2 'Bài Bùa 2:9 - Sech Hadròih

⁹ Jò wa haq cwa hi trùh pah tau, Êli doi ca Ê-li-sê: “Ìh phai am ca au loq, ìh enh au broq cleq ca ìh adroi ca au jah atŏc lam khoi ca ìh.” Ê-li-sê tèu: “Au enh yiang da ìh ŏi ti au yi hnao baiq phàn.”

2 'Bài Bùa 2:9 Iomraidhean Croise

1 'Bài Bùa 19:16

Ìh hadai xùt dàu ca Jêhu, con calô da Nimsi, broq bùa ca Is-ra-ên, khoi èh ìh hadai xùt dàu ca Ê-li-sê, con calô da Saphat, ŏi Abên Mê-hô-la, đòiq broq mangai capoch thai Boc Plình, thai ìh.

1 'Bài Bùa 3:9

'Màng aih xìn Ìh am ca hapŏng 'yoh Ìh cô i manoh cliac khôn rabiaq đòiq wèq cwìang jàn Ìh, khoi èh đòiq jah hadro bìac lem bìac 'mèq, bìac troq bìac ùh, ma jah 'màng aih i ca mangai leq canòm dèh ca bìac khôn rabiaq cla nui wèq cwìang mòiq calùh jàn cràm da Ìh 'màng cô?”

'Bŏi Calêu Plình 72:1

Waiq Boc Plình ôi! Xìn am ca bùa bìac lem jang da Ìh, wa am ca con bùa jah lam tiaq trong ta-atoq da Ìh.

'Bŏi Calêu Plình 72:20

Cô bàu waiq khàn da Đawit, con calô Jêsê khoi dìq.

Xa-cha-ri 12:8

Ta hì aih, Chuaq jah wèq ban jàn Jê-ru-sa-lem, wa ta hì aih mangai ma ìuq dŏng ta wì haq jah tìah ca Đawit, hnem Đawit jah tìah ca Boc Plình, wa tìah ca 'bình plình Chuaq lam adroi ca wì haq.

Xa-cha-ri 9:12

Ô 'bài mangai 'bìq clêh, mahaq ŏi i nòi ngèh gòm, pì wìh hlài nòi đôn hanình beq; hì cô raq, Au doi Au am hlài da pì xôq ramŏt baiq phàn yi hnao ca bìac nan xa.

Sôq Jàn 11:17

Hi khoi Au mahno loh capoch tùang nòi aih ca ìh. Au jah yŏc Yiang Au ma ŏi enh 'nhèq ca ìh, èh đòiq Haq enh 'nhèq ca wì haq; èh wì haq wiang genh trap bìac jàn pajùm ca ìh. 'Màng aih, ìh ùh hìaq genh trap mòiq ngai.

Sôq Jàn 11:25

Chuaq mahno loh ta yùc doi ca Môise. Hi khoi Haq am Yiang ca 70 ngai gu craq tìah ca Yiang ŏi ti Môise. Jò Yiang ŏi ti 70 ngai gu craq aih, wì haq loq capoch bàu thai ca Boc Plình. Mahaq bìac cô ùh loh 'màng aih yàng leq hòm.

Bàu Lem tiaq Jon Achìh Bìac Chuaq Jêxu Broq Wa Hnài 16:7

Mahaq Au doi ca pì bìac joq 'nàng, Au loh lam, aih i lòiq ca pì, ma jah 'màng aih, tàng Au ùh lam khoi ca pì, Yiang Jùp Đò ùh jah trùh ta pì. Mahaq tàng Au lam, Au jah thê Haq trùh ta pì.

Bìac Yiang Hadròih 1:8

Mahaq jò leq Yiang Hadròih loh ŏi ta pì, pì jah bình halùih cwìang itai, èh pì jah anoi hlài bìac Au ta phôq Jê-ru-sa-lem, jàp gùng Juđia, gùng Sa-ma-ri, wa dìq dŏng ta crŏng taneh.”

Bìac Yiang Hadròih 8:17

Khoi èh, Pêtrô wa Jon đòiq tì ti wì, èh rìm ngai ta wì jah nhàn yŏc Yiang Hadròih.

1 Cô-rinh-tô 12:31

Pì phai loq ngèh enh bìac hnhu am ma yi nhet. Manàiq au patô ca pì mòiq toq trong ma yi lem.

Ranenh Achìh Hlài 21:17

Mahaq mangai aih phai nhàn con calô da mai haq ma ùh loq waq broq con calô ramua axong baiq phàn da haq, ma jah 'màng aih haq padren dêh baxèm da mangai baq, cwìang con ramua jah haq.

Ranenh Achìh Hlài 34:9

Jôsuê, con calô da Nun, jah bình halùih yiang khôn rabiaq, ma jah 'màng aih Môise khoi bèq tì ti chac haq, èh jàn Is-ra-ên iu bàu haq wa broq tiaq bìac Chuaq khoi thê Môise.

1 Ti-mô-thê 5:17

'Bài craq broq gàu leq rabiaq ca wèq cwìang, èh bèn phai loq iu wì haq bàc phàn, yi hnao hòm wì ma loq panim anoi hnài bàu Chuaq.