Hêbru 2:1 - Sech Hadròih

¹ 'Màng aih, bèn ep wèq cajap tam bìac bèn ma khoi tàng, èh đòiq ùh hìaq lam lac ca bàu joq 'nàng.

Hêbru 2:1 Iomraidhean Croise

1 'Nhòng Bùa 22:13

Tàng ìh wèq dèh manoh tiaq ranenh wa bàu hnài da Chuaq khoi thê Môise anoi 'noh ca jàn Is-ra-ên, èh ìh jah padrŏng can. Ìh phai tadêh wa tanuq. Apaq crè wa apaq hŏnh manoh.

'Bŏi Calêu Plình 119:9

'Màng leq mangai gu radam jah wèq dèh trong lam đòiq jah lem hreo? Haq phai wèq tiaq bàu Ìh.

Bàu Rabiaq 3:21

Ô con, khòh wèq can khôn rabiaq joq 'nàng wa loq hèm trong broq troq, paq đòiq haq hangai ca mat con;

Ha-ba-cuc 1:6

Cô au broq ca mangai Canđê yòng, haq jàn dêh wa dù, lam jàp ta taneh tablah yŏc 'bài nòi ùh xài da wì haq.

Ha-ba-cuc 2:16

Ìh jah bình baoq bìac camaih, thai ca jah bìac 'ngah 'ngai. Cla ìh hadai ôq loh bù beq, đòiq wì jah hnoq can rahòng da ìh, khoi trùh jò ma ìh jah ôq doi can nòih enh tì cla Chuaq, can 'ngah ngai ìh jah wìa bìac dìq jaq camaih.

Mathêu 16:9

Pì ma 'nhòq 'nì, 'nhòq hnoq, pì ùh hmàng, padam toq 'benh am 5.000 ngai caq, èh pì tŏch hlài rah jah toq leq rajo?

Bàu Lem tiaq Mŏc Achìh Bìac Chuaq Jêxu Broq Wa Hnài 8:18

Pì i mat, gleq pì ma ùh hnoq? I don, gleq pì ùh tàng? Pì ùh hmàng 'mòh?

Luca 8:15

Mahaq adrech ma clìh nòi taneh jìang, aih mangai yŏc manoh joq 'nàng tamàng bàu Chuaq, wèq bàu aih ta manoh; xam manoh cajap jah loh plì.

Luca 9:44

“Pì phai tamàng bàu Au doi adroi ca pì cô: Cô èh wì rùp Con Mangai 'mùt ta tì mangai dù.”

Bàu Lem tiaq Jon Achìh Bìac Chuaq Jêxu Broq Wa Hnài 8:59

Wì tŏch hmu padon tèm jêh cađac Haq, mahaq Chuaq Jêxu lam hlèp, loh khoi enh Hnem Cùh Waiq.

Ranenh Achìh Hlài 4:23

Rabiaq ca wèq dađeh oq, apaq hèt ca wêh jao da Chuaq Boc Plình pì khoi broq ŏi ti pì, wa apaq pùng padì dua 'mù leq Chuaq Boc Plình pì ùh thê broq.

Ranenh Achìh Hlài 4:9

Mahaq pì phai wèq dađeh oq, wèq dèh mahua cla, yùq pì loq hèt ca bìac pì ma khoi hnoq, paq đòiq bìac aih loh khoi ca manoh pì, hadai ep hnài bìac aih am ca 'bài con wa con xau pì.

Hêbru 12:5

Pì khoi hèt ca bàu pariaq pì, tìah ca bàu hnài con: “Con ôi, apaq ngan ùh loh cleq bìac doi hnài da Chuaq; jò Haq lech, apaq mango wa hŏnh manoh.

2 Pêtrô 1:15

Mahaq au phai ran ŏi pariaq hnài pì, đòiq atìq ca au cachìt, pì jah hmàng ca bàu au khoi doi.

2 Pêtrô 3:1

Ôi oh daq au ma loq waq, cô thò yàng baiq au achìh ca pì: Thò cô hadai tìah ca thò yàng adroi, đòiq bahmàng hlài wa parông manoh hèm lem da pì.