Hêbru 4:13 - Sech Hadròih

¹³ Ùh i ca bìac cleq jah cadoc hlèp enh ngìa ca Boc Plình, mahaq dìq dŏng jah pa'noh ro enh ngìa ca Haq, bèn ma ep anoi hlài rìm bìac khoi broq.

Hêbru 4:13 Iomraidhean Croise

1 'Nhòng Bùa 28:9

“Mahaq ca Sa-lô-môn, ôi con calô da au, con ep 'nì loq ca Boc Plình da baq, phai dìq ca manoh wa dìq ca manoh ngèh enh ma patìh ca Haq, ma jah 'màng aih Chuaq ngan hnoq ta manoh wa loq rìm hiniq ta manoh hèm da rìm ngai. Tàng con chaq Haq, èh jah hnoq Haq, mahaq tàng con cađac Haq, Haq jah cađac con hloi hloi.

2 'Nhòng Bùa 16:9

Ma jah 'màng aih mat Chuaq ngan jàp crŏng taneh đòiq tam padren ca mangai leq dìq dèh ca manoh canòm ca Haq. Mahaq bìac cô ìh khoi broq ùh troq, 'màng aih pàng cô èh ìh ep hloi hloi glàm bìac tajêh poh.”

2 'Nhòng Bùa 6:30

xìn Chuaq ŏi ta plình, nòi Ìh ŏi, tamàng bàu, èh baxŏng tôiq wa baha loq baxa ca rìm ngai tiaq dèh bìac wì haq khoi broq, ma jah 'màng aih Chuaq loq ca manoh wì haq, joq toq Chuaq raq loq ca manoh con mangai.

Sech Jop 26:6

Ralùng hanang jah hnoq ro ŏi jang ngìa Boc Plình, A-ba-đôn, nòi 'Bau Ùnh jrùq, ùh jah bàng hlèp jang ngìa Haq.

Sech Jop 34:21

“Mat Boc Plình ti ngan trong da con mangai; Haq ngan hnoq tang cadiang wì lam.

Sech Jop 38:17

I cabô patô ca ìh hnoq 'mang ngo can cachìt? Ìh khoi hnoq 'mang ngo nòi clam clôiq dìq jaq ùh?

'Bŏi Calêu Plình 139:4

Ma jah 'màng aih bàu 'nhòq ŏi ti rapet au, cô raq, Ìh khoi canao loq dìq dŏng.

'Bŏi Calêu Plình 44:21

Boc Plình ùh hnoq 'mòh? Ma jah 'màng aih Chuaq loq bìac ma cadoc hlèp ta manoh con mangai.

'Bŏi Calêu Plình 7:9

Ôi Boc Plình ta-atoq ma xreo hnoq rìm manoh con mangai, palùch đac bìac ngang xòt da mangai dù wa broq ca mangai ta-atoq jah cajap hagao.

'Bŏi Calêu Plình 90:8

Ìh khoi đòiq bìac ngang dù nhèn enh ngìa ca Ìh, èh đòiq tôiq lôi khoi bahlèp da nhèn loh ta nòi 'ngah enh ngìa ca Ìh.

Bàu Rabiaq 15:11

Ralùng Hanang wa Nòi Ùnh Baxa Chuaq xôq hnoq ro rang, ùh dùh dèh manoh con mangai!

Bàu Rabiaq 15:3

Mat Chuaq ŏi jàp rìm nòi, hamòt ngan bìac ngang dù wa bìac lem.

Bàu Rabiaq 5:21

Ma jah 'màng aih rìm bìac broq da mangai, dìq ŏi jang ngìa Chuaq; Haq ngan hnoq rìm trong da con mangai.

Bàu Anoi Hnài 12:14

Ma jah 'màng aih Boc Plình hadrah rìm bìac, 'nhac ca bìac lem loq bìac dù, xam rìm bìac ma khoi hlèp.

Jê-rê-mi 16:17

ma jah 'màng aih Au hloi hloi ngan bìac broq da wì haq. Wì haq ùh jah cadoc ca Au. Bìac ngang dù wì haq hadai ùh jah cadoc ca Au.

Jê-rê-mi 17:10

“Au cô Chuaq ti ha'mrìh đòiq ngan, manoh hèm da con mangai, èh am ca rìm ngai, tiaq bìac broq da haq broq.”

Jê-rê-mi 23:24

Chuaq anoi 'noh: “I ca mangai leq jah cadoc dađeh ta 'bài nòi hlèp đòiq Au ùh hnoq ùh?” Chuaq doi: “Ma ùh xài Au bình halùih ta plình wa jàp jìa rìm nòi ta crŏng taneh cô 'mòh?”

Jê-rê-mi 29:23

Taiq wì haq khoi broq bìac awàt ta Is-ra-ên, khoi broq tôiq tango anang ca mai mangai ma ŏi haten hatìa; khoi canòm hiniq Au capoch bàu amòng Au 'nhòq lah thê anoi.” Chuaq anoi 'noh: “Cla Au Chuaq ma loq, wa khoi hnoq.”

Đa-ni-ên 2:22

Haq khoi pa'noh bìac jrùq hlèp; Haq loq ca bìac ŏi ta nòi clam wa can 'ngah ŏi ti Haq.

Mathêu 6:4

đòiq bìac ìh jùp đò jah hlèp. Baq ìh ta Plình hnoq ta nòi hlèp, Haq jah 'noh bìac baha ca ìh.

Bàu Lem tiaq Jon Achìh Bìac Chuaq Jêxu Broq Wa Hnài 2:24

Mahaq Chuaq Jêxu ùh canòm ca wì haq, ma jah 'màng aih Haq loq ca manoh dìq ca mangai,

Bàu Lem tiaq Jon Achìh Bìac Chuaq Jêxu Broq Wa Hnài 21:17

Yàng piq, Haq doi ca Simôn hòm: “Simôn con Jon, manoh ìh loq waq ca Au ùh?” Pêtrô loh ca mango jò haq tàng Chuaq bòch khoi piq yàng: “Manoh ìh loq waq ca Au ùh?” Pêtrô doi ca Haq: “Waiq Chuaq, Ìh loq dìq dŏng rìm bìac. Chuaq loq ca manoh au loq waq ca Ìh.” Chuaq Jêxu doi ca haq: “Ìh phai am dahwèq caq ca trìu Au.

Bàu Lem tiaq Jon Achìh Bìac Chuaq Jêxu Broq Wa Hnài 4:16

Chuaq Jêxu doi ca haq: “Hlài beq, creo ca ŏng ìh, èh chôp lam ta cô.”

Bìac Yiang Hadròih 17:31

Ma jah 'màng aih, Boc Plình khoi pajaq mòiq hì wa mòiq Ngai hadrah mangai crŏng taneh tiaq trong ta-atoq. Boc Plình khoi broq ca Mangai aih rìh hlài enh can cachìt, đòiq patô am ca rìm ngai jah loq bìac broq da Haq.”

Rôma 2:16

Aih bìac jah pa'noh ro ta hì da Boc Plình nhò Chuaq Jêxu Crich hadrah bìac jrùq hlèp ta manoh da con mangai, tìah troi Bàu Lem da au.

1 Cô-rinh-tô 4:5

'Màng aih èh, apaq hadrah mangai leq adroi ca Chuaq trùh. Chuaq jah pa'noh bìac cadoc ta nòi clam loh ta 'ngah, wa pa'noh bìac wì ma tình đòiq dèh ta manoh; jò aih èh Boc Plình jah manè padèch rìm ngai tiaq bìac broq da wì haq.

2 Cô-rinh-tô 5:10

Ma jah 'màng aih dìq ca bèn ep yòng enh ngìa ca gèq hadrah da Chuaq Jêxu Crich, waq ca tang ngai nhàn yŏc dèh bìac cla khoi broq jò ŏi ta chac hamac, bìac lem loq bìac dù.

Bìac Mahno 2:23

Au jah jêh cađac con caiq haq. Rìm Tagop Hadròih jah loq, Au ngan hnoq manoh cliac rìm ngai, èh Au ca'naih hlài ca rìm tang ngai hi mac ca bìac wì haq khoi broq.

1 Sa-mu-ên 16:7

Mahaq Chuaq doi ca Sa-mu-ên: “Apaq ngan hnoq hadrò wa chac hamac càn caiq da haq. Au ùh ràih haq, ma jah 'màng aih Chuaq ùh ngan mangai troi con mangai. Con mangai ngan hnoq enh gùng, mahaq Chuaq ngan hnoq enh dalam.”