Hêbru 6:12 - Sech Hadròih

¹² đòiq pì ùh aroh, mahaq tiaq dua 'bài mangai ma khoi jah nhàn yŏc bàu hùaq da Chuaq nhò manoh lùi wa manoh chìuq àt.

Hêbru 6:12 Iomraidhean Croise

Bàu Rabiaq 12:24

Tì mangai panim jah wèq cwìang; mahaq tì mangai aroh ep broq hapŏng dìch.

Bàu Rabiaq 13:4

Manoh mangai aroh ngèh enh, mahaq ùh jah cleq; mahaq manoh mangai panim aih jah panàc.

Bàu Rabiaq 15:19

Trong da mangai aroh tìah ca pagia hila; mahaq trong da mangai lem jang jah tamang.

Bàu Rabiaq 18:9

Mangai alah dèh bìac broq, haq hadai oh daq ca mangai broq raliang.

Bàu Rabiaq 2:20

'Màng aih, con lam ta trong mangai lem wa wèq 'bài trong da mangai ta-atoq beq.

Bàu Rabiaq 26:14

Mangai aroh cadro cadria dèh ta jùang, ùh crài cleq ca 'mang dai dađeh ti ban lè.

Bàu Rabiaq 28:10

Mangai leq broq ca mangai lem jang lac ta trong 'mèq 'mac, mangai aih jah mùt ta ralùng cla haq khoi chìa; mahaq mangai gêh tôm jah hùang phàn xôq lem.

'Bŏi Calêu 1:8

Gu radam: Ôi mangai lem yi hnao dìq ca mangai lem, tàng ìh ùh loq, èh ìh 'boi tiaq teo trong da calùh trìu beq, wa 'nong calùh bubi con da ìh lam acaq haten ca 'bài traiq da 'bài mangai aban beq.

Jê-rê-mi 6:16

Chuaq doi: “Yòng ti trong halah beq đòiq ngan, ti bòch thù ngan 'bài trong ma dùnh đòiq jah loq trong leq lem, trong leq 'mèq, èh jah lam tiaq trong aih, mahua yiang pì jah catèm. Mahaq wì tèu: ‘Nhèn ùh enh lam trong aih.’

Mathêu 22:32

‘Au Boc Plình da Ap-ra-ham, Boc Plình da Isac, Boc Plình da Jacôp.’ Boc Plình, ùh xài Boc Plình da mangai cachìt, mahaq da mangai rìh.”

Mathêu 25:26

“Craq haq padreo bàu hlài doi ca haq: ‘Ôi hapŏng dù wa aroh, ìh loq au gat nòi au ùh rai, au tŏch nòi au ùh rai 'noh.

Luca 16:22

“Mangai pa cachìt. 'Bình plình 'ràng đòiq haq ta achong Ap-ra-ham. Mangai can hadai cachìt. Wì 'ràng catùh.

Luca 8:15

Mahaq adrech ma clìh nòi taneh jìang, aih mangai yŏc manoh joq 'nàng tamàng bàu Chuaq, wèq bàu aih ta manoh; xam manoh cajap jah loh plì.

Rôma 12:11

Phai panim, apaq aroh. Phai i manoh dêh nhang patìh bìac Chuaq;

Rôma 2:7

Chuaq am can rìh hloi hloi ca mangai leq cajap manoh broq lem, chaq can 'ngah 'ngai, bìac padèch wa bìac ùh cachìt.

Rôma 4:12

haq hadai broq baq 'bài mangai chìuq lè cat akia, aih 'bài mangai ùh xài toq chìuq lè cat akia hêq, mahaq hadai lam tiaq teo manoh lùi Ap-ra-ham boc bèn khoi i adroi ca jò 'nhòq chìuq lè cat akia.

1 Tê-sa-lô-ni-ca 1:3

ma jah 'màng aih jang ngìa Boc Plình Baq bèn, nhèn hmàng yôt bìac pì broq, bìac broq xam manoh lùi, bìac broq xam can loq waq, wa bìac broq xam manoh ngèh gòm chìuq àt ŏi enh dalam ca Chuaq Jêxu Crich.

2 Tê-sa-lô-ni-ca 1:4

'màng aih nhèn dìq jaq i manoh catèh ca pì ta rìm Tagop Hadròih da Boc Plình, doi ca wì loq bìac pì yòng cajap wa i manoh lùi 'nhac ca pì 'nang 'bìq wì ti rùp wa pì 'nang chìuq xalep.

Hêbru 1:14

Ma jah 'màng aih dìq ca 'bình plình, wì haq 'bài yiang broq hapŏng da Boc Plình. Aih ùh xài Boc Plình khoi thê wì loh lam đòiq patìh 'bài mangai ma jah nhàn yŏc bìac dèch claih 'mòh?

Hêbru 10:36

Ma jah 'màng aih oh daq phai dràng àt đòiq atìq ca jò broq tiaq manoh enh da Boc Plình, pì jah hùang bìac Haq ma khoi hùaq.

Hêbru 11:33

Wì haq aih nhò manoh lùi, khoi jah ta'blêq ca diac 'noiq, broq bìac ta-atoq, jah nhàn yŏc bàu hùaq, bàng hacùng baco,

Hêbru 12:1

Ma jah 'màng aih, taiq bèn khoi i bàc ngai ngan hnoq tìah ca cato yùc wawenh, 'màng aih bèn khòh hwenh dŏng rìm bìac genh trap wa tôiq lôi ma padràng bèn, èh bèn yŏc manoh chìuq àt caq ŏi ma lem tiaq trong Boc Plình enh,

Hêbru 13:7

Pì phai hmàng ca 'bài mangai khoi 'nong trong wa anoi hnài bàu Chuaq ca pì. Ngan ma ro wì haq caq ŏi 'màng leq, èh pì tiaq troi manoh lùi wì haq.

Hêbru 5:11

Anoi trùh bìac aih, au i bàc bìac nhet ca anoi, mahaq xa ca anoi đòiq haq ro 'ràng, ma jah 'màng aih pì adia ca loq tàng.

Hêbru 6:15

Ap-ra-ham khoi dràng àt gòm, 'màng aih haq nhàn yŏc bìac Chuaq khoi rùp bàu am ca haq.

Jacò 1:3

ma jah 'màng aih pì loq bìac baxa thù manoh lùi broq loh can dràng cajap,

2 Pêtrô 1:10

'Màng aih, ôi oh daq! Phai ran broq waq ca bìac creo da Haq, wa bìac jah ràih da pì jah cajap, ma jah 'màng aih tàng pì broq 'màng aih, èh ùh jò leq tacro,

1 Jon 2:25

Bàu hùaq cla Haq rùp bàu am ca bèn, aih can rìh hloi hloi.

Bìac Mahno 13:10

“Mangai leq khoi pajaq 'bìq rùp, èh phai 'bìq rùp, mangai leq wê chang gùm jêh mangai, èh mangai aih hadai cachìt ca chang gùm.” 'Màng aih jò mangai hadròih 'bìq ti rùp, wì haq phai i manoh lùi chìuq àt gòm Chuaq.