Hêbru 4:15 - Sech Hadròih

¹⁵ Ma jah 'màng aih bèn pi i Pajàu Ha'nhèq ma ùh jah loq xa-ŏch ca bìac ìuq bèn, taiq Haq hadai khoi lah chìuq rìm bìac padô 'nùt tìah ca bèn, mahaq ùh i ca jò leq Haq broq tôiq.

Hêbru 4:15 Iomraidhean Croise

Loh Enh Aicàp 23:9

“Pì apaq padit padiang mangai jàn 'noiq taiq pì raq ma 'nì loq ca manoh mangai jàn 'noiq 'màng leq, ma jah 'màng aih pì khoi lah broq mangai jàn 'noiq ŏi ta gùng Aicàp.

Êsai 53:9

Wì khoi đòiq ralùng Haq ŏi ti ralùng 'bài mangai dù, mahaq jò cachìt, hanang Haq jah catùh ti mangai padrŏng can, taiq Haq ùh lah broq bìac dù, wa ùh i ca bàu amòng ta hacùng Haq.

Ôsê 11:8

“Ô Ep-ra-im, broq 'màng leq Au ma jah cađac ìh? Ô Is-ra-ên, 'màng leq Au jah cađac ìh? Broq 'màng leq Au jah ta broq ca ìh troi Atma loq troi Xê-bô-im? Manoh Au mango dìq jaq; manoh xa-ŏch da Au tìah ca ùnh cheo dêh.

Mathêu 12:20

Haq ùh goh long blùm khoi ten tagoh, ùh pù pat đen jrình jò khoi ten lùch, trùh jò Haq broq bìac ta-atoq jah 'blêq.

Mathêu 4:1

Khoi èh Yiang Hadròih 'ràng Chuaq Jêxu lam ta nòi đùng hawit đòiq can kiac Satan padô 'nùt Haq.

Luca 22:28

Pì mangai khoi cajap manoh tiaq Au ta jò 'bài mangai 'noiq 'bàt thù ca Au.

Luca 4:2

Haq ŏi ta aih 40 hì. Can kiac Satan padô 'nùt Haq. Haq ùh i caq cleq trùh dìq ca hì aih. Haq pangot.

Bàu Lem tiaq Jon Achìh Bìac Chuaq Jêxu Broq Wa Hnài 8:46

Ŏi ta pì i mangai leq rùp Au ta'mòq tôiq jah? Tàng Au capoch bìac joq 'nàng, gleq pì xôq ùh lùi Au?

Rôma 8:3

Ranenh Boc Plình ùh dèch bèn cađac tôiq lôi, taiq bèn ùh nui broq tiaq Ranenh aih, èh Boc Plình khoi broq tiaq trong thê dèh Con trùh ta crŏng taneh caxùnh yŏc chac hamac tìah ca chac hamac tôiq lôi bèn, đòiq ta'blêq ca tôiq lôi ta chac xech con mangai,

2 Cô-rinh-tô 5:21

Boc Plình khoi broq ca Chuaq Jêxu Crich, Haq ma ùh i ca tôiq lôi cleq, loh wìa tôiq lôi taiq Haq pòq tôiq thai ca bèn, waq ca bèn nhò Chuaq Jêxu Crich jah wìa ta-atoq ta Boc Plình.

Hêbru 4:14

Taiq bèn i mòiq Pajàu Ha'nhèq càn ma khoi mùt hlài Diac Plình, aih Chuaq Jêxu, Con Boc Plình, bèn phai wèq ma cajap manoh lùi.

Hêbru 5:2

Haq hadai mangai tìah ca bèn, xôq i bìac ìuq, ma jah haq xa-ŏch ca 'bài mangai ma ùh 'nì loq wa mangai lac trong.

Hêbru 7:26

Joq, Chuaq Jêxu, Haq Pajàu Ha'nhèq troq am ca bèn, Haq hadròih, ùh i ca bìac trech leq, Haq ùh amùa, ùh ta'mùt ca mangai i tôiq, Haq khoi yi ha'nhèq ŏi ta Diac Plình,

Hêbru 9:28

hadai 'màng aih, Chuaq Jêxu Crich khoi am dađeh mòiq yàng raq đòiq cađac tôiq lôi da bàc ngai. Haq jah trùh hòm yàng ma baiq ùh xài đòiq pòq tôiq lôi hòm, mahaq đòiq am bìac dèch claih ca mangai ma gòm Haq.

1 Pêtrô 2:22

“Haq ùh jò leq broq tôiq, hacùng Haq ùh jò leq i bàu amòng.”

1 Jon 3:5

Pì loq, Chuaq Jêxu Crich trùh đòiq xùt đac tôiq lôi; wa ta Haq ùh i ca tôiq lôi cleq.