2 'Bài Bùa 25:4 - Sech Hadròih

⁴ Jò aih 'bài lình Canđê i broq raliang hlùh panàt phôq. Damang dìq ca lình xam bùa loh enh phôq cadàu mot. Wì haq loh ti adreo baiq toq panàt haten ca wia bùa, 'nhac ca loq 'mòi ca i 'bài lình Canđê 'nang dudan ca phôq. Wì haq xôq cadàu ti trong 'nah ta pah A-ra-ba.

2 'Bài Bùa 25:4 Iomraidhean Croise

2 'Bài Bùa 25:5

'Bài lình Canđê hnan tiaq bùa, èh trùh rùp haq ta tamang Jê-ri-cô. Hnoq 'màng aih, 'bài lình da bùa cađac bùa, èh cadàu.

2 'Nhòng Bùa 32:5

Bùa 'nac manoh broq hlài 'bài panàt phôq ma khoi raliang, broq hnem gòm rap ha'nhèq ta 'bài panàt phôq; broq tam panàt 'noiq enh pah gùng hòm; bùa hadai broq cajap hlài Milô ta phôq Đawit, broq loh jaoq wa khìan bàc.

Nê-hê-mi 3:15

Salum, con calô da Côn-hô-xe, wèq cwìang gùng Mitba, ha'naoq 'Mang Diac Mŏng; haq broq 'mang ngo, haq po cùa haq, haq 'mùt hla 'mang, long nŏc wa long clòng; haq hadai broq panàt hagan da 'Bau Diac Sêlah haten ca wùan bùa, wa trùh hloi nòi gòng loh enh phôq Đawit.

Êsai 22:11

Chìa 'bau diac ŏi ta'ne baiq toq panàt phôq đòiq 'mùt đòiq diac enh 'bau diac ma dùnh. Mahaq pì ùh canòm ca Haq ma broq loh bìac aih; ùh ha'miang ngan Haq ma khoi pajaq đòiq bìac aih enh calah nèh.

Êsai 22:3

'Bài cwan ma wèq cwìang da ìh dìq adràc dabau cadàu mot; dìq ca pì 'bìq rùp càt ùh ep ca i panenh. Dìq ca pì ma cadàu mot pajùm khoi 'bìq rùp 'nhac ca cadàu mot hangai.

Jê-rê-mi 32:4

Sê-đê-kia, bùa Juđa, joq 'nàng haq 'bìq rùp 'mùt ta tì bùa Ba-bi-lôn, haq jah yòng enh ngìa ca bùa aih đòiq capoch tùang mat ngan mat.

Jê-rê-mi 34:3

Ìh hadai ùh claih ca tì haq; ùh claih ca 'bìq rùp, mùt ta tì haq. Mat ìh jah ngan mat da bùa Ba-bi-lôn; ìh jah capoch tùang ca haq, wa ìh jah trùh Diac Ba-bi-lôn.

Jê-rê-mi 38:18

Mahaq tàng ìh ùh dèch tì ca 'bài cwan da bùa Ba-bi-lôn, èh phôq cô jah mùt ta tì mangai Canđê; wì haq yŏc wa bùh phôq, èh ìh ùh claih khoi ca tì wì haq.”

Jê-rê-mi 4:17

Wì dudan ca Jê-ru-sa-lem, tìah ca mangai gòm 'mau ta jèch, ma jah 'màng aih taiq haq khoi blàq Au;’ ” cô bàu Chuaq doi.

Jê-rê-mi 4:29

Jò tàng atêh lình axêh wa atêh rang panenh, rìm phôq dìq cadàu mot 'nah ngai chiu ta rôm 'nah ngai mùt còp hmu; rìm phôq loh nòi catù, ùh i mangai ŏi.

Jê-rê-mi 44:30

Chuaq anoi 'noh 'màng cô: Cô, Au jah 'mùt Pha-ra-ôn Hôpra, bùa Aicàp, ta tì mangai ta'blêq ca haq wa mangai ma bòch caxènh ramoh haq, troi khoi 'mùt Sê-đê-kia, bùa Juđa, ta tì Nê-bu-cat-nêt-xa, bùa Ba-bi-lôn, aih mangai ma bòch caxènh ramoh Sê-đê-kia.’ ”

Jê-rê-mi 5:10

“Heo tŏc ta pra pì nhò wì haq đòiq raliang đac beq mahaq paq raliang dŏng. Coh đac hamenh haq taiq 'bài hamenh aih ùh xài hamenh da Chuaq.

Bàu Ha-on 1:3

Juđa khoi 'bìq rùp 'nong lam khoi dèh ca Diac wì, haq ep chìuq bàc bìac nan xa, manàiq cô haq đang rìh pac lac ta 'bài Diac 'noiq, ùh chaq jah mòiq nòi đòiq padài; 'bài ma padit padiang haq hnan khoi tem haq jò haq khoi tagah lep wa khoi pi i ca trong.

Bàu Ha-on 1:6

Bìac 'ngah lem da Jê-ru-sa-lem khoi hnhung dìq. 'Bài cwan bùa da haq tìah ca jŏi chaq đùng nhat; wì cadàu mot adroi ca mangai hnan mahaq pi i padren.

Ê-xê-chi-ên 12:12

“Cô èh con bùa da wì haq, hi bac dèh dahwèq ta plêh lam jò clam clôiq. Wì jah pùng trom hlùh panàt. Haq bàng dèh hadrò ma jah 'màng aih, mat haq ùh jah hnoq Taneh Diac cô.

Ê-xê-chi-ên 12:14

Wì mangai ma ŏi dudan ca haq đòiq jùp đò haq wa 'bài lình, èh Au jah broq ca wì haq pac lac tiaq rìm ngoi cayeo, hi khoi Au jah wê chang gùm đòiq hnan tiaq wì haq.

Ê-xê-chi-ên 12:4

Ìh 'noh dahwèq ìh ma padon đòiq lam broq mangai ma 'bìq rùp 'nong lam khoi dèh ca Diac enh ngìa ca wì haq jò dahì. Èh jò chìu, ìh loh lam tìah ca mangai lam 'bìq rùp broq hapŏng enh ngìa ca wì haq.

Ê-xê-chi-ên 33:21

Hanam 12 atìq ca jò nhèn 'bìq rùp broq hapŏng, hì padam khê 10, mòiq ngai mot khoi ca Jê-ru-sa-lem lam trùh doi ca au: “Phôq khoi 'bìq yŏc raliang!”

Lêwi 26:17

Au jah tajraq hlài ca pì, 'màng aih pì 'bìq mangai git ca pì jêh ta'blêq ca pì, èh wì ma git ca pì jah wèq cwìang pì; èh pì jah cadàu mot 'nhac ca ùh i ca mangai hnan tiaq.

Lêwi 26:36

“ ‘Ŏi i mangai leq ta pì jah rìh, jò pì ŏi ta gùng wì mangai ma git ca pì, Au broq ca manoh wì yùq crè, èh atêh hla taclìh xôq broq ca wì haq cadàu mot, ùh crài cleq ca cadàu mot ca chang gùm, 'nhac ùh i ca mangai wê chang gùm hnan tiaq.

Xa-cha-ri 8:19

Chuaq ma wèq dìq ca 'bình plình doi: “ 'Bài hì rôn ca caq ta khê 4, khê 5, khê 7 wa khê 10 aih jah wìa hì lè lem bùi càn caiq, wa 'bài hì pagôq bùi ca hnem Juđa. 'Màng aih pì nhet loq waq ca bàu joq 'nàng wa can catèm oq.”

Ranenh Achìh Hlài 28:25

Chuaq jah broq pì 'bìq mangai ma git ca pì jêh 'blêq pì. Pì jah lam mòiq trong lam jêh wì haq, mahaq pì cadàu mot tapèh trong jang ngìa wì haq, èh pì jah 'bìq tamoi jàn jàp ta crŏng taneh ramòt ca pì.

Ranenh Achìh Hlài 32:30

Broq 'màng leq mòiq ngai ma nui hnan đac 1.000 ngai, baiq ngai hnan 10.000 ngai cadàu mot tàng Chuaq Haq Hmu Talach ùh tech wì haq, wa Chuaq khoi hnhu wì aih ta tì jàn Is-ra-ên.