Philip 4:6 - Sech Hadròih

⁶ Apaq hlè lèt hèm bìac cleq, mahaq ta rìm bìac phai waiq khàn, waiq xìn xam manoh manè apôi, anoi bìac waiq xìn dađeh ca Boc Plình.

Philip 4:6 Iomraidhean Croise

1 'Bài Bùa 8:28

'Nhac 'màng aih, Ôi Chuaq Boc Plình da au, xìn Ìh tamàng bàu waiq khàn wa bàu dang xìn da hapŏng Ìh. Xìn Ìh tamàng bàu waiq khàn dang xìn aih da au cô enh ngìa ca Ìh hì cô;

2 'Nhòng Bùa 32:20

Bùa Ê-xê-chia, wa Êsai mangai capoch thai Boc Plình, con calô Amôt, waiq khàn ca bìac cô, wa creo dang trùh Diac Plình.

'Bŏi Calêu Plình 51:15

Waiq Chuaq, xìn pèh hacùng au, èh rapet au jah calêu padèch hiniq Ìh.

'Bŏi Calêu Plình 55:17

Daxroq, dahì, daxèq au creo dang, hràng rayoih ca Chuaq, èh Haq tamàng bàu au.

'Bŏi Calêu Plình 55:22

Phai 'noh am bìac genh trap ìh ca Chuaq beq, Haq jah dèch ìh; Haq ùh jò leq đòiq mangai ta-atoq loq tadroq manoh.

'Bŏi Calêu Plình 62:8

Ôi jàn da au, hloi hloi canòm ca Boc Plình beq, pa'noh dèh manoh enh ngìa ca Haq; Boc Plình raq nòi hanình da bèn.

Bàu Rabiaq 15:8

Ngè tadreo da mangai ngang dù broq ramòt ca Chuaq; mahaq bàu waiq khàn da mangai lem jang jah bùi manoh Haq.

Bàu Rabiaq 16:3

Anoi 'noh dèh bìac broq ca Chuaq beq, èh 'bài trong tình da con jah gêh lem.

'Bŏi Calêu 2:14

Ôi chìm trù au ta còp hmu, nòi hlèp da trong tŏc ha'nhèq; 'noh ca au ngan hnoq hadrò pàt oh, wa tàng bàu oh capoch, ma jah 'màng aih bàu oh èm ai, hadrò pàt oh lem lình.

Jê-rê-mi 32:16

“Jò au khoi am jàiq rŏt ca Baruc, con calô Nêria, au waiq khàn ca Chuaq, doi:

Jê-rê-mi 33:3

‘Waiq dang Au beq, Au jah padreo hlài bàu ìh. Au jah pa'noh am ca ìh bìac càn wa bìac ha'nhèq aih bìac ma ìh 'nhòq lah loq.’

Đa-ni-ên 3:16

Sađrac, Mêsac wa A-bêt-nê-gô tèu hlài bùa: “Ôi Nê-bu-cat-nêt-xa, ta bìac cô pi ep ca nhèn tèu hlài bùa.

Đa-ni-ên 6:10

Jò Đa-ni-ên tàng doi bùa khoi kìq hiniq ta bàu thê aih, haq hlài ta hnem, tŏc dèh ta adùq ha'nhèq, nòi i 'bài 'mŏc hnem ngìa 'nah ta Jê-ru-sa-lem. Jang aih, mòiq hì piq yàng haq hacùn cràng waiq dang wa manè pôi Boc Plình da haq tiaq troi haq khoi loq broq adroi ca aih.

Mathêu 10:19

Mahaq jò wì rùp pì, pì apaq hèm ep capoch 'màng leq, anoi 'màng leq, ma jah 'màng aih bàu leq đang ca anoi jah patô 'mòi ca pì jò aih.

Mathêu 13:22

Adrech taclìh nòi hila, aih alìah ca mangai tamàng Bàu Lem, mahaq haq hèm hrìn bìac crŏng taneh cô. Haq ham ca padrŏng can, broq Bàu Lem loh ca ùh yòng càn, ùh loh plì.

Mathêu 6:34

'Màng aih, apaq lèt bìac hì da èh, ma jah 'màng aih bìac hì da èh jah lèt ca hì da èh, bìac xalep hì leq 'nang lem dèh ca hì aih.

Mathêu 6:8

'Màng aih, pì apaq tìah troi wì haq, ma jah 'màng aih, adroi ca pì xìn, Baq pì khoi loq pì nhet bìac cleq.

Luca 10:41

Chuaq tèu: “Ô Mathê, Mathê! Ìh chìuq lep wa lo broq bàc bìac,

Luca 12:22

Chuaq Jêxu doi dèh ca mangai hŏc tiaq: “ 'Màng aih, au doi ca pì: Apaq hèm trong can rìh pì, pì lèt caq cleq, loq chac hamac pì caxùnh cleq.

Luca 12:29

'Màng aih pì apaq cadàu tiaq dahwèq caq, dahwèq ôq, hadai apaq ŏi lo ta manoh.

Luca 18:1

Chuaq Jêxu alìah ca mangai hŏc tiaq Haq đòiq patô ro ca wì ep hloi hloi waiq khàn; apaq tagah lep.

Luca 18:7

'Màng aih, Boc Plình ma ùh hadrah ta-atoq ca 'bài mangai Haq ma khoi ràih, aih 'bài mangai dahì damang creo xìn Haq, xôq Haq ŏi gòm dùnh hòm 'mòh?

1 Cô-rinh-tô 7:21

Mangai 'nang broq hapŏng dìch jò Boc Plình creo, apaq lèt bìac dađeh 'nang broq hapŏng dìch. Tàng pì jah claih enh broq hapŏng dìch, aih lem.

1 Cô-rinh-tô 7:32

'Màng aih, au enh pì ùh hìaq ep lo bìac cleq, mangai leq ùh i ca mai èh jah lo bìac Chuaq, wa chaq trong lem manoh Chuaq.

2 Cô-rinh-tô 1:11

Jò pì pajùm ti dabau waiq khàn ca nhèn, nhò bàc ngai wiang waiq khàn 'màng aih, nhèn jah xôq ramŏt, èh nhò nhèn, bàc ngai hadai jah manè apôi Chuaq.

Ê-phê-sô 5:20

Phai hloi hloi canòm ca hiniq Chuaq Jêxu Crich da bèn, khòh manè pôi Boc Plình Baq bèn ta rìm bìac.

Ê-phê-sô 6:18

Xam rìm bàu waiq khàn wa bàu xìn, phai nhò Yiang Hadròih hloi hloi. 'Màng aih phai yŏc manoh rìu hmàng wa dràng cajap, waiq khàn am dìq dŏng ca mangai hadròih.

Cô-lô-se 3:15

Đòiq ca can catèm da Chuaq Jêxu Crich wèq cwìang ta manoh pì. Pì khòh broq 'màng cô, ma jah 'màng aih Boc Plình khoi ràih pì đòiq pì rìh hatroq ca dabau ta mòiq chac, wa phai i manoh loq manè apôi.

Cô-lô-se 3:17

Ùh kè ca pì broq bìac cleq, trong bàu capoch loq bìac broq, hadai ep canòm ca hiniq Chuaq Jêxu đòiq broq rìm bìac, nhò Haq manè apôi Boc Plình, aih Chuaq Baq.

Cô-lô-se 4:2

Phai panim ta bìac waiq khàn, yŏc manoh rìu hmàng wa loq manè pôi.

1 Ti-mô-thê 2:1

'Màng aih au pariaq hnài ìh, adroi dŏng phai waiq khàn, waiq xìn wa manè apôi Boc Plình am ca rìm ngai,

1 Ti-mô-thê 5:5

Mangai hadrô joq 'nàng rìh ŏi mòiq ngai, khoi đòiq dèh manoh gòm canòm nòi Boc Plình dahì, damang, cajap manoh waiq khàn, waiq xìn.

1 Pêtrô 4:7

Hì lùch da rìm bìac khoi ten trùh, 'màng aih ep i manoh 'nì loq ro rang wèq dađeh đòiq waiq khàn.

1 Pêtrô 5:7

jao am dŏng dìq rìm bìac pì ma lèt ca Boc Plình beq, ma jah 'mang aih Haq i manoh wèq ban pì.

1 Sa-mu-ên 1:15

Hana tèu 'màng cô: “Ùh xài 'màng aih boc au ôi; au mangai gu cadrì i manoh mango, ùh i ôq alac loq ôq cadroh, mahaq au pa'noh dèh manoh ŏi jang ngìa Chuaq.

1 Sa-mu-ên 30:6

Jò cô, Đawit khoi glàm bìac ranàc càn, taiq wì tình ca tèm hmu haq, ma jah 'màng aih taiq wì haq dìq jaq mango dèh ca mai wa con calô wì haq. Đawit yŏc hlài padren ta manoh enh Chuaq, Boc Plình da haq.

1 Sa-mu-ên 7:12

Jò aih, Sa-mu-ên yŏc mòiq toq hmu, tàp pa'nàng ŏi ta'ne Mitba wa Sen, hiniq haq Ê-bên-ê-xe, ma jah 'màng aih haq doi: “Chuaq khoi jùp nhèn trùh pàng cô.”