Hêbru 4:1 - Sech Hadròih

¹ 'Màng aih, 'nang jò ŏi i bàu hùaq đòiq mùt ta nòi padài da Chuaq, ep loq yùq crè, waq ca ta oh daq ùh i ca mòiq ngai leq ùh jah mùt.

Hêbru 4:1 Iomraidhean Croise

Bàu Rabiaq 14:16

Mangai khôn rabiaq crè wa wia khoi ca bìac yat; mahaq mangai blùng loq calèuq wa loq tamùa pùa.

Bàu Rabiaq 28:14

Mangai leq loq crè ca Chuaq yôt yôt jah xôq ramŏt; mahaq mangai leq cadoq manoh jah clìh ta bìac ranàc.

Jê-rê-mi 32:40

Au broq wêh jao hloi hloi ca wì haq đòiq Au ùh cađac wì haq đòiq am xôq ramŏt; wa Au 'nac bìac crè yùq ca Au ta manoh wì haq, đòiq wì haq pi hìaq wia khoi ca Au.

Sôq Jàn 14:34

Tiaq hì pì lam rinh ngan gùng, aih 40 hì, èh pì hadai pòq bìac baxa taiq tôiq ngang dù dađeh sôq hanam toq aih, aih 40 hanam; mòiq hanam đèn ca mòiq hì; jò aih pì jah loq Au khoi tajraq hlài ca pì.’

Mathêu 24:48

Mahaq tàng hapŏng dù hèm ta manoh: ‘Craq au dùnh men trùh,’

Bìac Yiang Hadròih 3:19

'Màng aih, pì phai cađac dèh manoh broq tôiq, lam tiaq Boc Plình đòiq Haq jah broq hreo tôiq lôi pì, wa 'nhòng ma neo nòi i xôq ramŏt enh Chuaq jah loh ta pì,

Rôma 11:20

Joq 'nàng 'màng aih raq; 'bài hamenh aih khoi 'bìq pŏt đac taiq ùh lùi, wa ìh nhò manoh lùi men jah cajap. Apaq catèh, mahaq phai loq yùq crè beq.

Rôma 3:23

taiq rìm ngai khoi broq tôiq, ma jah khoi xùch jrùh đac ca can 'ngah 'ngai lem da Boc Plình,

1 Cô-rinh-tô 10:12

'Màng aih èh, mangai leq xoh dađeh yòng cajap, ngan oq èh loq tacro.

2 Cô-rinh-tô 6:1

'Màng aih, taiq nhèn patìh bìac pajùm ti Chuaq, nhèn xìn pì apaq nhàn bìac am dech da Boc Plình loh ca 'ngwan.

Ga-la-ti 5:4

Oh daq leq enh canòm ca ranenh đòiq jah doi ta-atoq, aih khoi talah ca Chuaq Jêxu Crich, èh hnhung bìac am dech da Boc Plình.

2 Ti-mô-thê 2:13

Tàng bèn ùh wèq dèh bàu, Haq xôq wèq dèh bàu, ma jah 'màng aih, Haq ùh jò leq jah hangah ca dađeh.

Hêbru 12:15

Phai rabiaq oq èh loq i mangai leq broq hù hnhung đac bìac am dech da Boc Plình; apaq am riah tagìq tagìa plôh loh ta'ne oh daq, wa broq ca bàc ngai wìa ùh hadròih.

Hêbru 12:25

Pì phai ngan kenh oq, apaq chôiq ca Haq ma anoi hnài, taiq tàng wì ma chôiq tamàng Haq ma pa'yèp wì ta crŏng taneh ùh jah claih, ùh dùh dèh ca bèn ùh jah claih tàng bèn chôiq Haq ma capoch bàu enh plình.

Hêbru 13:7

Pì phai hmàng ca 'bài mangai khoi 'nong trong wa anoi hnài bàu Chuaq ca pì. Ngan ma ro wì haq caq ŏi 'màng leq, èh pì tiaq troi manoh lùi wì haq.

Hêbru 3:11

Cô bàu pachac jò nòih Au doi: ‘Wì haq ùh jah mùt nòi padài da Au.’ ”

Hêbru 4:11

'Màng aih bèn phai dìq ca padren ran đòiq jah mùt ta nòi padài aih, waq ca ùh hìaq i mòiq ngai leq ta bèn tacro taiq tiaq dua wì calah nèh ùh dì tiaq.

Hêbru 4:9

'Màng aih èh, xôq ŏi i mòiq nòi padài ca jàn Boc Plình.

1 Sa-mu-ên 2:30

“Taiq nen aih, Chuaq Boc Plình da Is-ra-ên doi 'màng cô: ‘Au joq 'nàng khoi doi ca hnem ìh wa hnem baq ìh hloi hloi jah patìh bìac ŏi jang ngìa Au,’ mahaq manàiq, Chuaq doi, ‘bìac aih pi jah 'màng aih hòm, ma jah 'màng aih cabô iu padèch Au, Au broq am jah padèch, cabô khìn Au, Au khìn hlài.