Hêbru 1:2 - Sech Hadròih

² mahaq ta 'bài hì atìq lùch cô, Boc Plình yŏc dèh Con đòiq doi hnài ca bèn, aih Con Haq khoi pajaq broq wìa Con Hatìa đòiq wèq cwìang dìq dŏng rìm bìac wa nhò Con aih Haq khoi broq loh plình crŏng taneh.

Hêbru 1:2 Iomraidhean Croise

Bìac Baxèm 49:1

Jacôp creo dèh ca 'bài con calô haq doi: “Pì ŏi dudan ca au beq đòiq au jah doi bìac phai trùh ca pì hì ma atìq:

Êsai 2:2

Ta 'bài hì pulùch, bôi wang da hnem Chuaq jah broq cajap enh 'nhèq ca 'bài bôi wang, yi ha'nhèq dŏng; rìm jàn ta crŏng taneh dìq trùh ta aih.

Êsai 44:24

Chuaq, Chuaq Rŏt Dèch Hlài ìh, khoi broq loh ìh enh cliac miq ìh, doi 'màng cô: “Au Chuaq, khoi broq loh rìm hiniq; Toq Au cô hlìa 'bài lòp plình wa hlèch crŏng taneh.

Êsai 45:12

Au raq Chuaq ma broq loh crŏng taneh, broq loh mangai ŏi ta crŏng taneh; tì Au raq khoi hlìa 'bài lòp plình, am bàu thê dìq ca 'bình plình.

Êsai 45:18

Taiq Chuaq khoi broq loh 'bài lòp plình, Boc Plình khoi broq taneh wa broq đòiq hagao, ùh xài broq loh hi cađac mahaq broq loh đòiq hi am ca con mangai, Chuaq doi 'màng cô:

Jê-rê-mi 30:24

Can nòih da Chuaq pi wìh hlài trùh jò Haq khoi broq wa khoi gêh ca trong ma tình ta manoh Haq. Ta 'bài hì pulùch, pì jah loq ca bìac aih.

Jê-rê-mi 48:47

“Mahaq trùh hì pulùch, Au jah 'ràng 'bài hapŏng Moap hlài,” Chuaq anoi 'noh 'màng aih. Bàu hadrah Moap trùh pàng aih raq.

Ê-xê-chi-ên 38:16

Ô Got! gè jah trùh jêh jàn Is-ra-ên Au, tìah ca mòiq cato yùc gùp gùng taneh. Joq 'nàng 'màng aih, ta 'bài hì pulùch, Au jah thê gè lam jêh taneh Au, waq ca 'bài jàn 'noiq jah ngan canao loq ca Au, jò Au jah pa'noh hadròih enh gè ŏi jang ngìa wì haq.

Đa-ni-ên 10:14

Manàiq au trùh đòiq jùp ìh loq ca bìac ma padon trùh ca jàn ìh ta 'bài hì ma atìq èh; ma jah 'màng aih bìac ngan hnoq cô patô đòiq bàc bìac hì atìq èh.”

Đa-ni-ên 2:28

Mahaq i Boc Plình ŏi ta plình, Haq Chuaq pa'noh bìac jrùq hlèp, jah am ca bùa Nê-bu-cat-nêt-xa loq ca bìac padon trùh ta 'bài hì atìq cô èh. Aih bìac apô wa bìac mahno trùh ta gàu ngoc bùa jò bùa ca'nùng cùi ta jùang.

Ôsê 3:5

Khoi ca aih, con caiq Is-ra-ên wìh hlài chaq dèh Chuaq Boc Plình, wa Đawit bùa cla wì. Wì haq crè yùq wìh hlài ta Chuaq, wa jah xôq ramŏt enh Haq.

Mica 4:1

Ta 'bài hì lùch èh, wang nòi broq hnem cùh waiq Chuaq jah padèch dìq jaq ha'nhèq, jah dèch yi ha'nhèq dŏng ca 'bài go. 'Bài jàn dìq tŏc ta aih.

Sôq Jàn 24:14

Manàiq cô, adroi ca au loh hlài, au xìn doi adroi bìac Is-ra-ên broq ca jàn da bùa atìq cô èh.”

Mathêu 13:39

Haq ma rai adrech 'mèq, aih can kiac Satan. Jò gat, aih hì pulùch. Mangai gat, aih 'bình plình.

Mathêu 17:5

Jò haq ŏi raq capoch, i yùc taboc ca-ah glom wì ta aih. I bàu enh yùc doi: “Cô Con Calô Au, Au loq waq ca Haq. Haq lem manoh Au rìm trong, ep iu bàu Haq.”

Mathêu 21:38

“Mahaq jò 'bài mangai pìt nho hnoq con calô aih, wì doi ca dabau: ‘Mangai cô raq mangai hatìa. Manàiq beq bèn jêh đac haq, èh bèn yŏc xôxech haq.’

Mathêu 26:63

Mahaq Chuaq Jêxu ùh doi cleq. Pajàu ha'nhèq doi hòm ca Haq: “Au thê Ìh pachac enh ngìa ca Boc Plình Ìh, doi ca nhèn loq, Ìh joq Crich Con Boc Plình ùh?”

Mathêu 28:18

Chuaq Jêxu trùh haten doi ca 'bài mangai hŏc tiaq bàu cô: “Dìq ca cwìang itai ŏi ta plình wa ta crŏng taneh khoi am ca Au.

Mathêu 3:17

I bàu capoch enh Plình: “Cô Con Calô Au. Au loq waq ca Haq. Haq broq lem manoh Au rìm trong.”

Bàu Lem tiaq Mŏc Achìh Bìac Chuaq Jêxu Broq Wa Hnài 1:1

Baxèm Bàu Lem da Chuaq Jêxu Crich, Con Calô Boc Plình.

Bàu Lem tiaq Mŏc Achìh Bìac Chuaq Jêxu Broq Wa Hnài 12:6

“Yàng ma atìq lùch, craq wùan nho thê đeh con calô haq ma loq waq, lam trùh. Haq hèm: ‘Joq wì loq iu haq, ma jah 'màng aih haq aih con calô cla craq.’

Bàu Lem tiaq Mŏc Achìh Bìac Chuaq Jêxu Broq Wa Hnài 12:7

“Mahaq 'bài mangai ma broq ta wùan nho aih, hatình ca dabau: ‘Mangai cô con calô cla craq, bèn jêh đac haq cachìt, èh cùng hang haq jah bèn.’

Bàu Lem tiaq Jon Achìh Bìac Chuaq Jêxu Broq Wa Hnài 1:10

Haq khoi ŏi ta crŏng taneh ma cla Haq khoi broq, mahaq mangai ŏi crŏng taneh ùh canao loq ca Haq.

Bàu Lem tiaq Jon Achìh Bìac Chuaq Jêxu Broq Wa Hnài 1:14

Bàu cô khoi wìh wìa chac hamac ŏi ta'ne bèn, bình halùih bìac am dech wa bàu joq 'nàng. Bèn khoi ngan hnoq 'ngah 'ngai lem lình enh Haq, joq 'nàng 'ngah lem loh enh Con Mòiq trùh enh nòi Baq.

Bàu Lem tiaq Jon Achìh Bìac Chuaq Jêxu Broq Wa Hnài 1:3

Calah baxèm, Haq khoi broq rìm hiniq, enh gùng ca Haq, ùh i ca cleq ma wìa đeh.

Bàu Lem tiaq Jon Achìh Bìac Chuaq Jêxu Broq Wa Hnài 13:3

Chuaq Jêxu loq, Baq khoi đòiq ta tì Haq rìm bìac, ma jah 'màng aih Haq khoi trùh enh Boc Plình wa Haq ten hlài ta Boc Plình,

Bàu Lem tiaq Jon Achìh Bìac Chuaq Jêxu Broq Wa Hnài 13:32

Tàng Boc Plình jah padèch ha'nhèq ŏi enh dalam ca Haq, èh Boc Plình jah padèch Con Mangai ŏi enh dalam ca dađeh, èh Haq broq bìac aih tajòi 'mòi.

Bàu Lem tiaq Jon Achìh Bìac Chuaq Jêxu Broq Wa Hnài 15:15

Au ùh creo ca pì hapŏng hòm, ma jah 'màng aih hapŏng ùh 'nì dèh ca craq haq broq cleq. Mahaq Au creo ca pì bua Au, taiq Au khoi hnài am ca pì rìm bìac ma Au khoi tàng Baq Au doi ca Au.

Bàu Lem tiaq Jon Achìh Bìac Chuaq Jêxu Broq Wa Hnài 16:15

Dìq bìac Baq khoi i, aih bìac Au. Ma jah Au doi ca pì, Yiang Hadròih, Haq jah yŏc bìac enh Au wa anoi hlài ca pì.

Bàu Lem tiaq Jon Achìh Bìac Chuaq Jêxu Broq Wa Hnài 17:2

“ 'Màng ca Ìh khoi am ca Con cwìang itai enh 'nhèq ca mangai dìq dŏng, Con am ca wì can rìh hloi hloi, aih mangai Baq ma khoi jao am ca Con.

Bàu Lem tiaq Jon Achìh Bìac Chuaq Jêxu Broq Wa Hnài 3:16

“Taiq Boc Plình loq waq ca mangai ŏi crŏng taneh trùh 'mòi Haq khoi am ca wì Con Mòiq da Haq, waq ca mangai leq lùi canòm ca Con aih, ùh hnhung, mahaq jah i can rìh hloi hloi.

Bàu Lem tiaq Jon Achìh Bìac Chuaq Jêxu Broq Wa Hnài 3:25

I mòiq ngai, mangai Yothaiq tarahen ca mangai hŏc tiaq Jon bìac ranenh lè broq hreo.

Bàu Lem tiaq Jon Achìh Bìac Chuaq Jêxu Broq Wa Hnài 5:26

Ma jah 'màng aih tìah ca Baq i can rìh, 'màng aih Baq khoi am ca Con hadai i can rìh.

Bàu Lem tiaq Jon Achìh Bìac Chuaq Jêxu Broq Wa Hnài 5:27

Baq khoi am ca Con cwìang hadrah taiq cla Con, Haq Con Mangai.

Bàu Lem tiaq Jon Achìh Bìac Chuaq Jêxu Broq Wa Hnài 9:29

Nhèn loq Boc Plình khoi doi ca Môise, mahaq Mangai aih nhèn ùh 'nì Haq loh enh leq.”

Bìac Yiang Hadròih 10:36

Cô Bàu Lem ma Boc Plình khoi am ca mangai Is-ra-ên: Aih con mangai jah hatroq hlài ca Boc Plình, nhò canòm Chuaq Jêxu Crich, Haq ma broq Chuaq dìq dŏng da con mangai.

Bìac Yiang Hadròih 2:17

“ ‘Boc Plình doi: Ta 'bài hì ma atìq lùch, Au jah ùc 'noh Yiang Au ŏi ti dìq ca mangai; con calô, con cadrì jah capoch thai bàu Boc Plình, 'bài gu radam jah hnoq bìac loh mahno ca wì, 'bài mangai craq jah apô hnoq bìac Boc Plình.

Rôma 1:4

nhò Yiang Hadròih khoi jah pa'noh ro ca bèn xam cwìang itai, Haq joq 'nàng Con Boc Plình, Chuaq Jêxu Crich, Chuaq bèn, nhò bìac Haq rìh hlài enh can cachìt tiaq bìac broq da Yiang Hadròih.

Rôma 8:17

Tàng bèn con caiq Haq, bèn hadai jah nhàn yŏc xôxech Haq. Mangai jah nhàn yŏc xôxech da Boc Plình, èh hadai jah nhàn yŏc xôxech ti Chuaq Jêxu Crich. Tàng bèn chìuq nan xa ti Chuaq Jêxu, èh bèn hadai jah 'ngah 'ngai pajùm ca Haq.

1 Cô-rinh-tô 2:7

Mahaq nhèn hnài bàu khôn rabiaq da Boc Plình tiaq bìac halac halùai, aih khôn rabiaq khoi cadoc hlèp ma Boc Plình khoi pajaq enh 'nhòng baxèm calah đòiq wìa 'ngah 'ngai am ca bèn.

1 Cô-rinh-tô 8:6

mahaq phàn da bèn, i mòiq toq Boc Plình raq, aih Chuaq Baq, rìm ngè bìac dìq Haq broq loh wa bèn rìh ca Haq; wa i mòiq toq Chuaq Jêxu Crich raq, rìm ngè dìq nhò Haq men jah i, wa bèn hadai rìh nhò Haq.

Ga-la-ti 4:4

Mahaq jò pajaq khoi jah gêh, Boc Plình thê dèh Con nhò mangai cadrì xa-ông, xa-ông enh 'neq ca Ranenh,

Ê-phê-sô 1:10

trùh jò khoi dìq ca jò pajaq, Haq tagop rìm ngè bìac ŏi ta plình wa ngè bìac ŏi ta crŏng taneh dìq ŏi enh 'neq ca cwìang Chuaq Jêxu Crich.

Ê-phê-sô 3:9

đòiq xreo 'ngah am ca rìm ngai loq bìac broq da bìac halac halùai enh 'nhòng baxèm calah khoi cadoc hlèp ti Boc Plình, Haq ma broq loh dìq ca ngè bìac ta crŏng taneh,

Ranenh Achìh Hlài 18:15

Ŏi ta'ne oh daq pì, Chuaq Boc Plình pì jah 'noh am mòiq ngai, mangai capoch thai Boc Plình troi au. Pì phai tamàng bàu haq.

Ranenh Achìh Hlài 31:29

Ma jah 'màng aih au loq, atìq ca au khoi cachìt, èh pì tawech cađac dŏng trong au khoi anoi hnài am ca pì. Trom hì pulùch hinìq ranàc jah glàm pì, taiq pì broq bìac ngang dù jang ngìa Chuaq, broq ca Haq loh nòih.”

Ranenh Achìh Hlài 4:30

Jò pì 'bìq nan xa, wa dìq ca bìac aih trùh ca pì, jò aih trom 'bài hì pulùch, pì jah wìh hlài ti Chuaq Boc Plình, èh pì tamàng bàu Haq.

Hêbru 1:5

Ma jah 'màng aih Boc Plình ma lah doi ca mòiq 'bình plình leq: “Ìh Con Au. Hì cô Au khoi xa-ông ca Ìh”? Hadai ùh lah doi: “Au broq Baq Haq, Haq broq Con Au.”?

Hêbru 1:8

Mahaq anoi trùh Con, Haq doi: “Ôi Boc Plình, gèq bùa da Ìh ŏi hloi hloi; Long wèq cwìang da bùa, aih long wèq cwìang ta-atoq jah wèq cwìang da Taneh Diac Ìh.

Hêbru 11:3

Nhò manoh lùi, bèn loq crŏng taneh khoi jah i nhò bàu Boc Plình. 'Màng aih, dìq ca hiniq ma bèn hnoq, khoi jah broq wìa enh rìm hiniq ma bèn ùh xao hnoq.

Hêbru 2:3

èh broq 'màng leq bèn ma claih ca bìac baxa tàng bèn ngan bìac dèch claih ma càn cô ùh loh cleq? Bìac dèch claih aih ma baxèm Chuaq doi ca wì ma tàng Haq, khoi èh wì anoi hlài ca bèn,

Hêbru 3:6

Mahaq Chuaq Jêxu Crich wèq dèh bàu tìah ca Con Calô wèq cwìang hnem Boc Plình. Hnem Boc Plình, aih bèn, tàng bèn wèq cajap dèh manoh lùi canòm wa bùi manoh ta bìac ngèh gòm trùh lùch.

Hêbru 4:14

Taiq bèn i mòiq Pajàu Ha'nhèq càn ma khoi mùt hlài Diac Plình, aih Chuaq Jêxu, Con Boc Plình, bèn phai wèq ma cajap manoh lùi.

Hêbru 5:8

'Nhac ca Haq Con Boc Plình, Haq khoi hŏc dì tiaq nhò bìac xalep Haq ma khoi chìuq.

Hêbru 7:28

Ma jah 'màng aih Ranenh ma dùnh yŏc 'bài mangai ìuq broq pajàu ha'nhèq, mahaq bàu pachac ma i atìq ca Ranenh yŏc Con ma khoi jah gêh lem hloi hloi.

Hêbru 7:3

Haq ùh i ca miq, ùh i ca baq, ùh i ca hadròng hadrech, ùh i ca hì xa-ông, hadai ùh i ca hì cachìt, tìah ca Con Boc Plình, Mên-chi-xê-đec broq pajàu hloi hloi.

Hêbru 9:26

Tàng 'màng aih, enh jò baxèm broq plình crŏng taneh, Haq ep chìuq cachìt bàc yàng, mahaq manàiq cô Haq khoi mahno loh mòiq yàng raq ta 'nhòng ma atìq lùch, am dađeh broq ngè tadreo đòiq cađac tôiq lôi.

1 Pêtrô 1:20

Haq khoi jah padon đòiq adroi ca jò broq plình crŏng taneh, mahaq mahno loh ta 'nhòng ma atìq lùch cô am ca pì,

2 Pêtrô 3:3

Adroi dŏng dìq bèn phai loq, ta 'bài hì atìq lùch cô èh, i bàc ngai trùh capoch bàu do halê, aih 'bài mangai caq ŏi tiaq trong ham enh dađeh,

Juđe 1:18

Wì doi ca pì: “Ta 'nhòng atìq èh, i mangai loq do lê; wì haq broq 'mèq tiaq manoh cla ham enh.”