Philip 4:9 - Sech Hadròih

⁹ Bìac cleq pì khoi hŏc, khoi nhàn, khoi tàng au anoi, wa khoi hnoq ŏi ta au, broq beq, èh Boc Plình da can catèm jah ŏi ta pì.

Philip 4:9 Iomraidhean Croise

Êsai 41:10

Apaq crè, i Au ŏi ti ìh; paq hlè lèt, taiq Au Boc Plình ìh. Au am tam padren ca ìh, Au joq 'nàng jùp đò ìh, Au joq 'nàng hnhè tì pah 'ma ta-atoq dèch ìh.

Êsai 8:10

Adràc dabau hatình trong beq, mahaq ùh jah gêh; capoch 'noh trong beq, mahaq bàu aih ùh jah cajap, ma jah 'màng aih Boc Plình ŏi ti nhèn.

Mathêu 1:23

“Cô èh, i mòiq ngai gu adrùh xriu ŏi jiang, xa-ông mòiq toq Con Calô.” Khoi èh wì hiniq ca Con Calô aih hiniq: “Em-ma-nu-ên, aih Boc Plình ŏi ti bèn.”

Mathêu 28:20

wa anoi hnài wì wèq dìq rìm bìac Au khoi hnài pì. Au ŏi hloi ti pì enh cô trùh hì atìq lùch.”

Mathêu 7:21

“Ùh xài mangai leq hi doi ca Au: ‘Waiq Chuaq, waiq Chuaq,’ èh jah mùt dŏng Diac Plình đòh, mahaq toq mangai ma broq tiaq manoh Baq ŏi ta Diac Plình raq.

Luca 6:46

“Gleq pì ma creo Au: ‘Chuaq, Chuaq,’ mahaq ùh broq tiaq bàu Au?

Luca 8:21

Mahaq, Haq tèu: “Miq Au wa oh Au, aih mangai tàng bàu Boc Plình, hi khoi, broq tiaq bàu aih.”

Bàu Lem tiaq Jon Achìh Bìac Chuaq Jêxu Broq Wa Hnài 13:17

Tàng pì loq ca bìac cô wa broq tiaq, èh pì jah xôq.

Bàu Lem tiaq Jon Achìh Bìac Chuaq Jêxu Broq Wa Hnài 15:14

Pì bua Au tàng pì hloi hloi broq bìac Au ma thê broq.

Bàu Lem tiaq Jon Achìh Bìac Chuaq Jêxu Broq Wa Hnài 2:5

Miq Haq doi ca wì hapŏng ma patìh caq ôq hì aih: “Haq thê pì broq cleq, pì phai iu bàu Haq.”

Bìac Yiang Hadròih 9:6

Mahaq yòng beq, mùt ta phôq, èh wì jah doi ca ìh bìac phai broq.”

Rôma 15:33

Waiq xìn Boc Plình am can catèm ŏi ti oh daq dìq dŏng! Amen.

Rôma 16:20

Boc Plình da can catèm jah renh jôiq padit đac can kiac Satan enh 'neq ca jènh pì. Waiq xìn bìac am dech Chuaq Jêxu Crich da bèn, ŏi ti pì!

1 Cô-rinh-tô 10:31

'Màng aih èh 'nhac pì caq, pì ôq loq broq bìac cleq, xôq khòh broq đòiq padèch hiniq Chuaq.

1 Cô-rinh-tô 14:33

Ma jah 'màng aih Boc Plình ùh xài Boc Plình manhài mahaq Boc Plình catèm ta dìq ca Tagop Hadròih da mangai hadròih.

1 Cô-rinh-tô 4:16

'Màng aih, au pariaq pì phai tiaq dua au.

2 Cô-rinh-tô 13:11

Atìq lùch, ôi oh daq khòh lem bùi beq. Lam tiaq trùh ta bìac gêh lem, alòng dabau, pajùm mòiq manoh, caq ŏi hatroq, èh Boc Plình da can loq waq wa can catèm ŏi ti pì.

Ranenh Achìh Hlài 5:1

Môise creo dìq ca jàn Is-ra-ên trùh, haq doi ca wì: Ôi Is-ra-ên, tamàng au anoi pa'noh ca pì bàu thê wa 'bài ranenh hì cô, đòiq pì hŏc waq ca loq wa dì tiaq rìm bìac aih.

Philip 3:17

Ôi oh daq, phai tiaq dua au wa ngan 'bài mangai ma 'noiq ma khoi rìh tiaq dua nhèn ma pì khoi hnoq.

Philip 4:7

Bìac catèm da Boc Plình yi dôch ca bìac catèm da pì ma 'nì loq, jah wèq ban manoh wa trong hèm pì ŏi ta Chuaq Jêxu Crich.

1 Tê-sa-lô-ni-ca 1:6

Pì hadai khoi tiaq dua nhèn wa tiaq dua Chuaq 'nhac ca glàm bàc bìac ti rùp, pì khoi nhàn yŏc bàu Chuaq xam manoh lem bùi da Yiang Hadròih,

1 Tê-sa-lô-ni-ca 2:14

Ô oh daq, joq 'nàng 'màng aih, pì khoi tiaq dua 'bài Tagop Hadròih da Boc Plình ŏi gùng Juđia, aih 'bài Tagop Hadròih ŏi enh dalam ca Chuaq Jêxu Crich. Ma jah 'màng aih pì hadai khoi chìuq bìac jìq xa enh jàn cla broq loh, hadai tìah ca 'bài Tagop Hadròih aih chìuq jìq xa enh mangai Yothaiq,

1 Tê-sa-lô-ni-ca 5:23

Waiq xìn Boc Plình da can catèm, broq ca pì wìa hadròih gêh tôm trong yiang, mahua wa chac hamac, pì jah wèq tôm gêh ùh i ca nòi jah trech jò Chuaq Jêxu Crich da bèn trùh hlài.

2 Tê-sa-lô-ni-ca 3:4

Ŏi ta Chuaq nhèn lùi nòi pì 'nang broq wa xôq broq hòm ta ngìa cô èh bàu ma nhèn khoi thê.

2 Ti-mô-thê 4:22

Waiq xìn Chuaq ŏi ti yiang ìh, waiq xìn xôq ramŏt Chuaq ŏi ti oh daq. Amen.

Jacò 1:22

Mahaq broq tiaq bàu aih beq, apaq toq tamàng dech, èh 'nùt dađeh.

2 Pêtrô 1:10

'Màng aih, ôi oh daq! Phai ran broq waq ca bìac creo da Haq, wa bìac jah ràih da pì jah cajap, ma jah 'màng aih tàng pì broq 'màng aih, èh ùh jò leq tacro,

1 Jon 3:22

wa nhàn jah rìm bìac bèn waiq xìn, ma jah 'màng aih bèn broq tiaq bàu thê Haq wa broq bìac lem manoh Haq.