2 'Bài Bùa 19:35 - Sech Hadròih

³⁵ Wop mang aih, 'bình plình da Boc Plình loh jêh cachìt 185.000 ngai lình ta A-si-ri ta traiq cla wì haq. Trùh daxroq wì hnoq toq hanang mangai cachìt.

2 'Bài Bùa 19:35 Iomraidhean Croise

2 Sa-mu-ên 24:16

'Bình plình hnhu tì ta phôq Jê-ru-sa-lem đòiq jêh đac; mahaq Chuaq rachàuq dèh manoh ca bìac aih. Haq doi ca 'bình plình: “Hêq! Manàiq dùi hlài tì ìh beq.” Jò aih 'bình plình ŏi haten ca xàn len 'mau da A-rau-na mangai Jê-bu-xit.

2 'Bài Bùa 19:7

Èh cla Au đòiq mòiq yiang ŏi ta haq đòiq haq hìa tàng bàu thê haq hlài dèh gùng. Èh Au jah broq ca haq cachìt xam chang gùm dèh ta gùng cla.’ ”

1 'Nhòng Bùa 21:12

Mòiq, i piq hanam pangot hrah; baiq, piq khê 'bìq lình wì jêh 'blêq; piq, i chang gùm da Chuaq jah baxa ta piq hì, aih i bình ranàc ca taneh Diac; èh 'bình plình jah raliang jàp ca Diac Is-ra-ên. Doi ca au loq beq, ìh ràih ma leq đòiq au anoi hlài ca Haq khoi thê au.”

1 'Nhòng Bùa 21:16

Jò aih bùa Đawit ngoi ngan hnoq 'bình plình da Boc Plình 'nang yòng ta'ne plình wa taneh, tì haq cadop chang gùm, ngìa 'nah ta Jê-ru-sa-lem. Bùa Đawit wa 'bài craq phôq 'nang caxùnh bai briang cùp mat trùh taneh.

2 'Nhòng Bùa 20:24

Jò jàn Juđa lam trùh jang hnem gòm rap nòi đùng wang wê, ngan pah calùh lình bàc, hnoq 'bài hanang mangai cachìt cro ta taneh, ùh i ca mòiq ngai leq jah claih.

'Bŏi Calêu Plình 76:10

Joq 'nàng 'màng aih, can nòih da con mangai xôq jah am ca Ìh 'ngah 'ngai; rah can nòih aih Chuaq jah padràng đòiq.

'Bŏi Calêu Plình 90:10

'Nhòng rìh nhèn loq jah 70 hanam, tàng halình 80 hanam, mahaq toq bìac xalep wa mango, ma jah 'màng aih 'nhòng rìh da con mangai ùh toq leq, khoi èh jah hnhung đac.

'Bŏi Calêu Plình 91:6

loq can ramòt ti chaq broq 'mèq damang, loq bìac ramòt broq raliang đac dahì.

Loh Enh Aicàp 12:23

Chuaq jah lam cwa đòiq jêh đac mangai Aicàp. Jò Haq hnoq mahem nòi radua 'mang, Haq lam cwa, ùh thê haq ma jêh đac mùt hnem pì đòiq jêh đac.

Loh Enh Aicàp 9:15

Tàng Au enh, Au khoi jah 'noh 'bình ranàc đòiq jêh dìq ca jàn ìh khoi ca crŏng taneh cô.

Loh Enh Aicàp 9:16

Mahaq Au đòiq ìh ŏi rìh, aih đòiq ìh jah hnoq cwìang itai da Au, đòiq hiniq Au jah anoi 'noh jàp ca phù cròng.

Êsai 10:33

Cô Chuaq, Boc Plình ma wèq dìq ca 'bình plình, yŏc cwìang itai coh 'bài hamenh long taclìh broq atêh càn; 'bài long càn dìq jah tacro; 'bài mangai i 'bang tìang jah 'bìq paha'neq.

Êsai 17:14

Bu xèq khoi i bìac crè yùq; adroi ca daxroq wì loh ca hnhung. Aih phàn da mangai ma tablah bèn wa mangai ma atùng bèn.

Êsai 37:36

Jò aih, mòiq ngai 'bình plình da Chuaq mùt ta traiq lình A-si-ri, jêh cachìt 185.000 ngai. xrŏih xroq, wì rìu enh cùi, hnoq toq 'bài hanang.

Đa-ni-ên 5:30

Mang aih raq, Bên-sat-xa, bùa Canđê 'bìq jêh đac.

Ôsê 1:7

Mahaq Au xa-ŏch ca hnem Juđa; jah dŏih claih wì haq, ma jah 'màng aih Au cô Chuaq Boc Plình da wì haq đòiq dŏih claih wì haq; Au ùh nhet ca i panenh, chang, axêh lình còi axêh loq bìac tajêh poh leq.”

Bìac Yiang Hadròih 12:23

Tajòi 'mòi jò aih, i mòiq ngai 'bình plình jêh bùa Hêrôt, taiq haq ùh broq ca Boc Plình jah 'ngah 'ngiang. I ramàng pùng cliac haq, èh haq cachìt.