2 'Bài Bùa 7:2 - Sech Hadròih

² Cwan ma yòng hnhu tì đòiq ca bùa angèn, doi ca mangai da Boc Plình: “ 'Nhac ca Chuaq pèh dŏng dìq 'bài 'mŏc ta plình đòiq hi ùc 'noh, èh bìac aih jah i 'mòh?” Mahaq Ê-li-sê tèu: “Bìac aih èh ìh jah hnoq xam mat, mahaq ìh ùh jah caq.”

2 'Bài Bùa 7:2 Iomraidhean Croise

Bìac Baxèm 7:11

Wop hanam 600 'nhòng da Noah, hì 17, khê baiq, ta hì aih raq dìq ca diac mŏng enh 'neq ca taneh padah loh wa dìq ca diac mè enh plình hrôq 'noh tìah ca đàp tapŏt.

2 'Bài Bùa 5:18

Mahaq xìn Chuaq ca'naih tôiq ca hapŏng ìh mòiq bìac, aih jò craq au mùt ta hnem tadreo Rimôn đòiq cùh waiq, craq au loq angèn ca tì au đòiq hacùn cràng, 'màng aih, au hadai ep hacùn cràng ti haq ta hnem tadreo Rimôn. 'Màng aih jò au ma ep hacùn cràng tiaq craq au ta hnem tadreo Rimôn, waiq xìn Chuaq ca'naih tôiq da hapŏng ìh bìac aih.”

2 'Nhòng Bùa 20:20

Xrŏih xroq, wì dìq rìu xrŏih loh lam ta đùng wang wê Tê-cô-a. 'Nang jò wì lam, Jê-hô-sa-phat yòng ta aih, doi: “Ô mangai Juđa wa jàn ta phôq Jê-ru-sa-lem, tamàng au beq, phai canòm ca Chuaq Boc Plình da pì, èh pì jah cajap. Phai lùi 'bài mangai capoch thai Haq, èh pì jah broq gêh wìa lem.

'Bŏi Calêu Plình 78:41

Rai èh rai bàc yàng wì haq xôq enh thù Boc Plình wa taleoq ca Chuaq Hadròih da Is-ra-ên.

Êsai 7:9

Gàu Ep-ra-im, aih Sa-ma-ri, gàu Sa-ma-ri aih con calô Rê-ma-lia. Tàng pì ùh lùi, èh pì ùh jah yòng cajap.’ ”

Jê-rê-mi 29:32

Taiq 'màng aih, Chuaq anoi 'noh doi: Cô, Au jah baxa Sê-mai-a, mangai Nê-hê-lam, wa con xau haq. Hadròng hadrech haq, pi i ca cabô jah ŏi i ta jàn cô; cla haq hadai ùh jah hnoq bìac lem Au padon broq ca jàn Au, taiq haq khoi capoch bìac tajraq hlài ca Chuaq.’ ” Chuaq anoi 'noh 'màng aih.

Ma-la-chi 3:10

'Ràng dìq mòiq phàn mòiq jàt 'mùt ta kho Au beq, đòiq jah i dahwèq ta hnem Au; pàng cô pì khòh yŏc bìac cô đòiq thù Au,” Chuaq ma wèq dìq ca 'bình plình doi, “đòiq ngan Au i pèh 'bài 'mŏc ta plình am ca pì, ùc 'noh xôq ramŏt ca pì trùh 'mòi pi i ca nòi đòiq!

Sôq Jàn 11:13

Au ma i ca jam enh leq ma axong ca wì haq? Ma jah 'màng aih wì hmoi ca au, doi: ‘Am ca nhèn jam caq beq!’

Sôq Jàn 23:19

Boc Plình ma xài con mangai đòiq amòng; Haq ma xài con mangai đòiq tablòq manoh; I jò leq Haq doi, èh ùh broq? Loq hùaq ma ùh tiaq dèh bàu?

Rôma 3:3

Mahaq tàng i 'nah ngai ŏi ta wì haq ùh lùi Boc Plình, aih ahìaq 'ngwan ca bàu hùaq da Boc Plình ùh?

Ranenh Achìh Hlài 3:27

Tŏc ta bôi wang Phichga, ngan pah mat mahì mùt, pah 'ngeo mat mahì loh, pah 'ma mat mahì loh, wa pah mat mahì loh, ìh jah ngan hnoq gùng taneh, mahaq ìh ùh jah cwa cròng diac Jôđan.

2 Ti-mô-thê 2:13

Tàng bèn ùh wèq dèh bàu, Haq xôq wèq dèh bàu, ma jah 'màng aih, Haq ùh jò leq jah hangah ca dađeh.