2 'Bài Bùa 20:13 - Sech Hadròih

¹³ Ê-xê-chia đìh yŏc wì haq, èh 'ràng wì lam ngan adùq đòiq ngè canaq ma đòiq wang, dahwèq xua thùm 'bac, dàu canaq, ranac tajêh wa rìm ngè bìac ma 'noiq hòm ta adùq ngè canaq. Ùh ngè leq da taneh Diac loq da cla ma bùa Ê-xê-chia ùh am wì ngan.

2 'Bài Bùa 20:13 Iomraidhean Croise

1 'Bài Bùa 10:10

Khoi èh, bùa cadrì aih am ca bùa 4.472 kìq wang, hmu canaq 'bac wa bàc dìq jaq dahwèq xua thùm. 'Nhòq i mangai leq ma am ca bùa Sa-lô-môn 'bài jreo xua thùm bàc troi bùa cadrì Sêba.

1 'Bài Bùa 10:15

Aih 'nhòq i tình wang haq ma padro baxen ca 'bài Diac Aràp wa cwan ŏi ta Diac cla 'ràng hlài.

1 'Bài Bùa 10:2

Haq trùh Jê-ru-sa-lem dèh ti 'bài mangai ma patìh lam tiaq haq cràm; i 'bài lŏcđa 'ràng bàc dahwèq; ta aih i dahwèq xua thùm, bàc wang wa hmu canaq 'bac. Jò glàm Sa-lô-môn, haq anoi ca Sa-lô-môn tàng bìac haq ma khoi hèm dèh ta manoh.

1 'Bài Bùa 10:25

Ma leq trùh hadai 'ràng tabàih, 'bài ngè xam 'bac, wang, cwàn eo, ranac tajêh, dahwèq xua thùm, axêh, axêh la, 'màng aih enh hanam cô trùh hanam tau.

2 'Bài Bùa 20:14

Atìq ca aih, Êsai mangai capoch thai Boc Plình, trùh bòch Ê-xê-chia: “ 'Bài mangai aih doi cleq? Wì haq trùh enh leq?” Ê-xê-chia tèu: “Wì haq trùh enh Ba-bi-lôn, Diac dìq jaq hangai.”

2 'Bài Bùa 20:15

Êsai bòch hòm: “Ìh khoi ti 'nong wì haq ngan cleq ta hnem bùa cô?” Ê-xê-chia tèu: “Wì haq khoi hnoq dìq dŏng 'bài ngè ta hnem bùa, ùh i ca ngè cleq wì haq ma ùh hnoq ŏi ta adùq đòiq ngè canaq da hnem au.”

'Bŏi Calêu Plình 62:11

Boc Plình i doi bìac cô mòiq yàng mahaq au tàng baiq yàng Haq doi: “Cwìang itai aih toq da Boc Plình raq hêq.

Bàu Rabiaq 23:5

Jò ìh bu cachìac mat ngan bìac can padrŏng, haq pi i hòm; haq khoi hon panan, wa pan tŏc ta plình 'màng ca cliang.

Bàu Anoi Hnài 7:20

Joq 'nàng ùh i mòiq ngai ta-atoq leq ŏi crŏng taneh cô hloi hloi broq bìac lem, ùh broq tôiq.

Êsai 39:2

Bùa Ê-xê-chia lem bùi ca 'bài mangai 'ràng bàu, haq am lam ngan dèh ta hnem bùa, nòi đòiq ngè canaq, wang 'bac, dahwèq xua thùm, hnem đòiq ranac tajêh, wa rìm 'bài dahwèq ta kho. Dìq dŏng ca ngè ta hnem bùa wa ta taneh Diac bùa, ùh i ngè leq ma bùa Ê-xê-chia ùh am ca 'bài mangai 'ràng bàu ngan hnoq.

Jê-rê-mi 9:22

Ìh doi beq: “Chuaq doi 'màng cô: “ ‘Hanang mangai cachìt tìah ca ìch ùc ta tamang, tìah ca hadròc 'mau ti cloh mangai gat, ùh i mangai tŏch.’ ”