Philip 2:11 - Sech Hadròih

¹¹ dìq ca rapet pa'noh doi Chuaq Jêxu Crich, Haq Chuaq, khoi èh broq 'ngah 'ngai Boc Plình, Chuaq Baq.

Philip 2:11 Iomraidhean Croise

'Bŏi Calêu Plình 110:1

Chuaq Boc Plình doi ca Chuaq au: “Ha'ngui pah 'ma Au beq, trùh jò leq Au đòiq mangai ma git ca Ìh enh 'neq ca jènh Ìh.”

'Bŏi Calêu Plình 18:49

Taiq 'màng aih au jah padèch hiniq Chuaq ta'ne dìq Diac, èh au calêu dèch hiniq Ìh ta rìm nòi au jah lam.

Jê-rê-mi 23:6

Ta 'nhòng bùa aih, Juđa jah dèch claih; Is-ra-ên jah ŏi nòi hanình, wa wì jah creo hiniq Haq: Chuaq bìac ta-atoq nhèn!”

Mathêu 10:32

“Taiq 'màng aih, mangai leq pa'noh hiniq Au jang ngìa phù cròng, èh Au ji pa'noh hiniq haq jang ngìa Baq Au ŏi ta plình.

Luca 2:11

Mang cô ta 'Bêt-lê-hem khoi xa-ông Mangai Dèch con mangai, Haq Crich, Haq Chuaq.

Bàu Lem tiaq Jon Achìh Bìac Chuaq Jêxu Broq Wa Hnài 12:42

Mahaq, ŏi ta wì ma broq cwan, i bàc ngai lùi Chuaq Jêxu; mahaq taiq wì yùq ca mangai Pha-ri-si loq hnan wì loh khoi enh hnem tagop, wì ma jah ùh anoi pa'noh dađeh tiaq Chuaq,

Bàu Lem tiaq Jon Achìh Bìac Chuaq Jêxu Broq Wa Hnài 13:13

Pì creo Au cô Thài wa Chuaq, aih joq troq taiq cla Au joq 'nàng 'màng aih.

Bàu Lem tiaq Jon Achìh Bìac Chuaq Jêxu Broq Wa Hnài 13:14

Tàng Au Chuaq pì wa Thài pì, khoi 'nheo jènh pì, pì phai 'nheo jènh dabau.

Bàu Lem tiaq Jon Achìh Bìac Chuaq Jêxu Broq Wa Hnài 14:13

Pì canòm hiniq Au ma waiq xìn bìac cleq, Au am ca pì, waq ca Baq jah 'ngah 'ngai ŏi ti Con.

Bàu Lem tiaq Jon Achìh Bìac Chuaq Jêxu Broq Wa Hnài 14:23

Chuaq Jêxu padreo hlài bàu doi: “Tàng i mangai loq waq ca Au, haq jah iu wèq bàu Au. Baq Au jah loq waq ca haq wa Ma jah trùh ŏi ti mangai aih.

Bàu Lem tiaq Jon Achìh Bìac Chuaq Jêxu Broq Wa Hnài 17:1

Jò Chuaq Jêxu hêq ca doi bàu aih, Haq ngoi ngan ta plình waiq khàn: “Baq ôi, khoi trùh jò xìn Ìh broq ca Con jah 'ngah 'ngai waq ca Con hadai broq ca Baq jah 'ngah 'ngai.

Bàu Lem tiaq Jon Achìh Bìac Chuaq Jêxu Broq Wa Hnài 20:28

Thôma doi ca Haq: “Waiq Chuaq da au, wa Boc Plình da au.”

Bàu Lem tiaq Jon Achìh Bìac Chuaq Jêxu Broq Wa Hnài 5:23

waq ca wì dìq dŏng iu Con 'màng ca wì iu Baq. Mangai leq ùh iu Con, aih ùh iu Baq, Haq ma thê Con trùh ta cô.

Bàu Lem tiaq Jon Achìh Bìac Chuaq Jêxu Broq Wa Hnài 9:22

Miq baq haq doi 'màng aih taiq wa yùq crè ca mangai Yothaiq taiq wì khoi doi: “Tàng i mangai leq doi Chuaq Jêxu, Haq Crich, wì hnan cađac haq loh enh gùng ca hnem tagop.”

Bìac Yiang Hadròih 10:36

Cô Bàu Lem ma Boc Plình khoi am ca mangai Is-ra-ên: Aih con mangai jah hatroq hlài ca Boc Plình, nhò canòm Chuaq Jêxu Crich, Haq ma broq Chuaq dìq dŏng da con mangai.

Bìac Yiang Hadròih 2:36

“ 'Màng aih, thê dìq ca pì mangai Is-ra-ên phai loq, Chuaq Jêxu cô ma pì ma khoi tiang đình ta long pagat, Boc Plình khoi pajaq Haq broq Chuaq wa broq Crich.”

Rôma 14:11

Sech Hadròih khoi achìh: “Bàu Boc Plình doi: ‘Joq tìah ca Au rìh, rìm cràng dìq hacùn jang ngìa Au wa rìm rapet manè padèch Boc Plình.’ ”

Rôma 14:9

Taiq 'màng aih Chuaq Jêxu Crich khoi cachìt èh khoi rìh hlài đòiq broq Chuaq ca mangai rìh wa mangai cachìt.

Rôma 15:9

wa broq ca mangai jàn 'noiq manè pôi Boc Plình taiq bìac loq xa-ŏch da Haq, troi Sech Hadròih khoi achìh: “Taiq 'màng aih au jah manè pôi Chuaq ta 'bài mangai jàn 'noiq wa au jah calêu padèch hiniq Haq.”

1 Cô-rinh-tô 12:3

Taiq 'màng aih au enh pì loq ùh i ca mangai leq i Yiang Hadròih da Boc Plình ma hanip doi: Chuaq Jêxu đang ca 'bìq waiq hanip. Tàng ùh i ca Yiang Hadròih hadai ùh i ca mangai leq padèch doi Chuaq Jêxu, Haq Chuaq.

1 Cô-rinh-tô 15:47

Mangai baxèm trùh enh blo taneh, mangai ma baiq, Haq enh plình.

1 Cô-rinh-tô 8:6

mahaq phàn da bèn, i mòiq toq Boc Plình raq, aih Chuaq Baq, rìm ngè bìac dìq Haq broq loh wa bèn rìh ca Haq; wa i mòiq toq Chuaq Jêxu Crich raq, rìm ngè dìq nhò Haq men jah i, wa bèn hadai rìh nhò Haq.

1 Pêtrô 1:21

nhò Chuaq Jêxu pì lùi Boc Plình, Haq ma khoi broq Chuaq Jêxu rìh hlài enh can cachìt wa am ca Haq can 'ngah 'ngai lem lình đòiq pì i manoh lùi wa bìac ngèh gòm canòm Boc Plình.

1 Jon 4:15

Mangai leq lùi wa pa'noh Chuaq Jêxu Con da Boc Plình, èh Boc Plình ŏi ta mangai aih, mangai aih ŏi ta Boc Plình.

1 Jon 4:2

Nhò bìac cô pì jah canao loq mangai leq i Yiang Hadròih da Boc Plình: Mangai leq anoi 'noh Chuaq Jêxu Crich trùh ta crŏng taneh xa-ông loh caxùnh yŏc chac mangai, mangai aih i Yiang Hadròih da Boc Plình,

2 Jon 1:7

Ta crŏng taneh khoi i 'bài mangai padô 'nùt, aih 'bài mangai ùh lùi Chuaq Jêxu Crich khoi trùh wìa chac hamac mangai, aih 'bài mangai padô 'nùt wa tajraq ca Crich.

Bìac Mahno 3:5

Mangai leq ta'blêq, haq jah caxùnh eo taboc 'màng cô; Au ùh cađac hiniq wì haq loh enh Sech Can Rìh, mahaq au jah anoi hlài hiniq haq enh ngìa ca Baq Au wa enh ngìa ca 'bình plình da Haq.