2 'Bài Bùa 8:5 - Sech Hadròih

⁵ Wop jò Ghê-ha-xi 'nang ta'mon bìac Ê-li-sê broq mangai cachìt jah rìh hlài, èh mangai cadrì i con jah rìh hlài aih, cadiang mùt đòiq hi xìn bùa am hlài da haq hnem wa taneh. Hnoq 'màng aih, Ghê-ha-xi doi hloi: “Bùa ôi! Cô raq miq con, au ma 'nang ta'mon ca ìh, èh con calô haq cô ma jah Ê-li-sê broq rìh hlài enh can cachìt.”

2 'Bài Bùa 8:5 Iomraidhean Croise

1 'Bài Bùa 20:1

Bùa Bên-ha-đat da Aram tagop dŏng dìq dèh lình. I 32 toq bùa 'noiq hadai pajùm ti haq. Wì haq i bàc axêh wa xê axêh. Bùa aih 'ràng lình trùh Sa-ma-ri, dudan ca phôq aih đòiq hi jêh phôq aih.

2 'Bài Bùa 4:12

Ê-li-sê doi ca Ghê-ha-xi mangai patìh haq: “Lam creo mangai Sunem tau beq!” Hapŏng Ê-li-sê lam creo ca mangai cadrì Sunem aih trùh yòng enh ngìa ca Ê-li-sê.

2 'Bài Bùa 4:35

Ê-li-sê loh enh jùang, lam hlài, lam hlài ta hnem aih, khoi èh haq tŏc ta jùang bla-op enh 'nhèq ca con 'yoh mòiq yàng hòm. Con 'yoh cô cachêh tapèh yàng, khoi èh blèch mat.

2 'Bài Bùa 6:12

Mòiq ngai ŏi ta wì haq aih tèu: “Ôi bùa, craq da au, ùh xài nhèn, mahaq Ê-li-sê mangai capoch thai Boc Plình da Is-ra-ên, haq doi ca bùa Is-ra-ên loq bàu ìh ma capoch ta adùq ìh ma cùi.”

2 'Bài Bùa 6:26

Jò aih bùa Is-ra-ên lam ti bôi panàt phôq, èh i mòiq ngai gu cadrì creo dang ca bùa doi: “Bùa ôi! Xìn ìh jùp au dìq.”

2 'Bài Bùa 8:6

Jò bùa bòch mangai cadrì aih ta'mon hlài ca haq, haq ta'mon hlài rìm bìac ca bùa. Khoi ca aih bùa thê mòiq ngai cwan lo ca bìac am hlài da haq hnem wa taneh, xam dahwèq ma broq loh enh taneh aih, enh jò cla haq ma khoi lam ŏi ta gùng Phi-li-tin trùh manàiq.

Êxtê 5:14

Èh Xerech wa dìq dŏng ca bua haq doi: “Gleq ìh ùh thê broq long atua ranŏng ha'nhèq 50 hagat. Hi khoi, xroq èh ìh xìn bùa am hanŏc ranŏng Mac-đô-chê jang aih, hi khoi ìh jah bùi ta manoh lam caq hiniang ti bùa.” Bàu cô dìq jaq lem manoh Haman. Khoi ca aih haq thê wì broq long đòiq atua ranŏng Mac-đô-chê.

'Bŏi Calêu Plình 145:1

Ôi Bùa au Ìh Boc Plình au, au dèch bàu manè pôi Ìh, manè padèch hiniq Ìh trùh hloi hloi ùh hêq.

Bàu Rabiaq 16:9

Manoh mangai tình dèh trong lam da cla; mahaq Chuaq ma 'nong 'bài cadiang da haq.

Bàu Anoi Hnài 9:11

Enh 'neq ca mat mahì au ngan hnoq bìac cô hòm: Ùh xài jò leq mangai cadàu dêh xôq jah adroi. Ùh xài mangai lình dêh padren ta tajêh poh jò leq xôq jah 'blêq. Ùh xài mangai khôn rabiaq jò leq xôq jah panàc. Ùh xài mangai loq 'nì jò leq xôq jah padrŏng can. Ùh xài mangai ragài jò leq xôq jah wì doi lem. Ma jah 'màng aih bìac troq wa jò broq jah loh ca rìm ngai.

Rôma 8:31

'Màng aih èh bèn phai anoi 'màng leq? Tàng Boc Plình ŏi ti bèn, èh ŏi i cabô nui tajraq ca bèn?

Rut 2:3

'Màng aih, Rut lam tiaq atìq ca 'bài mangai gat 'mau, tŏch 'mau ta mòiq phàn đùng tau, mahaq ùh 'nì đùng taneh aih da Bô-ô, aih xinoi da Ê-li-mê-lec.

1 Sa-mu-ên 26:17

Saulò tàng bàu Đawit. Haq bòch: “Ôi Đawit con da au, i joq aih bàu Đawit ùh?” Đawit tèu: “Joq cô bàu au, ôi bùa, craq da au.”