2 'Bài Bùa 18:21 - Sech Hadròih

²¹ Ìh angèn ca Aicàp 'mòh? Aicàp aih tìah ca long drê tagoh. Cabô angèn ca haq, èh haq pàc hlùh capiang tì. Ùh kè ca mangai leq canòm ca Pha-ra-ôn, bùa Aicàp hadai dìq hlùh tì.

2 'Bài Bùa 18:21 Iomraidhean Croise

2 'Bài Bùa 17:4

Mahaq bùa A-si-ri hnoq bùa Hôsê i manoh enh blòq, ma jah 'màng aih bùa Hôsê khoi thê mangai wê bàu trùh xìn bùa Sô da Aicàp wiang jùp đò. Bùa Hôsê hadai pi am 'bac thèq ca hnem bùa A-si-ri troi rìm hanam hòm, taiq 'màng aih bùa da A-si-ri trùh rùp bùa Hôsê, èh clêh haq ta hnem tù.

Êsai 1:1

Cô bìac mahno Êsai con Amôt hnoq, patô bìac da Juđa wa phôq Jê-ru-sa-lem. Haq hnoq bìac cô jò 'nhòng Ôxia, Jôtham, Acha, wa Ê-xê-chia, 'bài bùa da Juđa.

Êsai 20:5

Jò aih cabô ma ngan Ê-thi-ô-bi, aih nòi ngèh gòm, wa ngan Aicàp aih nòi catèh, wì jah crè wa camaih.

Êsai 30:1

Chuaq doi: “Nan xa ca con caiq loq blàq, hatình mahaq ùh hatình tiaq manoh Au. Wì broq wêh jao hatroq ca dabau mahaq ùh tiaq Yiang Au, taiq 'màng aih tôiq tŏc tam tôiq.

Êsai 30:7

Bìac jùp đò da Aicàp hadai ùh i ca lòiq cleq wa 'ngwan. Taiq 'màng aih Au hiniq ca haq Rahap, aih khoi 'bìq xùt đac.

Êsai 36:6

Cô, ìh canòm ca Aicàp, ìh yŏc long cabŏng aih broq long dùi, long ma cabô canòm ca haq, èh haq pàc hlùh tì. Pha-ra-ôn, bùa Aicàp hadai broq 'màng aih ca mangai leq ma canòm ca haq.

Jê-rê-mi 46:17

Ta aih, wì haq cachech, doi: ‘Pha-ra-ôn, bùa Aicàp toq broq atêh bàu. Haq ùh broq cleq jò khòh broq.’ ”

Jê-rê-mi 46:2

Anoi trùh Aicàp: Anoi bìac lình da bùa Aicàp, Pha-ra-ôn Nêcô, manàiq ŏi haten jang diac cròng U-phra-tê, ta Cat-kê-mit; aih calùh lình khoi 'bìq Nê-bu-cat-nêt-xa, bùa Ba-bi-lôn ta'blêq ta hanam ma pôn 'nhòng bùa Jê-hô-a-kim, con calô Jôsia, bùa da Juđa:

Ôsê 1:1

I bàu Chuaq doi ca Ôsê, con Bê-ê-ri, ta 'nhòng da bùa Ôxia, Jôtham, Acha, Ê-xê-chia da Juđa, wa bùa Jê-rô-bô-am, con Jôach, da Is-ra-ên.