Hêbru 4:3 - Sech Hadròih

³ Phàn da bèn mangai khoi lùi, èh jah mùt nòi padài, mahaq ca wì ma ùh lùi, Boc Plình khoi doi: “Cô bàu Au pachac jò Au nòih: ‘Wì haq ùh jah mùt nòi padài da Au.’ ” 'Nhac bìac aih Haq khoi broq gêh enh jò baxèm broq plình crŏng taneh.

Hêbru 4:3 Iomraidhean Croise

Bìac Baxèm 1:31

Boc Plình hnoq dìq rìm bìac Haq khoi broq joq lem lình dìq ca jaq. 'Màng aih i daxèq wa daxroq, aih hì tadràu.

'Bŏi Calêu Plình 95:11

Taiq 'màng aih jò nòih, Au doi: ‘Wì haq ùh jò leq jah mùt nòi padài da Au.’ ”

Loh Enh Aicàp 20:11

Ma jah 'màng aih, ta tadràu hì, Boc Plình khoi broq plình crŏng taneh, wa dìq dŏng ngè ŏi ta aih. Ta hì ma tapèh Haq padài. 'Màng aih Chuaq khoi am xôq ramŏt ca Hì Sabat wa broq wìa hì hadròih.

Êsai 28:12

Haq khoi doi ca wì: “Cô nòi padài; đòiq mangai tagah lep jah padài. Cô nòi hatenh.” Mahaq wì ùh waq tamàng.

Jê-rê-mi 6:16

Chuaq doi: “Yòng ti trong halah beq đòiq ngan, ti bòch thù ngan 'bài trong ma dùnh đòiq jah loq trong leq lem, trong leq 'mèq, èh jah lam tiaq trong aih, mahua yiang pì jah catèm. Mahaq wì tèu: ‘Nhèn ùh enh lam trong aih.’

Ê-xê-chi-ên 20:38

Au broq hreo đac khoi ca pì 'bài mangai ma loq tablàq, wa 'bài mangai ma tablàq ca Au, Au 'ràng wì haq loh khoi ca taneh wì haq ma ŏi đò, mahaq wì haq ùh jah mùt ta taneh Is-ra-ên. 'Màng aih pì jah loq Au cô Chuaq.

Mathêu 13:35

đòiq troq troi bàu mangai capoch thai Boc Plình khoi doi: “Au yŏc bàu alìah hnài wì, anoi hlài ca wì bìac jrùq hlèp enh jò broq crŏng taneh.”

Mathêu 25:34

“Jò aih bùa jah doi ca wì ŏi ti pah 'ma Haq: ‘Ôi 'bài mangai Baq Au ma am xôq ramŏt, trùh ta cô beq, nhàn yŏc Diac Plình khoi padon đòiq ca pì jò baxèm broq plình crŏng taneh,

Ê-phê-sô 1:4

Adroi ca plình crŏng taneh broq loh, Haq khoi ràih bèn ta Chuaq Jêxu Crich đòiq broq wìa hadròih ùh i bìac cleq jah trech enh ngìa ca Haq.

Hêbru 3:11

Cô bàu pachac jò nòih Au doi: ‘Wì haq ùh jah mùt nòi padài da Au.’ ”

Hêbru 3:14

Ma jah 'màng aih bèn khoi jah pajùm phàn ti Chuaq Jêxu Crich, tàng bèn wèq cajap dèh manoh lùi baxèm da bèn trùh lùch.

Hêbru 9:26

Tàng 'màng aih, enh jò baxèm broq plình crŏng taneh, Haq ep chìuq cachìt bàc yàng, mahaq manàiq cô Haq khoi mahno loh mòiq yàng raq ta 'nhòng ma atìq lùch, am dađeh broq ngè tadreo đòiq cađac tôiq lôi.

1 Pêtrô 1:20

Haq khoi jah padon đòiq adroi ca jò broq plình crŏng taneh, mahaq mahno loh ta 'nhòng ma atìq lùch cô am ca pì,