Hêbru 12:7 - Sech Hadròih

⁷ Tàng pì chìuq bìac lech hnài, aih èh Boc Plình ngan pì tìah ca con, ma jah 'màng aih, con leq baq ma ùh lech hnài?

Hêbru 12:7 Iomraidhean Croise

2 Sa-mu-ên 7:14

Au jah broq Baq haq, haq jah broq con Au. Tàng haq broq tôiq, Au jah baxa hnài haq xam long roi tìah ca baq da con mangai hnài dèh con,

1 'Bài Bùa 1:6

Baq haq ùh jò leq trech haq mòiq nà bàu doi: “Gleq con ma broq 'màng 'mat?” Haq mangai gu radam i lem lình, xa-ông atìq ca Ap-sa-lôm.

Bàu Rabiaq 13:24

Mangai leq loq ùh 'mèm ca wê long roi, aih git dèh ca con; mahaq cabô loq waq dèh ca con, haq panim baxa hnài dèh con.

Bàu Rabiaq 19:18

Pariaq baxa con calô ìh jò ŏi jah ngèh gòm oq; tàng ùh, can rìh haq jah 'bìq raliang.

Bàu Rabiaq 22:15

Bìac blùng càt ta manoh con 'yoh; mahaq long roi hnài pariaq jah hnan đac bìac aih wia hangai ca haq.

Bàu Rabiaq 29:15

Long roi wa bìac tagàih lech am can khôn rabiaq; mahaq mangai con ùh iu, broq camaih dèh ca miq.

Bàu Rabiaq 29:17

Anoq hlài dèh con calô, èh haq jah am ca ìh bìac catèm; haq hadai broq ca mahua yiang ìh jah lem bùi.

Bìac Yiang Hadròih 14:22

Wa haq broq cajap manoh 'bài mangai hŏc tiaq, alòng manoh wì rai doi: “Bèn phai glàm bàc bìac nan xa men jah mùt Diac Boc Plình.”

1 Cô-rinh-tô 11:32

Mahaq jò bèn 'bìq Chuaq hadrah đòiq baxa hnài bèn, èh bèn ùh hìaq 'bìq hadrah baxa pajùm ca crŏng taneh.

Ranenh Achìh Hlài 8:5

'Màng aih, pì phai loq ta manoh, Chuaq Boc Plình pì baxa hnài pì tìah ca mangai baq baxa hnài dèh con.

1 Sa-mu-ên 2:29

Gleq pì jôiq đac ti jènh 'bài ngè tadreo wa bìac dèch am ca Au ma khoi thê dèch am ta hnem cùh waiq Au? Gleq pì ngan ha'nhèq dèh 'bài con calô pì yi hnao ca Au, wa pì caq ramaq 'bài ngè tadreo ma yi lem da Is-ra-ên, jàn Au?’

1 Sa-mu-ên 2:34

“ ‘Bìac jah loh trùh ca baiq toq con ìh, Hopni wa Phi-nê-hat, jah yŏc broq teo ca ìh. Wa baiq ngai dìq cachìt ta mòiq hì.

1 Sa-mu-ên 3:13

Taiq Au khoi doi adroi, Au jah hadrah hnem haq hloi hloi, taiq haq khoi loq dèh ca bìac ngang dù baiq con calô haq khoi broq, èh wa haq đang cabi waiq hanip, mahaq haq ùh tàt wa.