2 'Bài Bùa 2:4 - Sech Hadròih

⁴ Êli doi hòm ca Ê-li-sê: “Ê-li-sê, ìh phai ŏi ta cô oq, ma jah 'màng aih Chuaq thê au trùh ta Jê-ri-cô.” Mahaq Ê-li-sê tèu: “Au patô Chuaq ma rìh hloi au pachac, jò ìh ŏi rìh, au ùh jò leq talah ca ìh.” 'Màng aih wa haq hi lam trùh Jê-ri-cô.

2 'Bài Bùa 2:4 Iomraidhean Croise

1 'Bài Bùa 16:34

Ta 'nhòng da Ahap, i Hi-ên ŏi ta Bêtên, broq hlài phôq Jê-ri-cô, jò mangai baxèm broq tanam, èh A-bi-ram, con calô ramua da haq cachìt. Jò haq dèch ngo phôq, èh Sêgup con ùc haq cachìt, troq troi bàu Chuaq ma khoi canòm ca Jôsuê, con da Nun doi adroi.

2 'Bài Bùa 2:2

Êli doi ca Ê-li-sê: “Ìh ŏi ta cô beq! Ma jah 'màng aih Chuaq thê au trùh ta Bêtên.” Mahaq Ê-li-sê tèu: “Au patô Chuaq ma rìh hloi au pachac, jò ìh ŏi rìh, au ùh jò leq talah ca ìh.” 'Màng aih, wa haq loh lam ta Bêtên.

2 'Bài Bùa 4:30

Mahaq mangai miq con 'yoh cô doi: “Au patô Chuaq, Yiang ma rìh yôt, wa patô ìh mangai ma 'nang rìh cô đòiq pachac, au ùh loh khoi enh ìh ta nòi cô, tàng ìh ùh lam jùp đò au.” 'Màng aih Ê-li-sê yòng tiaq mangai cadrì Sunem cô.

Luca 19:1

Chuaq Jêxu lam pagat trong phôq Jê-ri-cô.

Bìac Yiang Hadròih 11:23

Jò haq trùh, haq hnoq wì khoi i bìac am dech da Boc Plình. Haq bùi lem, pariaq wì khòh dìq ca manoh lùi wa ŏi cajap tiaq Chuaq.

Bìac Yiang Hadròih 2:42

Wì tagop pajùm, xam manoh panim tamàng bàu hnài da wì sùq đô, caq 'benh hadròih hmàng hlài bìac cachìt da Chuaq Jêxu wa waiq khàn pajùm.

Jôsuê 6:1

Manàiq phôq Jê-ri-cô clenh dŏng 'mang, ma jah 'màng aih taiq jàn Is-ra-ên trùh. Ùh i mangai leq jah mùt loh hòm.

Jôsuê 6:26

Jò aih Jôsuê pachac: “Tàng i mangai leq broq hlài phôq Jê-ri-cô, èh 'bìq waiq hanip enh ngìa ca Chuaq. “Jò wì broq hlài xàn, con calô ramua da haq cachìt, jò broq 'bài mang ngo phôq, con ùch haq pat hihèm.”

Rut 1:16

Mahaq Rut tèu: “Xìn apaq thê au talah ca yaq, ma jah 'màng aih yaq lam ta leq au lam dìq ta aih, yaq ŏi ta nòi leq, au ŏi dìq ta nòi aih, jàn da yaq aih jàn da au, Boc Plình da yaq aih Boc Plình da au.

1 Sa-mu-ên 1:26

Hana doi ca haq: “Ôi boc! Calah nèh au cô joq 'nàng mangai gu cadrì yòng haten jang ìh, waiq dang Chuaq.