Hêbru 3:9 - Sech Hadròih

⁹ aih nòi boc yaq pì khoi hnoq bìac Au broq trom 40 hanam, Mahaq xôq ŏi thù Au đòiq 'nhro manoh Au.

Hêbru 3:9 Iomraidhean Croise

'Bŏi Calêu Plình 95:9

Aih nòi boc yaq pì thù Au; wì taleoq ca Au, 'nhac ca wì haq khoi hnoq bìac broq da Au.

Loh Enh Aicàp 19:4

‘Pì khoi hnoq bìac Au broq ca mangai Aicàp, wa 'màng leq Au pòq pì ta panan chìm cliang càn wa 'nong pì trùh ti Au.

Loh Enh Aicàp 20:22

Chuaq doi ca Môise: “Ìh doi ca jàn Is-ra-ên 'màng cô beq: ‘Pì khoi hnoq Au ŏi enh plình anoi 'noh ca cla pì,

Amôt 2:10

Au khoi 'nong pì loh khoi enh taneh Aicàp, wa tìch pì ta đùng braih càn 40 hanam, đòiq pì jah yŏc taneh da mangai A-mô-rit broq cùng hang.

Sôq Jàn 14:33

Taiq tôiq pì ma ùh wèq dèh bàu, con caiq pì èh ban trìu ta nòi braih càn hloi 40 hanam, trùh jò leq dìq ca pì cachìt dŏng ta braih càn.

Luca 7:22

Chuaq Jêxu tèu wa: “Hlài beq, anoi ca Jon loq bìac chôp khoi hnoq, khoi tàng: Mangai ùh xao jah hnoq, mangai cwê jah lam, mangai bacùn jah brêh, mangai clìch jah tàng, mangai cachìt jah rìh hlài wa mangai pa jah tàng Bàu Lem.

Bìac Yiang Hadròih 13:8

Mahaq Ê-li-ma, aih mangai amòng broq bìac halac, capoch bàu khech tàt wa. Haq ran chaq trong broq ca cwan wèq pleo ùh lùi Boc Plình.

Bìac Yiang Hadròih 7:36

Haq 'nong wì loh khoi ca Diac Aicàp, broq bìac halac ŏi ta Diac Aicàp, ta diac raxìq Gòh wa 40 hanam ŏi ta nòi braih càn.

Ranenh Achìh Hlài 11:7

Mahaq mat pì khoi hnoq dìq dŏng bìac càn Chuaq khoi broq.

Ranenh Achìh Hlài 29:2

'Màng aih, Môise creo dìq ca Is-ra-ên wa doi ca wì: Pì khoi hnoq rìm bìac Chuaq broq jang pì ta gùng Aicàp ca Pha-ra-ôn, 'bài cwan jàp ca gùng haq,

Ranenh Achìh Hlài 4:3

Pì khoi hnoq bìac Chuaq khoi broq ca Ba-an Pêo, ma jah 'màng aih Chuaq Boc Plình pì khoi jêh đac rìm ngai ma lùi tiaq Ba-an Pêo.

Ranenh Achìh Hlài 4:9

Mahaq pì phai wèq dađeh oq, wèq dèh mahua cla, yùq pì loq hèt ca bìac pì ma khoi hnoq, paq đòiq bìac aih loh khoi ca manoh pì, hadai ep hnài bìac aih am ca 'bài con wa con xau pì.

Ranenh Achìh Hlài 8:2

Pì phai hmàng ta 40 hanam Chuaq Boc Plình pì khoi 'nong pì lam nòi braih càn, am pì glàm bìac nan xa, đòiq 'bàt thù manoh pì, ngan pì wèq bàu thê Haq loq ùh.

Ranenh Achìh Hlài 8:4

Trom 40 hanam cô, eo cwàn pì ùh radàm, jènh pì ùh êh.

Jôsuê 23:3

Pì khoi hnoq rìm bìac Chuaq Boc Plình da pì khoi broq ca jàn cô taiq pì: Aih cla Chuaq Boc Plình da pì khoi tajêh am ca pì.

Jôsuê 24:7

Mahaq boc yaq pì dang creo ca Chuaq, Haq broq loh can clam ta'ne pì wa mangai Aicàp, am diac raxìq glàp đac mangai Aicàp. Pì hadai hnoq xam mat bìac Au khoi broq ca mangai Aicàp aih. Khoi ca aih pì ŏi ta đùng braih càn aih dùnh hì.

Jôsuê 5:6

Ma jah 'màng aih jàn Is-ra-ên khoi lam dudan ta braih càn 40 hanam trùh jò 'bài mangai calô broq lình ma loh khoi enh Aicàp dìq khoi cachìt dŏng, ma jah 'màng aih taiq wì haq ùh iu tiaq bàu Chuaq. Ma jah Chuaq khoi pachac ca wì haq doi: Wì haq ùh jah hnoq taneh ma Chuaq khoi rùp bàu am ca boc yaq wì haq, aih taneh jìang bình halùih diac xùt wa sùa.