2 'Bài Bùa 21:6 - Sech Hadròih

⁶ Ma-na-se bùh rìh dèh con ta ùnh, dèch am ca can kiac, lam ta pajàu anoi ca can kiac wa tamàng bàu pajàu ngan plình anoi 'noh bìac adroi. Haq canòm ca mangai creo ca mahua mangai cachìt wa mangai anoi ca yiang dù. Haq broq bìac dìq jaq ngang dù enh ngìa ca Chuaq, broq ca Chuaq nòih.

2 'Bài Bùa 21:6 Iomraidhean Croise

Bìac Baxèm 13:13

Mahaq jàn Sôđôm ngang dù dìq ca jaq; mangai broq tôiq lôi càn ca Chuaq.

2 'Bài Bùa 16:3

Mahaq haq lam tiaq trong da 'bài bùa Is-ra-ên. Yi hnao ca aih hòm, haq dèch am dèh con calô broq ngè tadreo bùh tiaq dua 'mèq ramòt da jàn ma Chuaq khoi hnan 'noh đac enh jàn Is-ra-ên.

2 'Bài Bùa 17:17

Wì haq bùh rìh dèh con calô con cadrì dađeh ta ùnh. Wì haq lùi tiaq 'bài pajàu kiac dù wa pajàu ngan tì. Wì tech dađeh đòiq broq bìac ngang dù enh ngìa ca Chuaq, wa taleoq ca Haq.

2 'Bài Bùa 23:24

Jôsia hadai jêh đac dìq dŏng 'bài mangai creo ca mahua mangai cachìt, mangai anoi ca yiang dù, 'bài dua 'mù da hnem, wa rìm ngè 'mèq ramòt haq khoi hnoq ta gùng Juđa wa Jê-ru-sa-lem. Bùa Jôsia broq 'màng aih troq tiaq bàu ma khoi achìh ta sech ranenh pajàu Hinkia ma khoi chaq hnoq ta hnem cùh waiq da Boc Plình.

1 'Nhòng Bùa 10:13

Saulò cachìt taiq ùh wèq dèh bàu enh ngìa ca Boc Plình. Haq ùh wèq bàu hnài da Chuaq, mahaq creo bòch canòm ca mangai creo atŏc mahua mangai cachìt.

2 'Nhòng Bùa 28:3

haq hadai bùh jreo xua thùm ta thòng Hinôm, wa bùh dèh con ta ùnh, aih bìac ramòt da 'bài tamoi ma Boc Plình khoi hnan đac jang ngìa jàn Is-ra-ên.

2 'Nhòng Bùa 33:6

Haq dèch am dèh con ta ùnh broq ngè tadreo bùh ta thòng Hinôm; waiq pajàu anoi ca can kiac, wa pajàu ngan plình anoi 'noh bìac adroi, tiaq pajàu 'nùt loq creo can kiac, mangai creo ca mahua mangai cachìt, wa mangai anoi ca yiang dù; haq broq trong dù hrìn hran jang ngìa Chuaq, broq Chuaq dìq jaq nòih.

Êsai 19:3

Mangai Aicàp loh hŏnh manoh, Au raliang đac trong tình da wì haq. Wì loh ca creo bòch dua 'mù wa 'bài pajàu creo ca mahua mangai cachìt, wa 'bài pajàu can kiac.

Êsai 66:4

Au hadai ràih bìac baxa ca wì haq, 'ràng trùh ca wì haq bìac crè. Taiq Au khoi creo, mahaq ùh i ca cabô tèu hlài; Au capoch, mahaq ùh i ca cabô tamàng; wì haq khoi broq bìac dù ŏi jang ngìa Au wa ràih bìac ùh lem manoh Au.”

Êsai 8:19

Jò i cabô doi ca pì: “Phai bòch pajàu creo ca mahua mangai cachìt, wa pajàu ngan tì beq!” Aih wì ma bahech wa mamùc mamac. Mahaq au doi ca pì khòh bòch dèh Boc Plình pì 'mòh? Gleq ma bòch mangai cachìt am ca mangai rìh?

Jê-rê-mi 19:4

Ma jah 'màng aih, wì haq, boc yaq wì haq wa dìq ca bùa Juđa khoi cađac Au, broq ca nòi cô loh ca wang wê, dèch am ngè tadreo ca 'bài can kiac mahaq cla wì ùh loq, broq ca nòi cô bình halùih ca mahem mangai ùh broq tôiq.

Jê-rê-mi 19:5

Wì haq xôq broq hòm hnem đòiq tadreo ca kiac dù Ba-an, bùh dèh con calô ta ùnh đòiq dèch am broq ngè tadreo ca kiac dù Ba-an, aih bìac Au ùh hnài thê, hadai ùh lah hèm trùh.

Ê-xê-chi-ên 23:39

Atìq ca jò khoi jêh đac dèh con caiq dèch am ca dua 'mù, ta hì aih wì haq mùt ta nòi cùh waiq hadròih Au hi broq amùa! Aih bìac wì haq khoi broq ta hnem Au!

Lêwi 18:21

“ ‘Apaq rùp dèh con caiq broq ngè tadreo am ca kiac Moloc. Apaq broq 'mèq ca hiniq Boc Plình ìh, Au Chuaq Boc Plình da pì.

Lêwi 19:26

“ ‘Pì apaq caq ngè leq ma ŏi i mahem. “ ‘Apaq bòch mangai ngan hada tì, hadai ùh jah tah jo bòch ngan kiac dù.

Lêwi 19:31

“ ‘Pì apaq lam bòch mangai ma creo ca mahua mangai cachìt, loq mangai anoi ca yiang dù, ùh jah bòch wì haq, èh yùq taiq wì haq èh pì 'bìq amùa. Au Chuaq Boc Plình da pì.

Mica 6:7

Chuaq lem manoh đòiq nhàn yŏc bình ngŏng toq trìu calô, loq bình ngŏng diac cròng xam dàu 'mòh? Au khòh dèch am con ramua au taiq bìac au broq tôiq, wa plì da chac hamac au taiq tôiq lôi mahua yiang au 'mòh?

Bìac Yiang Hadròih 16:16

Hì ma 'noiq nhèn lam nòi waiq khàn glàm mòiq ngai gu cadrì hapŏng i can kiac ŏi ta haq mahno ca haq loq bìac adroi wa loq bìac loh nhò ngan tì. 'Màng aih haq broq ca wì craq haq jah bàc 'bac.

Ranenh Achìh Hlài 32:16

Wì broq ca Haq tagrình xam bìac wì cùh waiq 'bài can kiac, taiq bìac ramòt aih, wì broq ca Haq loh nòih.

Ranenh Achìh Hlài 32:21

Wì haq broq Au tagrình ca yiang mahaq ùh xài Boc Plình; wì haq broq ca Au nòih taiq wì cùh waiq dua 'mù. Au hadai yŏc mòiq toq tamoi ùh nèn đòiq wì haq tagrình, yŏc mòiq jàn ma blùng leoq đòiq wì haq nòih.