2 'Bài Bùa 25:5 - Sech Hadròih

⁵ 'Bài lình Canđê hnan tiaq bùa, èh trùh rùp haq ta tamang Jê-ri-cô. Hnoq 'màng aih, 'bài lình da bùa cađac bùa, èh cadàu.

2 'Bài Bùa 25:5 Iomraidhean Croise

2 'Bài Bùa 25:4

Jò aih 'bài lình Canđê i broq raliang hlùh panàt phôq. Damang dìq ca lình xam bùa loh enh phôq cadàu mot. Wì haq loh ti adreo baiq toq panàt haten ca wia bùa, 'nhac ca loq 'mòi ca i 'bài lình Canđê 'nang dudan ca phôq. Wì haq xôq cadàu ti trong 'nah ta pah A-ra-ba.

2 'Bài Bùa 25:6

Bùa 'bìq wì haq rùp ahlài ta Riplah, èh haq 'bìq bùa Ba-bi-lôn hadrah.

Êsai 30:16

Pì doi: ‘Ùh, nhèn tha còi axêh cadàu mot!’ Taiq 'màng aih pì jah cadàu mot! ‘Nhèn còi axêh cadàu renh!’ Taiq 'màng aih mangai ma hnan pì hadai cadàu renh!

Jê-rê-mi 21:7

Chuaq doi: Atìq ca aih, Au 'mùt Sê-đê-kia, bùa Juđa, hapŏng wa jàn haq, 'bài mangai ma ŏi xrong hlài ta phôq khoi claih ca bìac can hinìq tôq, chang gùm wa pangot hrah, ta tì Nê-bu-cat-nêt-xa, bùa Ba-bi-lôn, mùt ta tì mangai jêh đac wa 'bài mangai enh jêh đac wì haq. Nê-bu-cat-nêt-xa jêh đac wì haq xam chang gùm, ùh adenh, ùh ra'ngòt, ùh xa-ŏch.’

Jê-rê-mi 24:8

“Chuaq doi 'màng cô: ‘Phàn Sê-đê-kia, bùa Juđa, 'bài cwan haq wa jàn ma ŏi xrong hlài da phôq Jê-ru-sa-lem, aih jàn ŏi ŏi ta taneh cô, wa 'bài mangai ŏi ta taneh Aicàp, tìah ca plì pŏc 'mèq ùh wìa caq taiq om 'màng leq, Au hadai jah broq ca wì haq 'màng aih.

Jê-rê-mi 34:3

Ìh hadai ùh claih ca tì haq; ùh claih ca 'bìq rùp, mùt ta tì haq. Mat ìh jah ngan mat da bùa Ba-bi-lôn; ìh jah capoch tùang ca haq, wa ìh jah trùh Diac Ba-bi-lôn.

Jê-rê-mi 39:5

Mahaq lình da mangai Canđê hnan tiaq wa tem Sê-đê-kia ta dùng tamang Jê-ri-cô; rùp Sê-đê-kia 'ràng ca Nê-bu-cat-nêt-xa, bùa Ba-bi-lôn, ta Riplah, ta gùng Hamat. Ŏi ta aih, bùa 'bìq Nê-bu-cat-nêt-xa hadrah haq.

Jê-rê-mi 52:8

Mahaq lình da mangai Canđê hnan tiaq bùa; jò hnan khoi tem Sê-đê-kia ta đùng tamang Jê-ri-cô, èh lình bùa cadàu dŏng đòiq toq bùa ŏi hlài.

Bàu Ha-on 1:3

Juđa khoi 'bìq rùp 'nong lam khoi dèh ca Diac wì, haq ep chìuq bàc bìac nan xa, manàiq cô haq đang rìh pac lac ta 'bài Diac 'noiq, ùh chaq jah mòiq nòi đòiq padài; 'bài ma padit padiang haq hnan khoi tem haq jò haq khoi tagah lep wa khoi pi i ca trong.

Bàu Ha-on 1:6

Bìac 'ngah lem da Jê-ru-sa-lem khoi hnhung dìq. 'Bài cwan bùa da haq tìah ca jŏi chaq đùng nhat; wì cadàu mot adroi ca mangai hnan mahaq pi i padren.

Ê-xê-chi-ên 12:14

Wì mangai ma ŏi dudan ca haq đòiq jùp đò haq wa 'bài lình, èh Au jah broq ca wì haq pac lac tiaq rìm ngoi cayeo, hi khoi Au jah wê chang gùm đòiq hnan tiaq wì haq.

Ê-xê-chi-ên 17:21

Dìq ca lình ma ragài da haq cachìt xam chang gùm, wa wì ma ŏi rìh hlài lam pac lac rìm gùng; jò aih èh wì haq jah loq Au cô, Chuaq khoi doi bàu cô.

Ê-xê-chi-ên 19:1

“Phàn ìh, ìh phai pa'noh 'bŏi calêu ha-on ca 'bài con bùa Is-ra-ên,