yuus atumjai chichaman umikmau egketai arca puja nui ayantsarum apujsatarma.

Números 10:35

Tuma asamtai arca wetatuk jakaigka Moisés chichaak: “Wina apuru, ¡amina kajertamin aina, amina waitmakar ashamramainak tsekeararti!” tusa tujakuiti.

Números 10:33

Tumawar mura Sinaí tutainmaya jiinkiar, arca emak weakai nuna iisar we wenakua nita matsamsatnunam tres tsawan jeawaruiti.

Josué 6:6

Josué sacerdote ainan untsuk irumar chicharuk: “Yuus chicham umikmau egkeamu arca jukitarma, tura siete sacerdote ainatiram kachu najankamu aina jukirum atum emkarum wetaarma”, tusa tinaiti.

1 Samuel 1:24

Uchi uunmar muntsun muntsuamun tsurakmatai, Yuus ememattasa iruuntai jeanam juki weak, tres vaca aishmag tsakat ainan, trigo kijintri veinti dos aramun, tura vinoncha nuapnum juki ejénaiti.

1 Samuel 4:2

Tura filisteo aina, israelita ainan maaniamunam nepetkaruiti, turuinak cuatro mil israelita ainan maawaru ainawai.