Philip 1:11 - Sech Hadròih

¹¹ taiq pì khoi jah ùc bình halùih xam plì ta-atoq trùh enh Chuaq Jêxu Crich, đòiq hiniq Boc Plình jah manè wa jah 'ngah 'ngai.

Philip 1:11 Iomraidhean Croise

'Bŏi Calêu Plình 1:3

Haq tìah ca long hon trong thòng diac, loh plì troq jò, hla haq ùh hŏnh, rìm bìac broq da haq dìq jah xôq ramŏt.

Êsai 5:2

Haq ralàm taneh, tŏch đac 'bài hmu, pìt long nho lem, broq mòiq toq hapom gòm ŏi ta'ne wùan; haq chìa mòiq toq nòi đòiq padit diac nho. Haq ngèh loh plì lem, mahaq wùan nho loh đac plì nho jòq.

Êsai 60:21

Dìq dŏng jàn ìh jah rìh ta-atoq, wì haq jah hùang taneh cô hloi hloi. Wì haq mangai Au khoi pìt, bìac tì Au khoi broq đòiq Au jah padèch 'ngah 'ngai.

Êsai 61:11

Ma jah 'màng aih taneh broq ca long hon tŏc, wa wia broq ca adrech plôh loh 'màng leq, èh Chuaq broq ca bìac ta-atoq wa bàu calêu padèch ŏi jang ngìa rìm jàn hadai 'màng aih.

Êsai 61:3

đòiq am cadoh riang ca 'bài mangai ma crò hmoi ŏi Jê-ru-sa-lem thai ca blo taneh, am dàu lem bùi thai ca bìac crò hmoi, am eo calêu padèch thai ca manoh trap trình; mangai jah creo wì haq long rayai da bìac ta-atoq, aih long Chuaq khoi pìt đòiq broq Haq jah padèch 'ngah 'ngai.

Mathêu 5:16

Can 'ngah pì ep xreo 'ngah enh ngìa wì 'màng aih, đòiq wì hnoq bìac lem da pì, wì jah manè Baq pì ŏi ta plình.

Bàu Lem tiaq Jon Achìh Bìac Chuaq Jêxu Broq Wa Hnài 15:16

Ùh xài pì khoi ràih Au, mahaq cla Au khoi ràih pì thê pì lam broq bìac loh plì bàc, waq ca plì aih jah ŏi hloi hloi. 'Màng aih, ùh kè pì bòch Baq cleq canòm hiniq Au, Haq jah am ca pì.

Bàu Lem tiaq Jon Achìh Bìac Chuaq Jêxu Broq Wa Hnài 15:2

I hamenh ŏi ti Au ma ùh i ca plì, Haq coh cađac. Tàng hamenh i plì, Haq cat palaoq hamenh leq ma loh plì, waq ca plì yi bàc tam hòm.

Bàu Lem tiaq Jon Achìh Bìac Chuaq Jêxu Broq Wa Hnài 15:8

Bìac ma broq ca Baq Au jah padèch, aih pì loh bàc plì. 'Màng aih jah loq, pì mangai hŏc tiaq da Au.

Rôma 15:28

'Màng aih jò au broq gêh bìac aih, wa khoi jah am dahwèq jùp đò wì haq, au jah trùh nòi pì đòiq lam ta gùng Tai-ban-nha.

Rôma 6:22

Mahaq manàiq cô khoi jah claih khoi ca tôiq lôi wa khoi wìa hapŏng dìch da Boc Plình, èh pì jah i lòiq, aih can rìh hadròih wa trùh lùch i can rìh hloi hloi.

1 Cô-rinh-tô 10:31

'Màng aih èh 'nhac pì caq, pì ôq loq broq bìac cleq, xôq khòh broq đòiq padèch hiniq Chuaq.

2 Cô-rinh-tô 9:10

Boc Plình am pliang adrech ca mangai rai adrech wa am 'benh đòiq broq dahwèq caq, hadai am pliang adrech ca pì wa broq loh tam yi bàc. Haq jah am tam ca pì loh plì ta bìac ta-atoq hòm.

Ê-phê-sô 1:12

waq ca bèn mangai adroi dŏng khoi lùi canòm Chuaq Jêxu Crich jah calêu manè bìac 'ngah 'ngai Haq.

Ê-phê-sô 1:14

Yiang aih wèq cajap xôxech da bèn, trùh jò bìac rŏt dèch 'bài mangai Haq khoi ràih đòiq manè bìac 'ngah 'ngai Haq.

Ê-phê-sô 2:10

ma jah 'màng aih bèn raq bìac Boc Plình broq loh, broq bèn wìa mangai neo ta Chuaq Jêxu Crich đòiq broq bìac lem, aih bìac Boc Plình khoi padon đòiq adroi, waq ca bèn broq tiaq.

Ê-phê-sô 5:9

ma jah 'màng aih plì da Can 'Ngah aih bìac lem lình, ta-atoq wa bìac joq 'nàng,

Philip 4:17

Aih ùh xài au ngèh pì am ca au dahwèq aih, mahaq tablòq hlài, au enh hnoq Boc Plình am xôq ramŏt ca pì troi pì khoi am ca au.

Cô-lô-se 1:10

waq ca pì caq ŏi tajì dèh ca mangai con caiq Chuaq, broq lem manoh Haq rìm trong, hloi hloi loh plì xam bìac broq lem, jah tŏc tam bìac 'nì loq ca Boc Plình.

Cô-lô-se 1:6

aih Bàu Lem ma khoi trùh ta pì hadai khoi jah anoi 'noh jàp crŏng taneh manàiq 'nang loh plì, èh tapèch rai bàc hadai tìah ca ta pì enh hì pì khoi tàng, wa 'nì loq bàu joq 'nàng ta bìac am dech da Boc Plình,

2 Tê-sa-lô-ni-ca 1:12

'màng aih hiniq Chuaq Jêxu Crich da bèn jah manè padèch ŏi enh dalam pì wa pì jah padèch ha'nhèq ŏi enh dalam Haq, tiaq dèh bìac am dech da Boc Plình wa Chuaq Jêxu Crich.

Thò Da Paulô Gòi Ca Tit 3:14

Dìq ca oh daq da bèn hadai phai hŏc broq bìac lem đòiq jùp đò mangai 'noiq jò nan tùng, 'màng aih wì ùh hìaq i can rìh ma ùh loh plì.

Hêbru 12:11

Dìq ca bìac lech hnài jò baxèm joq broq ca bèn ùh lem bùi, broq ca bèn mango, mahaq atìq cô èh jah 'ràng bìac catèm wa bìac ta-atoq ca mangai leq khoi chìuq axràm 'màng aih.

1 Pêtrô 2:12

mahaq phai rìh ma lem ta'ne mangai jàn 'noiq, đòiq jò wì haq capoch 'mèq ca pì, wì haq hnoq bìac lem pì broq, 'màng aih wì haq jah manè Boc Plình ta hì Haq trùh hadrah crŏng taneh.

1 Pêtrô 2:5

pì hadai jah tìah ca hmu rìh jah yŏc đòiq broq wìa mòiq toq hnem hadròih, jah wìa mòiq pajàu hadròih, pì jah dèch am ngè tadreo hadròih broq lem manoh Boc Plình nhò Chuaq Jêxu Crich.

1 Pêtrô 2:9

Mahaq pì xinoi khoi jah ràih, khoi jah broq pajàu da Boc Plình, broq jàn hadròih, aih jàn da Boc Plình, đòiq pì anoi hlài bàu manè Haq ma khoi creo pì loh enh nòi clam clôiq đòiq jah mùt ta nòi 'ngah 'ngiang lem lình da Haq.

1 Pêtrô 4:14

Tàng pì chìuq wì jù lê taiq pì tiaq Chuaq Jêxu Crich, èh pì jah xôq ramŏt, ma jah 'màng aih can 'ngah 'ngai Yiang Hadròih da Boc Plình 'nang ŏi ta pì.