Hêbru 8:11 - Sech Hadròih

¹¹ Ŏi ta wì haq pi i ca mangai leq ŏi hnài dèh jàn, dèh oh daq: ‘Ep ngan loq ca Chuaq,’ Ma jah 'màng aih dìq dŏng ca wì haq, Enh mangai dìq jaq 'yoh trùh mangai dìq jaq càn dìq canao loq ca Au.

Hêbru 8:11 Iomraidhean Croise

1 'Nhòng Bùa 28:9

“Mahaq ca Sa-lô-môn, ôi con calô da au, con ep 'nì loq ca Boc Plình da baq, phai dìq ca manoh wa dìq ca manoh ngèh enh ma patìh ca Haq, ma jah 'màng aih Chuaq ngan hnoq ta manoh wa loq rìm hiniq ta manoh hèm da rìm ngai. Tàng con chaq Haq, èh jah hnoq Haq, mahaq tàng con cađac Haq, Haq jah cađac con hloi hloi.

2 'Nhòng Bùa 30:22

Ê-xê-chia parông 'bài mangai Lêwi ma khoi loq ca bìac cùh waiq Chuaq. Wì haq caq lè trom tapèh hì, dèch am 'bài ngè tadreo waiq catèm wa manè pôi Chuaq Boc Plình da boc yaq cla wì haq.

Êxra 7:25

Phàn ìh, ôi Êxra, phai yŏc can khôn rabiaq da Boc Plình khoi am ca ìh, ìh phai pachì atŏc mangai broq mangai hadrah wa 'bài mangai rabiaq ca ranenh da Boc Plình ìh, đòiq wì hadrah mangai jàn ŏi ta gùng pah mat mahì mùt ca Cròng Diac; aih wì ma khoi canao loq ranenh da Boc Plình pì; phàn mangai leq ùh 'nì ca ranenh, pì ep hnài wì haq đòiq wì loq.

Êsai 2:3

Bàc jàn jah trùh doi: “Beq bèn lam, tŏc ta wang Chuaq nòi hnem Boc Plình da Jacôp, đòiq Haq jah hnài bèn trong da Haq, èh bèn jah lam ta trong da Haq.” Ma jah 'màng aih ranenh jah loh enh Siôn wa bàu Chuaq jah loh enh Jê-ru-sa-lem.

Êsai 54:13

Dìq dŏng ca con caiq ìh jah Chuaq hnài, wa can catèm da con caiq ìh dìq jaq càn.

Jê-rê-mi 24:7

Au jah am ca wì haq manoh loq canao ca Au Chuaq. Wì haq jah broq jàn Au, Au jah broq Boc Plình wì haq; wì haq jah dìq ca manoh wìh hlài ta Au.’

Jê-rê-mi 31:34

Wì haq ùh nhet ep hnài dèh mangai haten hatìa loq oh daq cla, doi: ‘Phai Canao loq ca Chuaq beq!’ Ma jah 'màng aih wì haq èh dìq jah canao loq ca Au, gu 'yoh tìah ca mangai càn.” Chuaq anoi 'noh: “Au jah baxŏng bìac ngang dù wì haq, wa ùh hmàng tôiq wì haq hòm.”

Jê-rê-mi 42:1

Jò aih 'bài mangai broq gàu, Jô-ha-nan, con calô Ca-rê-at, Jê-xa-nia, con calô Hô-sa-ja, wa dìq dŏng ca mangai jàn, mangai 'yoh mangai càn,

Jê-rê-mi 42:8

Jê-rê-mi creo ca Jô-ha-nan, con calô Ca-rê-at, wa dìq dŏng ca 'bài mangai broq gàu lình xam mangai jàn, mangai 'yoh mangai càn lam trùh,

Jê-rê-mi 44:12

Au jah yŏc jàn Juđa ma ŏi xrong, aih 'bài mangai khoi loh lam ta Diac Aicàp ŏi đò ta aih; wì haq 'bìq jêh đac ta aih dìq dŏng. Wì haq cachìt ta taneh Aicàp, cachìt ca pla chang gùm wa pangot hrah. Con 'yoh wa mangai càn dìq cachìt ca pla chang gùm ca pangot hrah; wì haq wìa bìac hanip, ngè hidròt, palèu, bìac tagit, wa jù lê.

Jê-rê-mi 6:13

“Ma jah 'màng aih enh mangai 'yoh trùh mangai càn, dìq ham bìac lòiq crài ca dađeh, enh mangai capoch thai Boc Plình trùh pajàu, dìq amòng.

Ê-xê-chi-ên 34:30

Èh wì haq jah loq Au, Chuaq Boc Plình wì haq, ŏi ti wì haq, wa loq hnem Is-ra-ên, aih jàn Au, Chuaq Boc Plình doi 'màng aih.

Ha-ba-cuc 2:14

Ma jah 'màng aih atìq cô èh crŏng taneh hi jah bình halùih bìac 'nì loq 'ngah 'ngai da Chuaq bình jàp crŏng taneh tìah ca diac raxìq bình.

Bàu Lem tiaq Jon Achìh Bìac Chuaq Jêxu Broq Wa Hnài 6:45

Bàu mangai capoch thai Boc Plình khoi achìh ta Sech Hadròih: ‘Wì dìq dŏng jah tàng bàu Boc Plình hnài.’ Cabô tamàng bàu Baq wa hŏc tiaq Haq, rìm ngai aih trùh ti Au.

Bìac Yiang Hadròih 8:10

Dìq ca mangai ŏi phôq aih, enh mangai 'yoh trùh mangai craq, iu bàu haq. Wì doi: “Mangai cô i cwìang itai càn caiq da Boc Plình.”

1 Jon 2:27

Phàn da pì, bìac xùt dàu pì khoi jah nhàn enh Yiang Hadròih jah ŏi hloi ti pì, 'màng aih pì pi hìaq ep i cabô hnài pì, mahaq can xùt dàu aih hnài pì rìm bìac, aih bàu joq 'nàng, ùh amòng; èh tìah ca pì khoi jah hnài, pì jah ŏi hloi ta Haq.

1 Jon 5:20

Bèn loq Con Boc Plình khoi trùh. Haq khoi am bèn manoh loq 'nì đòiq bèn jah canao loq ca Boc Plình ma joq 'nàng, wa bèn ŏi ta Haq ma joq 'nàng, aih Chuaq Jêxu Crich, Con Boc Plình. Haq Boc Plình joq 'nàng wa can rìh hloi hloi.