Hêbru 1:11 - Sech Hadròih

¹¹ Plình crŏng taneh jah raliang đac, mahaq cla Ìh jah i hloi hloi. Plình crŏng taneh èh loh ca cùn tìah ca eo dùnh.

Hêbru 1:11 Iomraidhean Croise

'Bŏi Calêu Plình 10:16

Chuaq, Haq Bùa hloi hloi, rìm Diac khoi 'bìq raliang đac khoi ca taneh Diac da Haq.

'Bŏi Calêu Plình 102:26

Plình wa crŏng taneh cô jah raliang đac, mahaq Chuaq jah ŏi hloi hloi. Plình wa crŏng taneh wìa radàm bu dàng eo dùnh, Chuaq jah halìh wì haq, bu dàng halìh eo, èh wì haq jah halìh hlài.

'Bŏi Calêu Plình 29:10

Chuaq wèq cwìang enh 'nhèq ca diac càn. Chuaq broq Bùa hloi hloi.

'Bŏi Calêu Plình 90:2

Adroi ca i wang rôm, taneh wa crŏng taneh 'nhòq broq loh, enh jò baxèm trùh hloi hloi, Ìh raq Boc Plình.

Êsai 34:4

Dìq ca halŏng ta plình loh ca prai priang, 'bài lòp plình canua hlài tìah ca canua sech; dìq ca halŏng taclìh tìah ca hla nho hadrùih tìah ca hla bah taclìh enh long bah.

Êsai 41:4

Cabô khoi broq gêh bìac aih? Cabô khoi creo ca 'bài xinoi mangai enh jò baxèm? Aih Au, Chuaq, Yiang baxèm wa atìq lùch. Cla Au raq.”

Êsai 44:6

Chuaq, Bùa da Is-ra-ên, Chuaq Rŏt Dèch Hlài jàn, Chuaq ma wèq dìq ca 'bình plình, doi 'màng cô: “Au baxèm, wa pulùch; enh gùng ca Au ùh i Boc Plình ma 'noiq.

Êsai 50:9

Joq 'nàng, Chuaq Boc Plình jah jùp đò Au: Cabô jah ta'mòq tôiq ca Au? Cô, dìq dŏng ca wì haq loh ca radàm 'màng ca eo dùnh, 'bìq 'mài cap hyah.

Êsai 51:6

'Ngoc ngan ta 'bài lòp plình, wa cùp ngan ta taneh beq; ma jah 'màng aih 'bài lòp plình parai 'màng ca nhòi, taneh 'bìq radàm 'màng ca eo dùnh, jàn ta crŏng taneh cachìt 'màng ca roi. Mahaq bìac dèch claih da Au ŏi trùh hloi hloi; bìac ta-atoq da Au ùh 'nì dìq.

Êsai 51:8

Ma jah 'màng aih 'mài cap wì 'màng ca cap eo, hatia caq wì 'màng ca caq xàc trìu; mahaq bìac ta-atoq da Au jah ŏi hloi hloi; bìac dèch claih da Au ŏi trùh rìm 'nhòng.”

Êsai 65:17

“Cô, Au jah broq plình neo taneh neo; bìac adroi pi hmàng hòm, pi ràu hòm.

Mathêu 24:35

Plình crŏng taneh cô èh jah hnhung, mahaq bàu Au capoch ùh jò leq hnhung.”

Bàu Lem tiaq Mŏc Achìh Bìac Chuaq Jêxu Broq Wa Hnài 13:31

Plình crŏng taneh jah hnhung đac, mahaq bàu Au ùh jò leq hnhung.”

Luca 21:33

Plình crŏng taneh cô èh jah hnhung, mahaq bàu capoch da Au ùh jò leq hnhung.

Hêbru 12:27

'Màng aih, bàu ma doi: “Mòiq yàng hòm” aih i hiniq, Boc Plình raliang cađac dìq ca hiniq Haq khoi broq ma jah dalàc, waq ca dìq ca hiniq ma ùh jah dalàc jah ŏi yôt.

Hêbru 8:13

Taiq Boc Plình khoi doi: “Wêh jao neo,” 'màng aih wêh jao ma adroi khoi dùnh, bìac cleq ma khoi dùnh pi wìa waq, padon hnhung đeh.

Bìac Mahno 1:11

“Phai achìh ta sech dŏng dìq bìac ìh ma hnoq, gòi am ca tapèh toq Tagop Hadròih: Ta Ê-phê-sô, Si-mò-na, Betgam, Thi-a-ti-ra, Satđe, Phi-la-đen-phi, wa Lao-đi-xê.”

Bìac Mahno 2:8

“Ìh phai achìh ca 'bình plình da Tagop Hadròih Si-mò-na 'màng cô: Haq ma Baxèm wa Pulùch ma khoi cachìt wa khoi rìh hlài, Haq doi 'màng cô:

Bìac Mahno 20:11

Èh au hnoq mòiq toq gèq bùa càn taboc, i mòiq Ngai ha'ngui ta aih. Enh ngìa ca Haq plình crŏng taneh mot dŏng dìq, pi i nòi leq đòiq ca wì haq hòm.

Bìac Mahno 21:1

Khoi èh au hnoq “plình neo wa taneh neo,” ma jah 'màng aih plình baxèm wa crŏng taneh baxèm khoi hnhung, diac raxìq hadai pi i hòm.