2 'Bài Bùa 18:27 - Sech Hadròih

²⁷ Mahaq Rap-sa-kê tèu wì haq: “ 'Màng aih ma xài craq au thê au trùh ta cô capoch toq ca craq pì wa ca pì, mahaq ùh capoch waq ca 'bài mangai ma ha'ngui ŏi ta panàt phôq jah tàng 'mòh? Ma jah 'màng aih wì haq xôq hadai pajùm ti pì caq dèh ìch wa ôq dèh diac nom.”

2 'Bài Bùa 18:27 Iomraidhean Croise

2 'Bài Bùa 18:17

Mahaq bùa A-si-ri xôq thê hòm piq ngai cwan càn ma wèq lình, aih Tatan Rap-sa-ri wa Rap-sa-kê, 'nong mòiq lù lình dêh bàc, enh Laki lam ta Jê-ru-sa-lem đòiq hi glàm bùa Ê-xê-chia. Trùh Jê-ru-sa-lem, wì haq yòng jang gàu mùang ma 'nong diac 'ràng ta 'bau ma 'nhèq, aih trong ma 'ràng diac lam ta đùng taneh da wì ma rùh bai broq taboc.

2 'Bài Bùa 18:26

Jò aih Ê-li-a-kim con calô Hinkia, Sepnah wa Jôa doi ca Rap-sa-kê: “Xìn ìh capoch ca nhèn xam bàu Siri, ma jah 'màng aih nhèn loq tàng bàu cô. Apaq capoch bàu Juđa, èh yùq 'bài jàn ma ŏi ta phôq loq tàng.”

2 'Bài Bùa 18:28

Capoch bàu aih hi gêh, Rap-sa-kê yòng capoch dêh xam bàu Juđa haq doi: “Halang don tamàng craq da au, bùa A-si-ri, doi 'màng cô:

2 'Bài Bùa 6:25

Taiq phôq aih 'bìq lình dudan khoi dùnh hì, ma jah ta phôq i bìac pangot hrah càn, trùh 'mòi mòiq toq gàu lùa tech jah 80 capiac 'bac, èh mòiq doi chrŏng ìch da chìm trù hnem tech jah padam capiac 'bac.

'Bŏi Calêu Plình 73:8

Wì haq jù lê, capoch bàu dù xam bìac baxa padip; wì catèh dađeh wa hacam ca mangai 'noiq.

Êsai 36:12

Mahaq Rap-sa-kê tèu: “Craq au thê au anoi bàu aih ùh xài toq ca craq ìh wa ca ìh, wa hadai ùh xài ca mangai ma ŏi ta panàt, aih mangai padon caq dèh ìch, ôq dèh diac nom 'mòh?”

Bàu Ha-on 4:4

Rapet 'bài con 'yoh hatop dèh ca hŏng taiq ùh i ca tôh ùq, wì 'yoh bòch dahwèq caq mahaq ùh i ca mangai leq am.

Bàu Ha-on 4:5

'Bài mangai caq dahwèq caq dìq jaq jìang adroi nèh, jò cô khoi hrah cùp gàu ti trong, 'bài mangai rahù adroi nèh caxùnh eo cwàn lem, manàiq cô ti chaq dahwèq caq ta nòi aròm arô.

Ê-xê-chi-ên 4:13

Chuaq doi: “Jàn Is-ra-ên hadai caq 'benh amùa 'màng aih ta 'bài Diac ma Au hnan wì haq lam ŏi.”

Ê-xê-chi-ên 4:15

Chuaq doi ca au: “ 'Màng aih Au am ìh yŏc ìch 'bo thai ca ìch mangai đòiq bùh 'benh.”