2 'Bài Bùa 7:13 - Sech Hadròih

¹³ I mòiq ngai hapŏng da bùa doi: “Xìn bùa thê toq 'biaq ngai 'nong padam toq axêh ma ŏi hlài, lam ngan thù. Tàng wì haq jah hlài ta cô, èh wì haq hadai tìah ca jàn Is-ra-ên ma ŏi rìh ta cô, mahaq tàng wì haq cachìt, èh wì haq hadai tìah ca jàn Is-ra-ên ma khoi cachìt.”

2 'Bài Bùa 7:13 Iomraidhean Croise

2 'Bài Bùa 5:13

Mahaq 'bài hapŏng da haq trùh haten ca haq doi: “Craq ôi! Tàng mangai da Boc Plình thê ìh broq bìac xalep, ìh ma ùh broq 'mòh? Ùh dùh dèh 'màng cô, haq toq thê ìh hùm. Lam hùm beq, èh 'bình ìh jah brêh.”

2 'Bài Bùa 6:33

Ê-li-sê capoch bàu aih ca 'bài craq phôq, èh bùa Is-ra-ên hi trùh doi ca haq: “Bìac ramòt cô taiq Chuaq. 'Màng aih hagleq au ma ŏi gòm canòm nòi Chuaq hòm?”

2 'Bài Bùa 7:12

'Ne 'mang, bùa rìu yòng doi dèh ca 'bài hapŏng: “Au doi ca pì đòiq pì loq ca lình Siri padon broq 'màng leq ca bèn. Wì loq ca bèn 'nang pangot, 'màng aih wì haq lùi mot ta rôm. Wì haq hèm gòm 'bài jàn Is-ra-ên loh khoi dèh ca pagia phôq èh bèn rùp wì haq. Èh ta'miaq yŏc phôq wì haq.”

2 'Bài Bùa 7:14

'Màng aih wì haq ràih yŏc baiq toq xê axêh xam axêh, hi khoi bùa thê wì haq hnan tiaq 'bài lình Siri, đòiq ngan thù 'màng leq?

2 'Bài Bùa 7:4

Tàng bèn doi: Beq bèn mùt ta phôq, èh ta phôq 'nang trùh ca bìac pangot hrah, mùt ta aih bèn cachìt, mahaq tàng bèn ha'ngui jang cô èh bèn hadai cachìt. 'Màng aih beq bèn cwa ŏi ta traiq lình Siri 'mùt dađeh ta tì wì. Tàng wì haq am bèn rìh, èh bèn jah rìh, tàng wì haq jêh bèn, 'nhac ca trong leq bèn xôq cachìt.”

Jê-rê-mi 14:18

Tàng au lam ta đùng tamang, tau, wì cachìt ca chang gùm! Tàng au mùt ta phôq tau, wì loh ca hrah taiq pangot! Ma jah 'màng aih taiq wì mangai capoch thai Boc Plình wa wì pajàu da Boc Plình lam rìm nòi đòiq patìh bìac, mahaq joq 'nàng wì ùh 'nì loq cleq.’ ”

Bàu Ha-on 4:9

'Bài mangai ma cachìt ca chang gùm xôq lem yi hnao ca cachìt ca pangot hrah; wì cachìt adia, chac loh 'wai taiq ùh i ca dahwèq caq.