Hêbru 5:8 - Sech Hadròih

⁸ 'Nhac ca Haq Con Boc Plình, Haq khoi hŏc dì tiaq nhò bìac xalep Haq ma khoi chìuq.

Hêbru 5:8 Iomraidhean Croise

Êsai 53:5

Mahaq taiq tôiq lôi da bèn Haq khoi loh habau, taiq bìac ngang dù da bèn Haq khoi 'bìq jùq jam; taiq bìac baxa Haq khoi chìuq thai bèn jah catèm; taiq teo rabàn ta chac Haq bèn jah brêh ca hinìq tôq.

Mathêu 3:15

Chuaq Jêxu doi: “Manàiq cô phai broq 'màng cô, ma jah 'màng aih bèn broq waq ca gêh rìm bìac ta-atoq.”

Bàu Lem tiaq Jon Achìh Bìac Chuaq Jêxu Broq Wa Hnài 10:18

Ùh i ca cabô jah yŏc can rìh Au, mahaq taiq cla Au to am. Au i cwìang cađac dèh can rìh, wa i cwìang yŏc hlài. Baq Au khoi thê 'màng aih.”

Bàu Lem tiaq Jon Achìh Bìac Chuaq Jêxu Broq Wa Hnài 15:10

Tàng pì wèq tiaq bàu thê Au, pì jah ŏi hloi ti can loq waq da Au, 'màng ca Au khoi wèq tiaq bàu thê Baq Au, wa Au ŏi hloi ti can loq waq Haq.

Bàu Lem tiaq Jon Achìh Bìac Chuaq Jêxu Broq Wa Hnài 4:34

Chuaq Jêxu tèu wì: “Dahwèq caq Au, aih tiaq manoh Baq Au ma thê Au trùh ta cô wa broq dìq bìac Haq.

Bàu Lem tiaq Jon Achìh Bìac Chuaq Jêxu Broq Wa Hnài 6:38

Ma jah 'màng aih, Au loh enh plình, ùh xài waq ca tiaq dèh manoh, mahaq waq ca tiaq manoh Baq ma thê Au trùh.

Philip 2:8

Jò Haq khoi wìa con mangai, Haq paha'neq dađeh, dì tiaq trùh cachìt, mech cachìt 'mòi ta long pagat.

Hêbru 1:2

mahaq ta 'bài hì atìq lùch cô, Boc Plình yŏc dèh Con đòiq doi hnài ca bèn, aih Con Haq khoi pajaq broq wìa Con Hatìa đòiq wèq cwìang dìq dŏng rìm bìac wa nhò Con aih Haq khoi broq loh plình crŏng taneh.

Hêbru 1:5

Ma jah 'màng aih Boc Plình ma lah doi ca mòiq 'bình plình leq: “Ìh Con Au. Hì cô Au khoi xa-ông ca Ìh”? Hadai ùh lah doi: “Au broq Baq Haq, Haq broq Con Au.”?

Hêbru 1:8

Mahaq anoi trùh Con, Haq doi: “Ôi Boc Plình, gèq bùa da Ìh ŏi hloi hloi; Long wèq cwìang da bùa, aih long wèq cwìang ta-atoq jah wèq cwìang da Taneh Diac Ìh.

Hêbru 3:6

Mahaq Chuaq Jêxu Crich wèq dèh bàu tìah ca Con Calô wèq cwìang hnem Boc Plình. Hnem Boc Plình, aih bèn, tàng bèn wèq cajap dèh manoh lùi canòm wa bùi manoh ta bìac ngèh gòm trùh lùch.