Philip 3:21 - Sech Hadròih

²¹ Haq jah halìh chac hamac ùh nèn da bèn, loh ca tìah ca chac hamac 'ngah 'ngai troi Haq xam cwìang itai Haq khoi i đòiq broq rìm bìac ta crŏng taneh phai loq iu tiaq Haq.

Philip 3:21 Iomraidhean Croise

'Bŏi Calêu 1:11

Ba jah broq ca oh caxi wang i clep 'bac.

Êsai 25:8

Haq jah raliang đac bìac cachìt trùh hloi hloi. Chuaq Boc Plình xùt diac mat dìq dŏng, don đac bìac camaih da jàn Haq jàp ta crŏng taneh; Taiq Chuaq khoi doi 'màng aih.

Êsai 26:19

'Bài mangai cachìt da Ìh jah rìh. Hanang da wì haq dìq rìh hlài! Ô 'bài mangai ŏi ta blo taneh, rìu beq wa cachech lem bùi, ma jah 'màng aih Ô Chuaq, diac ngom da Ìh 'màng ca diac ngom daxroq, wa taneh jah ca'naih 'bài mahua yiang.

Ôsê 13:14

“Au khòh dŏih wì haq claih khoi ca cwìang da can cachìt ùh? Au khòh rŏt hlài wì haq claih khoi enh can cachìt 'mòh? Ô can cachìt, 'bài hila ìh ta leq? Ô Ralùng Hanang, can jìq da ìh ŏi ta leq? “Can xa-ŏch khoi cadoc hlèp hangai ca mat Au.

Mathêu 17:2

Enh ngìa ca wì, Chuaq halìh 'mù, hadrò Haq canhia tìah ca mat mahì, eo Haq taboc ca-ah.

Mathêu 22:29

Chuaq Jêxu tèu haq: “Pì khoi lac trong, taiq pì ùh loq ca Sech Hadròih, hadai ùh 'nì ca cwìang itai Boc Plình 'màng leq?

Mathêu 28:18

Chuaq Jêxu trùh haten doi ca 'bài mangai hŏc tiaq bàu cô: “Dìq ca cwìang itai ŏi ta plình wa ta crŏng taneh khoi am ca Au.

Rôma 8:29

Ma jah 'màng aih 'bài mangai Haq khoi loq adroi, Haq ji khoi pajaq adroi đòiq wìa tìah troi Con Haq, waq ca Con Haq jah broq Con Ramua ŏi ta'ne bàc oh daq.

Cô-lô-se 3:4

Jò leq Chuaq Jêxu Crich, Haq aih can rìh da bèn mahno loh ta crŏng taneh, èh pì hadai jah mahno loh 'ngah 'ngai ti Haq.

1 Jon 3:2

Oh daq au ma loq waq, manàiq cô bèn broq con caiq Boc Plình. Atìq cô èh bèn 'màng leq 'nhòq jah mahno loh, mahaq bèn loq jò Haq trùh, bèn jah tìah ca Haq, taiq bèn jah hnoq Haq tìah troi Haq joq 'nàng i.

Bìac Mahno 1:8

Chuaq, Haq Boc Plình, doi: “Au cô Anpha wa Ô-mê-ga, aih Baxèm wa Pulùch; aih Haq ma manàiq 'nang i, khoi i hloi hloi enh nèh, wa padon lam trùh, Chuaq I Cwìang Itai Dìq Dŏng.”