Hêbru 13:5 - Sech Hadròih

⁵ Apaq i manoh loq ham ca 'bac jèn, mahaq khòh i manoh lem bùi dìq ca hiniq ma 'nang i, ma jah 'màng aih, Boc Plình khoi doi: “Au ùh jò leq hangai ca ìh. Au ùh jò leq cađac ìh!”

Hêbru 13:5 Iomraidhean Croise

Bìac Baxèm 28:15

Cô, Au ŏi ti ìh. Ìh lam ta leq, Au tiaq wèq ban ìh ta aih, hi 'ràng ìh hlài ta gùng cô, ma jah 'màng aih Au ùh jò leq cađac ìh trùh jò leq Au broq gêh bìac Au khoi rùp bàu ca ìh.”

Bìac Baxèm 30:31

Laban bòch: “ 'Màng aih manàiq mon enh dùch am tam cùng baha toq leq?” Jacôp tèu: “Ùh ep am ca au cacleq. Tàng ìh hatroq ca bàu au padon anoi 'noh cô èh, au jah ban hòm 'bài trìu, 'bài bubi ìh.

Bìac Baxèm 31:5

Haq anoi ca wa haq: “Au hnoq manoh baq chôp khoi tablòq hlài èh ùh lem manoh ca au tìah troi enh adroi nèh, mahaq Boc Plình da baq au wèq ban au.

1 'Bài Bùa 6:13

Au jah ŏi ta'ne jàn Is-ra-ên, Au ùh cađac jàn Is-ra-ên, jàn Au.”

1 'Bài Bùa 8:57

Waiq xìn Chuaq Boc Plình da bèn ŏi ti bèn, tìah ca Haq ma khoi ŏi ti boc yaq bèn. Waiq xìn Haq ùh hangai ca bèn, hadai ùh cađac bèn.

1 'Nhòng Bùa 28:20

Bùa Đawit doi ca Sa-lô-môn: “Cajap manoh wa dêh padren đòiq hi broq oq, apaq crè yùq wa hŏnh manoh, ma jah 'màng aih Chuaq Boc Plình da au jah ŏi ti con. Haq ùh hèt broq bìac lem ca ìh, hadai ùh cađac ìh trùh jò ìh broq gêh rìm bìac da Hnem Cùh Waiq Haq.

'Bŏi Calêu Plình 10:3

Ma jah 'màng aih mangai dù catèh wa padèch manoh loq ham enh da wì haq, mangai ham ca cùng hang èh waiq hanip Boc Plình wa jù lê Haq.

'Bŏi Calêu Plình 119:36

Xìn broq ca manoh au loq enh bàu hnài Ìh, apaq chaq bìac tiaq trong amòng.

'Bŏi Calêu Plình 37:25

Adroi nèh au 'yoh hanam, manàiq au khoi craq, au ùh lah hnoq mangai ta-atoq leq 'bìq Chuaq cađac, wa con xau haq ep lam xìn caq.

'Bŏi Calêu Plình 37:28

Ma jah 'màng aih Chuaq loq waq ca mangai ta-atoq wa ùh cađac mangai hadròih da Haq. Chuaq wèq wì hloi hloi, mahaq con xau da mangai dù èh cachìt lùch.

Loh Enh Aicàp 2:21

Môise enh ŏi ti mangai cô; mangai cô ta'mroq Xi-po-rah con haq broq mai am ca Môise.

Loh Enh Aicàp 20:17

“Pì apaq ham ca hnem mangai haten hatìa, hadai apaq ham ca mai haq loq hapŏng calô, hapŏng cadrì, 'bo, lùa, loq ngè leq ma ngè haq.”

Bàu Rabiaq 23:4

Ìh paq chìuq xalep đòiq chaq can padrŏng; Phai yŏc manoh khôn rabiaq đòiq loq jò leq hêq.

Êsai 41:10

Apaq crè, i Au ŏi ti ìh; paq hlè lèt, taiq Au Boc Plình ìh. Au am tam padren ca ìh, Au joq 'nàng jùp đò ìh, Au joq 'nàng hnhè tì pah 'ma ta-atoq dèch ìh.

Êsai 41:17

“ 'Bài mangai pa wa thìuq chaq diac ôq mahaq ùh jah diac ôq, rapet wì croh taiq wì croh ranŏng; Mahaq Au Chuaq jah rùp bàu wì; Au Boc Plình da Is-ra-ên, Au ùh hìaq cađac wì.

Êsai 42:16

Au tìch mangai ùh xao lam ta trong haq 'nhòq lah lam, yong wì lam ta trong wì 'nhòq lah 'nì; Au halìh can clam ŏi jang ngìa wì loh 'ngah, nòi tagùt loh hnhuh. Joq 'nàng Au jah broq 'bài bìac aih, Au ùh cađac wì haq.

Jê-rê-mi 6:13

“Ma jah 'màng aih enh mangai 'yoh trùh mangai càn, dìq ham bìac lòiq crài ca dađeh, enh mangai capoch thai Boc Plình trùh pajàu, dìq amòng.

Ê-xê-chi-ên 33:31

Khoi èh wì haq adràc dabau bình ca calùh lam trùh jang ngìa ìh; 'màng ca jàn Au ma ha'ngui jang ngìa ìh, wì haq tamàng bàu ìh; mahaq wì haq ùh broq tiaq. Hacùng wì haq pa'noh loh bàc bìac loq waq, mahaq manoh wì haq toq chaq lòiq ca dađeh.

Mathêu 6:19

“Pì apaq don đòiq cùng hang ŏi ta crŏng taneh, aih nòi i 'mài damang, axiang broq raliang wa mangai atùng pùng panàt mùt yŏc.

Mathêu 6:25

“ 'Màng cô Au doi ca pì: Apaq taiq can rìh pì lèt ca dahwèq caq, hadai apaq taiq chac hamac pì lèt ca eo cwàn. Can rìh ma ùh yi nhet ca dahwèq caq 'mòh? Chac hamac ma ùh yi hnao ca dahwèq caxùnh 'mòh?

Mathêu 6:34

'Màng aih, apaq lèt bìac hì da èh, ma jah 'màng aih bìac hì da èh jah lèt ca hì da èh, bìac xalep hì leq 'nang lem dèh ca hì aih.

Bàu Lem tiaq Mŏc Achìh Bìac Chuaq Jêxu Broq Wa Hnài 7:22

ham ca enh tango, ham ca cùng hang wì, ngang dù, loq amòng, manhài trài, tagìq tagìa, capoch jù lê, loq catèh, capoch bàu blùng.

Luca 3:14

Wì mangai lình hadai bòch: “Nhèn phai broq cleq?” Haq tèu wì: “Apaq padit, apaq 'nùt mangai 'noiq, mahaq phai lem bùi dèh ca cùng baha cla.”

Luca 8:14

Adrech clìh nòi hila, aih wì ma tamàng bàu Chuaq, èh lam tiaq, mahaq taiq wì lo hrìn bìac ŏi crŏng taneh cô, bìac padrŏng can, bìac baxùang dađeh, broq ca bàu Chuaq ta manoh wì haq ùh jah càn, ùh loh plì.

Rôma 1:29

Ta wì haq bình halùih ca bìac ùh ta-atoq, bìac tango anang, bìac loq ham, bìac ngang dù, manoh bình ca bìac tagit ca dabau, jêh mangai, ta'blêq ca dabau, 'nùt dabau, manoh hèm ca broq 'mèq, wa loq capoch bàc bàu,

1 Cô-rinh-tô 5:11

Mahaq au achìh hnài pì doi, apaq ta'mùt, apaq broq bua ti 'bài mangai padèch dađeh doi con caiq Chuaq, mahaq loq tango anang, loq ham ca cùng hang wì, cùh waiq dua 'mù, loq hanip, bù bia, loq atùng, ùh jah caq pajùm ti mangai 'màng aih.

1 Cô-rinh-tô 6:10

mangai atùng, mangai loq ham, mangai bù bia, mangai loq hanip, mangai loq 'nùt, dìq ùh jah mùt Diac Boc Plình.

2 Cô-rinh-tô 4:9

Nhèn 'bìq wì ti rùp, mahaq Chuaq ùh cađac nhèn, 'bìq wì jêh, mahaq ùh hìaq cachìt.

Ê-phê-sô 5:3

Bìac tango, bìac ùh hadròih, bìac loq ham, mangai hadròih 'nhac ca toq anoi trùh ji ùh khòh taiq bìac aih ùh hatroq ca mangai hadròih.

Ê-phê-sô 5:5

Ma jah 'màng aih pì khoi loq ro rang mangai tango anang, mangai ùh hruah, mangai loq ham, aih tìah ca cùh waiq dua 'mù, wì aih ùh jah i phàn ŏi ta Diac Chuaq Jêxu Crich wa Boc Plình.

Ranenh Achìh Hlài 31:6

Dràng cajap wa tanuq manoh beq. Apaq crè cleq, apaq ramòt jang ngìa wì aih, ma jah 'màng aih Chuaq Boc Plình pì lam ti pì. Haq ùh hangai ca pì wa ùh jò leq cađac pì.”

Ranenh Achìh Hlài 31:8

Chuaq raq jah lam adroi ca pì. Haq jah ŏi ti ìh, ùh hangai ca ìh. Apaq crè wa apaq ramòt.”

Ranenh Achìh Hlài 4:31

Ma jah 'màng aih Chuaq pì, Haq Boc Plình loq xa-ŏch, ùh hìaq cađac pì wa ùh hìaq jêh đac pì, hadai ùh hèt bìac wêh jao Haq ma khoi pachac ca boc yaq pì.

Cô-lô-se 3:5

'Màng aih thê pì broq cachìt đac 'bài phàn chac ma ŏi ham enh ca bìac crŏng taneh beq, aih bìac tango anang, bìac ùh hruah, manhài trài, ham enh ca broq bìac dù, bìac loq ham, loq ham aih tìah ca cùh waiq dua 'mù:

1 Ti-mô-thê 3:3

Ùh jah gìan ca alac, hadai apaq loq nòih, mahaq phai i manoh habùat, loq hatroq ca oh daq, ùh jah tarahen, ùh jah ham ca 'bac jèn,

Jôsuê 1:5

Lùch ca 'nhòng ìh, ùh i ca mangai leq ma nui yòng tajraq hlài ca ìh. Au khoi ŏi ti Môise 'màng leq, Au hadai ŏi ti ìh 'màng aih. Au ùh jò leq hangai ca ìh loq cađac ìh.

Jôsuê 7:21

jò au hnoq i mòiq blah eo yôh Sina dìq jaq lem, 'bac trap baiq kìq 'ne wa mòiq capiac wang trap 'ne kìq, au i manoh ham yŏc ngè aih, hi khoi au 'ràng catùh ta taneh ta traiq au, 'bac ŏi enh 'neq.”

2 Pêtrô 2:14

Ta mat wì haq bình halùih bìac tango anang broq tôiq ùh i ca jò leq loq mech, padô adràc 'bài mangai ùh cajap manoh. Wì haq i manoh loq ham enh, aih 'bài con caiq đang ca waiq hanip.

2 Pêtrô 2:3

Wì haq taiq manoh loq ham, capoch bàu amòng đòiq padô yŏc cùng hang pì, mahaq bìac baxa khoi dùnh gòm đòiq wì haq, wa bìac raliang cađac wì haq ùh cùi.

Juđe 1:11

Nan xa am ca wì haq! Taiq wì haq khoi tiaq trong da Cain, i manoh loq ham lòiq, ca'nìh dađeh ta bìac ma ùh troq da Ba-la-am, wa 'bìq hù hnhung taiq lam trong broq manhài tìah ca Côra.

1 Sa-mu-ên 10:7

Jò rìm bìac aih loh, èh ìh khòh broq cleq ma nhet broq, ma jah 'màng aih Boc Plình ŏi ti ìh.

1 Sa-mu-ên 12:22

Boc Plình ùh cađac dèh jàn, taiq hiniq càn caiq da Haq, wa Chuaq hadai lem bùi jò dèch pì broq jàn da Haq.