Hêbru 13:21 - Sech Hadròih

²¹ ta'mroq am ca pì jah tôm gêh ta rìm bìac broq lem, nhò Chuaq Jêxu Crich broq troq manoh tiaq Haq enh waq đòiq Haq jah 'ngah 'ngai hloi hloi. Amen.

Hêbru 13:21 Iomraidhean Croise

2 'Nhòng Bùa 30:12

Boc Plình payòng manoh mangai Juđa đòiq wì haq pajùm manoh iu bàu thê da bùa wa 'bài cwan khoi thê tiaq bàu da Chuaq.

'Bŏi Calêu Plình 138:8

Chuaq jah broq gêh bìac da au. Ôi Chuaq, can xa-ŏch xam manoh loq waq Ìh ŏi i hloi hloi; xìn paq cađac bìac broq da tì Ìh.

Mathêu 12:50

Ma jah 'màng aih, tàng mangai leq ma broq tiaq manoh enh da Baq Au ŏi ta plình, mangai aih oh daq Au wa miq Au.”

Mathêu 21:31

“Wa baiq ngai aih, con leq ma broq tiaq dèh manoh baq?” Wì tèu: “Con ma adroi.” Chuaq Jêxu doi ca wì: “Joq 'nàng au doi ca pì, 'bài mangai gop thèq wa 'bài mangai gu cadrì tango yŏc 'bac, jah mùt Diac Boc Plình adroi ca pì.

Mathêu 28:20

wa anoi hnài wì wèq dìq rìm bìac Au khoi hnài pì. Au ŏi hloi ti pì enh cô trùh hì atìq lùch.”

Mathêu 6:13

Xìn apaq 'mùt nhèn ŏi ta nòi padô 'nùt, mahaq dèch dŏih nhèn khoi ca can kiac dù. Taiq Diac, cwìang itai, wa can 'ngah 'ngai joq ŏi ta tì Baq hloi hloi. Amen.’

Mathêu 7:21

“Ùh xài mangai leq hi doi ca Au: ‘Waiq Chuaq, waiq Chuaq,’ èh jah mùt dŏng Diac Plình đòh, mahaq toq mangai ma broq tiaq manoh Baq ŏi ta Diac Plình raq.

Bàu Lem tiaq Jon Achìh Bìac Chuaq Jêxu Broq Wa Hnài 17:23

Au ŏi enh dalam ca wì haq, wa Ìh ŏi enh dalam ca Au, waq ca wì jah broq mòiq dìq ca manoh. 'Màng aih mangai crŏng taneh jah loq Ìh khoi thê Au trùh, wa loq Ìh loq waq ca wì 'màng ca Ìh loq waq ca Au.

Bàu Lem tiaq Jon Achìh Bìac Chuaq Jêxu Broq Wa Hnài 7:17

Mangai leq i manoh broq tiaq manoh enh da Boc Plình, haq jah loq bìac Au ma hnài, aih loh enh Boc Plình, loq Au tiaq dèh manoh.

Rôma 11:36

Ma jah 'màng aih rìm ngè dìq loh enh Haq, nhò Haq wa tawìh hlài ta Haq. 'Ngah 'ngai ca Haq hloi hloi ùh dìq! Amen.

Rôma 16:27

Boc Plình toq Haq khôn rabiaq, jah 'ngah ngai hloi hloi nhò Chuaq Jêxu Crich, Amen.

2 Cô-rinh-tô 9:8

Boc Plình i cwìang hnhu am ca pì rìm bìac am dech bình halùih, waq ca pì jah tôm tàu ta rìm bìac, èh ŏi i rah hòm đòiq lah axong ca mangai 'noiq.

Ga-la-ti 1:5

Waiq xìn Boc Plình jah padèch hloi hloi ùh lùch. Amen.

Ê-phê-sô 2:10

ma jah 'màng aih bèn raq bìac Boc Plình broq loh, broq bèn wìa mangai neo ta Chuaq Jêxu Crich đòiq broq bìac lem, aih bìac Boc Plình khoi padon đòiq adroi, waq ca bèn broq tiaq.

Ê-phê-sô 2:18

Aih nhò Haq, bèn dìq baiq jah trùh haten ti Boc Plình, aih Baq pajùm ta mòiq Yiang Hadròih.

Ranenh Achìh Hlài 32:4

Chuaq, Haq Hmu Talach! Bìac Haq lem gêh tôm, taiq trong da Haq dìq ta-atoq. Boc Plình wèq dèh bàu wa ùh i ca bìac cleq ùh ta-atoq. Haq ta-atoq wa broq jang hloi hloi.

Philip 1:11

taiq pì khoi jah ùc bình halùih xam plì ta-atoq trùh enh Chuaq Jêxu Crich, đòiq hiniq Boc Plình jah manè wa jah 'ngah 'ngai.

Philip 2:11

dìq ca rapet pa'noh doi Chuaq Jêxu Crich, Haq Chuaq, khoi èh broq 'ngah 'ngai Boc Plình, Chuaq Baq.

Philip 2:13

ma jah 'mang aih cla Boc Plình 'nang broq ca manoh pì, đòiq pì rai èh rai enh, rai broq tiaq manoh lem Haq.

Philip 4:13

Rìm bìac au broq jah nhò i Chuaq am tam padren ca au.

Philip 4:18

Jò cô au khoi tôm tàu, wa ŏi i rah hòm, au khoi nhàn dahwèq da pì enh Ep-ba-phô-đich am ca au tìah ca hòi xua thùm, tìah ca ngè tadreo Boc Plình khoi nhàn wa broq lem manoh enh da Haq.

Cô-lô-se 3:17

Ùh kè ca pì broq bìac cleq, trong bàu capoch loq bìac broq, hadai ep canòm ca hiniq Chuaq Jêxu đòiq broq rìm bìac, nhò Haq manè apôi Boc Plình, aih Chuaq Baq.

Cô-lô-se 3:20

Ôi 'bài mangai con, ta rìm bìac khòh loq dì tiaq dèh miq baq oq; bìac aih lem manoh Chuaq.

Cô-lô-se 4:12

Ê-phap-ra, mangai mòiq gùng ca pì, hapŏng da Chuaq Jêxu Crich, hadai gòi bàu bòch hmàih pì. Haq hloi hloi dìq dèh ca manoh waiq khàn ca pì đòiq pì jah yòng cajap, craq manoh, wa loq joq 'nàng ca manoh enh da Boc Plình.

1 Tê-sa-lô-ni-ca 3:13

Waiq xìn Chuaq broq manoh pì cajap, hadròih lem, ùh i cacleq đang ca trech jang ngìa Boc Plình Baq bèn, jò Chuaq Jêxu Crich, Chuaq bèn trùh hlài crŏng taneh ti dìq ca mangai hadròih Haq.

1 Tê-sa-lô-ni-ca 4:3

'Màng aih manoh Boc Plình ma enh, pì phai wìa hadròih: Ep wia hangai ca bìac tango anang.

1 Tê-sa-lô-ni-ca 5:23

Waiq xìn Boc Plình da can catèm, broq ca pì wìa hadròih gêh tôm trong yiang, mahua wa chac hamac, pì jah wèq tôm gêh ùh i ca nòi jah trech jò Chuaq Jêxu Crich da bèn trùh hlài.

2 Tê-sa-lô-ni-ca 2:17

alòng pì wa am ca pì manoh jah yòng cajap ta rìm bìac broq lem wa bàu capoch.

1 Ti-mô-thê 1:17

Waiq Boc Plình, Bùa ma rìh hloi hloi, toq Haq khôn rabiaq, ùh cachìt, ùh jah hnoq Haq, joq đang ca padèch ha'nhèq wa jah 'ngah 'ngai hloi hloi. Amen.

1 Ti-mô-thê 5:10

wa jah i tìang 'bang nhò broq bìac lem, rabiaq ca hnài ban con caiq, loq đìh yŏc tamoi ùh canao, 'nheo jènh 'bài mangai hadròih, loq jùp đò 'bài mangai pa, èh broq rìm bìac lem ca mangai.

1 Ti-mô-thê 6:16

Toq Haq raq ma ùh 'nì cachìt, Haq ŏi ta'ne can 'ngah ùh i ca mangai leq jah trùh haten, ùh i ca mangai leq lah hnoq Haq, hadai ùh i mangai leq jah hnoq Haq, Haq jah padèch yôt yôt, i cwìang itai ŏi ti Haq trùh hloi hloi. Amen.

2 Ti-mô-thê 3:17

nhò enh aih, mangai da Boc Plình jah padon tôm gêh, ta'mroq đòiq broq rìm bìac lem.

2 Ti-mô-thê 4:18

Chuaq hadai jah dŏih au khoi ca bìac dù, dèch au tŏc Diac Haq ta Plình: Waiq xìn Chuaq jah can 'ngah 'ngai hloi hloi ùh lùch Amen.

Hêbru 10:36

Ma jah 'màng aih oh daq phai dràng àt đòiq atìq ca jò broq tiaq manoh enh da Boc Plình, pì jah hùang bìac Haq ma khoi hùaq.

Hêbru 12:23

haten ca tagop hadròih da 'bài con ramua ma khoi jah achìh 'mùt hiniq ta plình, haten ca Boc Plình, Haq ma broq Cwan Tình Hiniq Hadrah rìm ngai, wa haten ca dìq ca yiang da 'bài mangai ta-atoq wa khoi jah lem lình tôm gêh,

Hêbru 12:28

'Màng aih, taiq bèn jah hùang mòiq Diac Plình ma ùh jò leq dalàc, bèn khòh yŏc manoh manè, loq iu yùq, wa broq bìac waq ca broq lem manoh Boc Plình.

Hêbru 13:16

Apaq hèt ca broq bìac lem wa loq jùp đò mangai 'noiq, ma jah 'màng aih bìac 'màng aih tìah ca ngè tadreo broq lem manoh Boc Plình.

1 Pêtrô 2:5

pì hadai jah tìah ca hmu rìh jah yŏc đòiq broq wìa mòiq toq hnem hadròih, jah wìa mòiq pajàu hadròih, pì jah dèch am ngè tadreo hadròih broq lem manoh Boc Plình nhò Chuaq Jêxu Crich.

1 Pêtrô 4:2

'màng aih hì leq pì ŏi rìh ta chac hamac, èh apaq tiaq bìac con mangai ma ham enh, mahaq tiaq manoh enh da Boc Plình.

2 Pêtrô 3:18

Mahaq phai yòng càn ta bìac am dech, wa bìac 'nì loq ro ca Chuaq Jêxu Crich, Mangai Dèch bèn. Waiq xìn bìac 'ngah 'ngai am ca Haq enh jò cô trùh hloi hloi. Amen.

1 Jon 2:17

'Màng aih crŏng taneh wa bìac ham enh da crŏng taneh jah hnhung đac, mahaq mangai leq broq tiaq manoh enh Boc Plình, èh jah rìh hloi hloi.

1 Jon 3:22

wa nhàn jah rìm bìac bèn waiq xìn, ma jah 'màng aih bèn broq tiaq bàu thê Haq wa broq bìac lem manoh Haq.

Juđe 1:25

aih Boc Plình, Chuaq ma dèch bèn, nhò Chuaq Jêxu Crich, Chuaq bèn, padèch am ca Haq 'ngah 'ngai, bìac padèch ha'nhèq wa cwìang itai wèq ŏi ti Haq enh jò baxèm, manàiq cô, trùh hloi hloi. Amen.

Bìac Mahno 4:6

Enh ngìa ca gèq bùa, tìah ca diac raxìq broq xam gùang, tìah ca hmu ramong hliang. Ta'ne wa ŏi wawenh ca gèq bùa, i pôn ngè rìh, i chac bình xam mat enh ngìa, enh rù hadai.

Bìac Mahno 5:13

Au tàng rìm hiniq ma khoi jah broq loh ŏi ta plình, ŏi ta crŏng taneh, enh 'neq ca crŏng taneh, ŏi ta diac raxìq wa rìm hiniq enh trom ca aih, wì haq doi: “Xôq ramŏt, can loq iu, 'ngah 'ngai lem lình wa cwìang itai dìq dŏng jah Haq ma ha'ngui ta gèq bùa, wa Trìu Con ma rìh hloi hloi.”

Bìac Mahno 5:9

Wì calêu manè 'bŏi ma neo, doi: “Ìh tajì đòiq yŏc sech, dŏih 'bài clep baxìa, taiq Ìh khoi chìuq cachìt yŏc dèh mahem đòiq rŏt hlài enh tôiq lôi 'bài mangai rìm nòi, rìm bàu capoch, rìm hadròng, wa rìm Diac ahlài ca Boc Plình,