Hêbru 4:12 - Sech Hadròih

¹² Ma jah 'màng aih bàu Boc Plình, aih bàu rìh, i cwìang itai yi hin tìah ca pla chang gùm baiq màm, jah mùt ta rìm nòi jrùq, hin trùh 'mòi lah manoh wa mahua yiang, atap caxènh wa ngot caxènh, hnoq ro bìac bèn ma hèm wa bìac manoh bèn ma enh broq.

Hêbru 4:12 Iomraidhean Croise

'Bŏi Calêu Plình 110:2

Enh Jê-ru-sa-lem, Chuaq jah 'noh am long wèq cwìang ca Ìh, doi: “Wèq cwìang wì ma git ca Ìh beq.”

'Bŏi Calêu Plình 119:130

Bàu Ìh ma anoi paro jah 'ràng can 'ngah, am can 'nì loq ca mangai i manoh ùh ragài.

'Bŏi Calêu Plình 139:2

Ìh loq ca jò au ha'ngui, jò au yòng; enh hangai Ìh khoi loq ro ca manoh hèm au.

'Bŏi Calêu Plình 149:6

Waiq bàu padràu hau padèch ha'nhèq da Boc Plình ŏi ta hacùng wì haq, wa pla chang gùm hin baiq pah ŏi ta tì wì haq,

'Bŏi Calêu Plình 45:3

Ôi mangai lình dêh, bac chang gùm nòi ca'nam beq, aih bìac 'ngah 'ngai wa rahù da Chuaq.

Bàu Rabiaq 5:4

Mahaq trùh jò pulùch haq xang tìah ca pagiang xang, hin tìah ca pla chang gùm hin baiq pah.

Bàu Anoi Hnài 12:11

Bàu da haq rabiaq hin tìah ca long hin; cajap tìah ca đình ta manoh hèm. Dìq ca bàu anoi hnài cô trùh enh mòiq ngai gòm.

Êsai 11:4

Mahaq Haq hadrah mangai pa xam bìac ta-atoq, hatình da-adàng am ca mangai nan xa ta crŏng taneh. Haq jêh crŏng taneh xam long dùi ta hacùng Haq; xam hòi enh blìa hacùng Haq jêh đac mangai dù.

Êsai 49:2

Haq broq ca hacùng au 'màng ca pla chang gùm hin, wèq au ta 'mù tì Haq. Broq au 'màng ca rang hin, cadoc au ta cachùi rang Haq.

Êsai 55:11

èh bàu da Au hadai 'màng aih, khoi loh enh hacùng Au, ùh wìh hlài 'ngwan, mahaq jah broq bìac Au ma enh, broq gêh bìac Au ma jao.

Jê-rê-mi 17:10

“Au cô Chuaq ti ha'mrìh đòiq ngan, manoh hèm da con mangai, èh am ca rìm ngai, tiaq bìac broq da haq broq.”

Jê-rê-mi 23:29

“Bàu Au ma ùh tìah ca ùnh, tìah ca tamoh tùq padah hmu 'mòh?” Chuaq doi 'màng aih.

Luca 8:11

“Cô, bàu alìah aih 'màng cô: Adrech aih bàu Boc Plình.

Bàu Lem tiaq Jon Achìh Bìac Chuaq Jêxu Broq Wa Hnài 12:48

Mangai leq ma chôiq cađac Au wa ùh nhàn yŏc bàu Au, èh khoi i bìac jah hadrah haq; bàu Au ma khoi hnài jah hadrah wì ta hì ma atìq lùch.

Bàu Lem tiaq Jon Achìh Bìac Chuaq Jêxu Broq Wa Hnài 6:51

'Benh ma broq ca con mangai rìh, aih raq 'benh ma khoi loh enh plình, aih Au cô. Mangai leq caq 'benh cô jah rìh hloi hloi. 'Benh ma Au am, aih 'benh waq ca pì mangai crŏng taneh jah rìh, aih chac hamac Au.”

Bìac Yiang Hadròih 2:37

Jò wì tàng bàu cô wì jìq ta manoh dìq jaq. Wì bòch Pêtrô wa sùq đô ma 'noiq: “Ôi oh daq, nhèn phai broq cleq?”

Bìac Yiang Hadròih 4:31

Jò wì khoi waiq khàn, hnem wì ma tagop tadroq, wa dìq ca wì jah bình halùih Yiang Hadròih. Wì cajap manoh tanuq hnài bàu Boc Plình.

Bìac Yiang Hadròih 5:33

Jò wì 'bài craq hadrah ma enh 'nhèq tàng 'bài sùq đô anoi bàu aih, wì nòih dìq jaq. Wì enh jêh đac mangai sùq đô.

Bìac Yiang Hadròih 7:38

Aih Môise ŏi ti wì tagop Is-ra-ên ta nòi braih càn. Haq ŏi ti 'Bình Plình ma capoch tùang ca haq wa boc yaq bèn ŏi ta bôi wang Sinai. Haq nhàn yŏc bàu can rìh ma hnhu am hlài ca bèn.

Rôma 1:16

Joq 'màng aih, au ùh camaih ca Bàu Lem, ma jah 'màng aih cô cwìang itai Boc Plình đòiq dèch claih rìm ngai ma lùi Con Haq, adroi mangai Yothaiq, atìq mangai Hilap.

1 Cô-rinh-tô 1:24

mahaq da 'bài mangai ma khoi jah ràih, ùh kè mangai Yothaiq loq mangai Hilap, Chuaq Crich Haq cwìang itai wa can khôn rabiaq da Boc Plình.

2 Cô-rinh-tô 2:17

'Màng aih, nhèn ùh xài tìah ca wì ma anoi hnài Bàu Boc Plình waq ca jah 'bac, mahaq nhèn yŏc manoh joq 'nàng ma anoi hnài Bàu Boc Plình taiq Haq khoi thê nhèn. Enh ngìa Boc Plình nhèn toq anoi hlài bàu Haq ŏi ta Chuaq Jêxu Crich.

2 Cô-rinh-tô 4:2

Mahaq nhèn khoi cađac rìm trong tawech ma broq camaih. Nhèn ùh broq bìac gô pla, ùh capoch 'nùt ca bàu Boc Plình, mahaq nhèn anoi hnài bàu joq 'nàng, thê rìm ngai i manoh loq đang ca manè enh ngìa ca Boc Plình.

Ê-phê-sô 5:13

Mahaq dìq dŏng rìm bìac leq ma khoi jah pa'noh loh ta can 'ngah; bìac aih jah hnoq ro 'ràng taiq can 'ngah.

Ê-phê-sô 5:26

đòiq broq Tagop Hadròih wìa hadròih khoi ca Haq 'nheo xam diac, aih Bàu Lem,

Ê-phê-sô 6:17

wa yŏc bìac dèch claih broq cadoh, wê chang gùm da Yiang Hadròih, aih Bàu Boc plình.

1 Tê-sa-lô-ni-ca 2:13

Taiq 'màng aih, nhèn manè yôt Boc Plình, ma jah 'màng aih jò tamàng wa nhàn yŏc bàu Boc Plình enh nhèn, pì khoi nhàn yŏc bàu aih ùh xài tìah ca bàu con mangai, mahaq joq 'nàng aih bàu Boc Plình, aih bàu broq bìac lem ta manoh pì mangai lùi Chuaq.

1 Tê-sa-lô-ni-ca 5:23

Waiq xìn Boc Plình da can catèm, broq ca pì wìa hadròih gêh tôm trong yiang, mahua wa chac hamac, pì jah wèq tôm gêh ùh i ca nòi jah trech jò Chuaq Jêxu Crich da bèn trùh hlài.

Hêbru 13:7

Pì phai hmàng ca 'bài mangai khoi 'nong trong wa anoi hnài bàu Chuaq ca pì. Ngan ma ro wì haq caq ŏi 'màng leq, èh pì tiaq troi manoh lùi wì haq.

Hêbru 6:5

khoi canao loq ca Bàu Lem lình da Boc Plình, wa cwìang itai da Haq 'nhòng atìq,

Jacò 1:18

Haq tiaq manoh enh cla Haq, khoi yŏc bàu da bìac joq 'nàng xa-ông hlài bèn, waq ca bèn jah wìa tìah ca plì baxèm ta 'bài mangai Haq ma broq loh.

1 Pêtrô 1:23

ma jah 'màng aih pì khoi jah xa-ông hlài, ùh xài enh pliang adrech ma loq raliang hech, mahaq enh pliang adrech ùh raliang hech, aih nhò bàu rìh hloi wa cajap cajình da Boc Plình.

Bìac Mahno 1:16

Tì pah 'ma haq wê tapèh toq halŏng plình, ta hacùng Haq i chang gùm hin loh baiq màn, hadrò Haq 'ngah tìah ca mat mahì xreo ma dêh jò 'ne hì.

Bìac Mahno 19:15

Enh hacùng Haq loh mòiq pla chang gùm hin, Haq yŏc đòiq jêh baxa rìm jàn, èh “Haq jah yŏc long dùi xam mem wèq cwìang wì;” Haq jah jôiq padit plì nho ta hàm, aih plì nho da can nòih ramòt da Boc Plình ma i cwìang itai dìq dŏng.

Bìac Mahno 19:21

'Bài mangai ma ŏi rìh dìq cachìt ca chang gùm loh enh hacùng Haq ma còi axêh, èh dìq ca chìm caq panàc jam wì haq.

Bìac Mahno 2:16

Pì phai cađac dèh manoh broq tôiq lôi beq; tàng ùh, èh Au renh trùh ti ìh, Au tabroq tajêh ca wì xam pla chang gùm ŏi ta hacùng Au tabroq ca wì.

Bìac Mahno 2:23

Au jah jêh cađac con caiq haq. Rìm Tagop Hadròih jah loq, Au ngan hnoq manoh cliac rìm ngai, èh Au ca'naih hlài ca rìm tang ngai hi mac ca bìac wì haq khoi broq.

Bìac Mahno 20:4

Au hnoq 'bài gèq bùa, i mangai ha'ngui ta aih khoi jah am cwìang hadrah. Khoi ca aih, au hnoq mahua yiang 'bài mangai chìuq pŏt gàu taiq anoi hlài bìac Chuaq Jêxu wa bàu Boc Plình, wì ma ùh cùh waiq ngè yat wa dua 'mù haq, hadai ùh yŏc ca teo hadro haq jang ngòng, loq jang tì. Wì haq aih jah rìh wa wèq cwìang ti Chuaq Jêxu Crich mòiq ngŏng hanam.

'Bài Cwan Hadrah 3:16

Êhut broq ca dađeh mòiq toq chang gùm i màn baiq pah yôh loi mòiq hada. Haq càt đòiq dèh ta cataih pah 'ma enh trom ca eo yôh.