Hêbru 8:13 - Sech Hadròih

¹³ Taiq Boc Plình khoi doi: “Wêh jao neo,” 'màng aih wêh jao ma adroi khoi dùnh, bìac cleq ma khoi dùnh pi wìa waq, padon hnhung đeh.

Hêbru 8:13 Iomraidhean Croise

Êsai 51:6

'Ngoc ngan ta 'bài lòp plình, wa cùp ngan ta taneh beq; ma jah 'màng aih 'bài lòp plình parai 'màng ca nhòi, taneh 'bìq radàm 'màng ca eo dùnh, jàn ta crŏng taneh cachìt 'màng ca roi. Mahaq bìac dèch claih da Au ŏi trùh hloi hloi; bìac ta-atoq da Au ùh 'nì dìq.

Mathêu 24:35

Plình crŏng taneh cô èh jah hnhung, mahaq bàu Au capoch ùh jò leq hnhung.”

Luca 22:20

Caq gêh, Haq yŏc doi chrŏng am ca 'bài mangai hŏc tiaq, rai doi: “Doi cô wêh jao ma neo ta mahem Au chìuq ta-ùc thai ca pì.

1 Cô-rinh-tô 13:8

Can loq waq ùh i jò leq dìq, bìac capoch thai Boc Plình èh loq dìq, bìac capoch bàu halac èh jah hêq, wa bìac hnhu am 'nì loq ro rang èh pi i hòm.

2 Cô-rinh-tô 3:6

Haq khoi am can rabiaq ca nhèn đòiq patìh bìac ca wêh jao ma neo, ùh xài wêh jao xam chù, mahaq wêh jao xam Yiang Hadròih, ma jah 'màng aih chù broq ca cachìt, mahaq Yiang Hadròih broq ca rìh.

2 Cô-rinh-tô 5:17

'Màng aih, tàng mangai leq ŏi enh dalam ca Chuaq Jêxu Crich, aih jah wìa mangai neo, bìac ma dùnh khoi pi i, cô rìm bìac dìq jah wìa neo.

Hêbru 1:11

Plình crŏng taneh jah raliang đac, mahaq cla Ìh jah i hloi hloi. Plình crŏng taneh èh loh ca cùn tìah ca eo dùnh.

Hêbru 12:24

haten ca Chuaq Jêxu Crich, Haq Mangai Ta'ne ma broq wêh jao ma neo, haten ca mahem ma khoi ta-ùc, mahem aih i cwìang itai yi hnao ca mahem Abên.

Hêbru 7:22

Taiq bàu pachac aih, Chuaq Jêxu khoi jah wìa Mangai broq cajap ca wêh jao ma neo lem yi hnao.

Hêbru 8:6

Mahaq manàiq cô Chuaq Jêxu broq mòiq bìac đang ca padèch yi hnao ca 'bài pajàu ha'nhèq, ma jah 'màng aih Haq Mangai ta'ne da wêh jao ma yi lem taiq wêh jao cô jah broq tiaq bàu hùaq yi lem.

Hêbru 8:8

Mahaq Boc Plình ùh lem manoh ca con jàn Yothaiq ma tiaq wêh jao ma dùnh: Haq doi: “Ta 'nhòng atìq cô èh, Au broq mòiq wêh jao ma neo ca jàn Is-ra-ên wa jàn Juđa;

Hêbru 9:15

Taiq 'màng aih, Haq Mangai Ta'ne ma broq wêh jao ma neo, waq ca jah baxŏng dòih tôiq da mangai ŏi enh 'neq ca wêh jao baxèm, đòiq dìq ca wì ma khoi jah creo, jah nhàn yŏc xôxech hloi hloi tiaq Boc Plình khoi rùp bàu am.