Hêbru 11:12 - Sech Hadròih

¹² 'Màng aih, nhò mòiq ngai raq ngan ten cachìt, khoi xa-ông loh bình ngŏng con xau, cràm tìah ca hlŏng ta plình wa bàc tìah ca braih diac raxìq, rèn ùh nui.

Hêbru 11:12 Iomraidhean Croise

Bìac Baxèm 15:5

Khoi ca aih, Chuaq 'nong Apram loh enh gùng hi doi: “Ìh ngoi ngan ta plình. Tàng jah, ìh rèn dìq ca halŏng beq.” Haq doi hòm: “Xinoi ìh hadai jah bàc tìah 'màng aih èh.”

Bìac Baxèm 22:17

jah am xôq ramŏt ca ìh, tam xinoi ìh bàc tìah ca halŏng ta plình, bàc tìah ca braih ta 'bò diac raxìq, wa xinoi ìh jah tablah yŏc 'mang ngo phôq lình ma git ca wì.

Bìac Baxèm 26:4

Au jah am tam ca xinoi ìh bàc tìah ca halŏng ta plình. Au am ca xinoi ìh dìq ca gùng cô, èh dìq dŏng ca jàn ŏi crŏng taneh nhò caxi nòi ìh wì jah xôq ramŏt,

Bìac Baxèm 32:12

Taiq Chuaq khoi rùp bàu: ‘Joq 'nàng Au jah broq am xôq ramŏt ca ìh, broq am ca xinoi ìh cràm tìah ca braih diac raxìq, pi nui rèn.’ ”

2 Sa-mu-ên 17:11

“Au tình 'màng cô: Dìq ca jàn Is-ra-ên, pàng Đan trùh Bê-e-sê-ba, yùp hlài dudan ca ìh. Wì haq jah bàc tìah ca braih diac raxìq, 'màng aih cla ìh raq 'nong lình loh ta nòi tajêh poh.

1 'Bài Bùa 4:20

Jàn Juđa wa Is-ra-ên bàc tìah ca braih diac raxìq. Wì haq caq ôq rai bùi manoh.

1 'Nhòng Bùa 27:23

Mahaq Đawit ùh yŏc mangai 20 hanam dang loh ma jah 'màng aih bàu Chuaq i doi, Haq jah broq ca jàn Is-ra-ên cràm tìah ca halŏng ta plình.

Nê-hê-mi 9:23

Chuaq hadai pabàc con xau wì haq bàc 'màng ca halŏng ta plình, 'ràng wì haq mùt ta gùng Chuaq ma hùaq ca boc yaq wì haq, èh wì haq jah mùt blah yŏc gùng aih.

Loh Enh Aicàp 32:13

Xìn Chuaq hmàng hlài ca Ap-ra-ham, Isac, Is-ra-ên, 'bài hapŏng Ìh. Ìh ma khoi patô dađeh pachac ca wì haq: Au jah am tam ca xinoi pì tŏc bàc tìah ca halŏng ta plình. Au jah am ca xinoi aih dìq ca gùng Au ma patô, èh wì haq jah yŏc gùng aih broq xôxech hloi hloi.’ ”

Êsai 10:22

Ôi Is-ra-ên, 'nhac ca jàn ìh bàc 'màng ca braih diac raxìq, mòiq phàn ma xrong hlài raq ma tawìh hlài. Bìac raliang đac khoi 'nac đòiq, taiq bìac ta-atoq bình jàp jìa.

Êsai 48:19

Xinoi ìh jah bàc tìah ca braih, con xau ìh bàc tìah ca blo, hiniq wì haq ùh 'bìq cachìt, hadai ùh 'bìq hnhung ŏi jang ngìa Au.”

Jê-rê-mi 33:22

Tìah ca wì ùh jah rèn 'bình plình ta plình, wa tŏng braih diac raxìq, Au hadai jah am ca Đawit, hapŏng Au, wa am ca mangai Lêwi patìh bìac Au, jah xinoi bàc 'màng aih.’ ”

Ôsê 1:10

“ 'Nhac ca 'màng aih, con calô Is-ra-ên xôq jah cràm tìah ca braih diac raxìq, ùh dìq tŏng, ùh jah rèn sôq pliang braih; nòi khoi achìh bàu: ‘Pì ùh xài jàn Au,’ èh doi hlài: ‘Pì con calô da Boc Plình ma rìh hloi hloi.’

Ha-ba-cuc 1:9

Dìq ca wì haq lam trùh tajêh poh dìq jaq ngang dù; wì haq glàm trùh tìah ca jò bahùt dêh, rùp yŏc lình bàc 'màng ca braih.

Rôma 9:27

Êsai hadai anoi hlài bìac jàn Is-ra-ên, haq cachech doi: “ 'Nhac ca con caiq Is-ra-ên cràm tìah ca braih diac raxìq, mahaq toq phàn ma ŏi xrong hlài raq ma jah dèch;

Ranenh Achìh Hlài 1:10

Chuaq Boc Plình pì khoi broq pì bàc tam. Hì cô pì bàc tìah ca halŏng ta plình.

Ranenh Achìh Hlài 28:62

Sôq jàn da pì ma bàc tìah ca halŏng ta plình, mahaq taiq ùh dì tiaq bàu da Chuaq Boc Plình pì, pì jah ŏi i toq 'biaq raq.

Jôsuê 11:4

Dìq ca bùa cô 'noh dèh lình bàc tìah ca braih diac raxìq, 'ràng tiaq bàc axêh wa xê axêh.

Bìac Mahno 20:8

èh haq jah ca'naih loh khoi enh hàm jrùq đòiq lam padô 'nùt rìm jàn ma rìh ŏi crŏng taneh, aih Got wa Magot, haq tagop wì đòiq tabroq tajêh; wì bàc tìah ca braih ta diac raxìq.

'Bài Cwan Hadrah 7:12

'Màng aih jàn Ma-đi-an, jàn A-ma-lec, wa 'bài tamoi ma đòiq traiq ŏi ta thòng cràm tìah ca lìp, lŏcđa da wì haq dìq jaq bàc, ùh crài cleq ca braih nòi diac raxìq.

1 Sa-mu-ên 12:5

Sa-mu-ên doi ca wì: “Hì cô i Chuaq ngan hnoq wa i mangai Boc Plình khoi xùt dàu ngan hnoq, au joq ùh broq bìac cleq ùh troq ta tì au.” Wì tèu: “Joq i Haq ngan hnoq.”