Philip 3:12 - Sech Hadròih

¹² Doi 'màng aih, ùh xài au khoi jah 'blêq, loq khoi jah lem dìq dŏng, mahaq au 'nang cadàu tiaq waq ca jah wìa mangai Chuaq Jêxu Crich enh, jò Haq creo au.

Philip 3:12 Iomraidhean Croise

Sech Jop 17:9

Mahaq mangai ta-atoq jah cajap dèh ta trong cla; mangai i tì lem hreo rai èh rai jah tadêh.

'Bŏi Calêu Plình 119:5

Ôi! Ùac aiq trong au jah hagao, đòiq au wèq trong ranenh Ìh!

'Bŏi Calêu Plình 138:8

Chuaq jah broq gêh bìac da au. Ôi Chuaq, can xa-ŏch xam manoh loq waq Ìh ŏi i hloi hloi; xìn paq cađac bìac broq da tì Ìh.

'Bŏi Calêu Plình 42:1

Boc Plình da au ôi! Mahua yiang au ngèh enh ca Ìh, tìah ca jŏi croh ranŏng ngèh enh ca ôq diac mŏng.

'Bŏi Calêu Plình 63:8

Mahua yiang au rùp cajap ca Ìh, tì pah 'ma Chuaq jah dèch au.

'Bŏi Calêu Plình 84:2

Mahua yiang au ngèh enh jah ŏi ta xàn hnem cùh waiq da Chuaq; mahua yiang au wa chac hamac au jah calêu lem bùi ca Boc Plình ma rìh hloi.

'Bŏi Calêu Plình 94:15

Ma jah 'màng aih bìac hadrah ta-atoq jah wìh hlài ca tì mangai ta-atoq, wa rìm ngai mangai i manoh jang lem jah broq tiaq.

Bàu Rabiaq 4:18

Mahaq trong da mangai ta-atoq tìah ca can 'ngah xreo, kiang 'ngah tam trùh jò 'ne hì.

Êsai 51:1

“Pì mangai tiaq trong ta-atoq, mangai chaq Chuaq, tamàng au beq! Ha'mrìh ngan hmu càn pì ma khoi pùng 'noh, wa hàm ma pì khoi cŏch tŏc!

Ôsê 6:3

Bèn khòh canao loq ca Chuaq; wa phai dìq dèh padren canao loq ca Haq beq. Haq jah trùh ta bèn, bìac aih joq 'nàng tìah ca mat mahì tŏc jò daxroq, Haq trùh ta bèn tìah ca mè pùc taneh jò padrang.”

Mathêu 5:48

'Màng aih èh, pì ep lem rìm trong, tìah ca Baq pì ŏi ta Plình lem rìm trong.

Bìac Yiang Hadròih 9:15

Mahaq Chuaq doi ca A-na-nia: “Lam beq, ma jah 'màng aih Au khoi ràih mangai cô đòiq anoi hiniq Au enh ngìa ca 'bài mangai jàn 'noiq, ca 'bài bùa, wa ca con mangai Is-ra-ên.

Rôma 8:39

dàng ha'nhèq, dàng jrùq, loq bìac ma 'noiq jah lah bèn khoi ca can loq waq Boc Plình khoi am ca bèn ŏi ta Chuaq Jêxu Crich, aih Chuaq bèn.

1 Cô-rinh-tô 13:10

Mahaq jò bìac gêh lem trùh, èh bìac ùh gêh lem pi i hòm.

1 Cô-rinh-tô 13:12

Ma jah 'màng aih manàiq cô bèn hnoq ùh dai ro, bu dàng ngan ta gùang; trùh hì aih bèn jah hnoq ro rang tôm gêh; manàiq au 'nì loq bu mòiq phàn, mahaq trùh jò aih au loq dŏng dìq tìah ca Chuaq ma 'nì loq ca au.

1 Cô-rinh-tô 9:24

Pì ma ùh 'nì, wì cadàu ca thì i bàc ngai, mahaq mòiq ngai raq ma jah bìac baha 'mòh? 'Màng aih cadàu oq waq ca jah bìac baha aih.

2 Cô-rinh-tô 13:9

'Nhac ca nhèn ìuq, mahaq pì jah tadêh, èh nhèn xôq lem bùi, wa bìac nhèn waiq xìn, aih am ca pì jah wìa gêh tôm.

2 Cô-rinh-tô 7:1

Ô 'bài mangai au dìq jah loq waq, taiq bèn khoi i bàu hùaq 'màng aih, bèn phai broq ca dađeh hreo rìm bìac amùa amech phàn chac xech wa phàn manoh, waq ca jah wìa hadròih joq 'nàng taiq loq yùq crè ca Boc Plình.

Ga-la-ti 5:17

Ma jah 'màng aih chac xech i bìac ham enh ùh hatroq ca Yiang Hadròih, Yiang Hadròih ùh hatroq ca chac xech, baiq pah ùh hatroq ca dabau, 'màng aih dài pì ùh jah broq bìac cleq pì loq enh broq.

Ê-phê-sô 1:4

Adroi ca plình crŏng taneh broq loh, Haq khoi ràih bèn ta Chuaq Jêxu Crich đòiq broq wìa hadròih ùh i bìac cleq jah trech enh ngìa ca Haq.

Ê-phê-sô 4:12

đòiq padon ca mangai hadròih jah patìh bìac Chuaq, pa'nhrang chac hamac da Chuaq Jêxu Crich,

Philip 1:1

Au Paulô, ma Ti-mô-thê, mangai patìh da Chuaq Jêxu Crich, gòi bàu bòch hmàih dìq ca mangai hadròih ŏi ta phôq Philip, pajùm ca mùc sù ma wèq 'bài mùc sù, wa 'bài chàp sùq:

Philip 3:16

Hnoq 'màng aih, tàng bèn khoi jah tiaq troq pàng leq, bèn wèq pàng aih beq.

Philip 3:3

Ma jah 'màng aih, bèn mangai ma cat akia joq 'nàng, mangai canòm ca Yiang Hadròih cùh waiq Boc Plình, lem bùi ta Chuaq Jêxu Crich, ùh jò leq đòiq manoh canòm ca chac xech,

Philip 3:8

taiq jah canao loq ca Chuaq Jêxu Crich yi ha'nhèq dŏng dìq, Haq Chuaq au, wa taiq Haq au cađac dŏng dìq rìm bìac; joq 'nàng au ngan rìm bìac aih tìah ca aròm arô đòiq jah i Chuaq Jêxu Crich,

1 Tê-sa-lô-ni-ca 5:15

phai ngan kenh, apaq yŏc bìac dù ca'naih hlài bìac dù, mahaq hloi hloi ran broq bìac lem am ca dabau ca rìm ngai.

2 Tê-sa-lô-ni-ca 2:13

Ôi oh daq 'bài mangai Chuaq ma loq waq, nhèn hloi hloi manè apôi Boc Plình dài pì, ma jah 'màng aih Boc Plình khoi ràih pì enh jò baxèm đòiq jah dèch claih nhò Yiang Hadròih wa jah wìa hadròih nhò lùi bàu joq 'nàng.

1 Ti-mô-thê 5:10

wa jah i tìang 'bang nhò broq bìac lem, rabiaq ca hnài ban con caiq, loq đìh yŏc tamoi ùh canao, 'nheo jènh 'bài mangai hadròih, loq jùp đò 'bài mangai pa, èh broq rìm bìac lem ca mangai.

1 Ti-mô-thê 6:19

'Màng aih wì haq jah don đòiq ca dađeh ngè canaq, broq xèm cajap cajình am ca dađeh, đòiq jah yŏc bìac can rìh joq 'nàng.

Hêbru 12:14

Phai ran dìq ca manoh đòiq jah broq hatroq ca rìm ngai, hadai ti chaq tiaq can hadròih, ma jah 'màng aih, tàng ùh wìa hadròih, èh ùh i ca mangai leq jah hnoq Chuaq.

Hêbru 12:23

haten ca tagop hadròih da 'bài con ramua ma khoi jah achìh 'mùt hiniq ta plình, haten ca Boc Plình, Haq ma broq Cwan Tình Hiniq Hadrah rìm ngai, wa haten ca dìq ca yiang da 'bài mangai ta-atoq wa khoi jah lem lình tôm gêh,

Hêbru 13:21

ta'mroq am ca pì jah tôm gêh ta rìm bìac broq lem, nhò Chuaq Jêxu Crich broq troq manoh tiaq Haq enh waq đòiq Haq jah 'ngah 'ngai hloi hloi. Amen.

Jacò 3:2

Ma jah 'màng aih dìq dŏng ca bèn broq tôiq xam bàc trong. Tàng i mangai leq ùh broq tôiq ta bàu capoch cla, aih mangai khoi lem tôm gêh, nui padràng dìq dèh ca chac hamac cla.

1 Pêtrô 5:10

Waiq xìn Boc Plình da rìm bìac am dech ma khoi creo ca pì mùt ta can 'ngah 'ngai hloi hloi da Haq ŏi ta Chuaq Jêxu Crich, atìq ca pì chìuq xa đò dùnh toq 'biaq, cla Haq raq jah broq ca pì gêh tôm, cajap cajình wa am tam padren,

2 Pêtrô 3:18

Mahaq phai yòng càn ta bìac am dech, wa bìac 'nì loq ro ca Chuaq Jêxu Crich, Mangai Dèch bèn. Waiq xìn bìac 'ngah 'ngai am ca Haq enh jò cô trùh hloi hloi. Amen.