2 'Bài Bùa 17:6 - Sech Hadròih

⁶ Hanam ma hachìn 'nhòng da bùa Hôsê, bùa A-si-ri jêh blah yŏc phôq Sa-ma-ri, èh rùp jàn Is-ra-ên 'nong lam khoi dèh ca Diac 'ràng hlài A-si-ri. Haq am wì haq ŏi ta Chala wa Chabo kenh cròng diac ŏi ta gùng Gôsen wa ta 'bài phôq da gùng Mêđi.

2 'Bài Bùa 17:6 Iomraidhean Croise

Bìac Baxèm 10:2

Con calô da Japhêt, aih: Gôme, Magot, Mađai, Jawan, Tuban, Mêsiac wa Tira.

1 'Bài Bùa 8:46

“Jò wì haq broq tôiq ca Ìh, ma jah 'màng aih ùh i ca mangai leq ma ùh lah broq tôiq, èh Ìh nòih ca wì haq, am ca wì haq ca mangai ma tagit ca wì haq, èh mangai ma tagit ca wì haq rùp wì haq broq hapŏng dèh ta taneh Diac 'noiq, hangai loq haten;

2 'Bài Bùa 15:29

Ta 'bài hanam da Pêca ma broq bùa Is-ra-ên, Ticlat Phi-lê-se broq bùa A-si-ri trùh blah yŏc Ijôn, Abên-bêt-ma-ca, Ja-nô-a, Cađê, Hatso, Ga-la-at wa Ga-li-lê, xam dìq ca taneh gùng Nep-ta-li. Bùa rùp 'bài jàn ma ŏi ta nòi aih, 'ràng wì haq trùh A-si-ri.

2 'Bài Bùa 17:23

trùh jò Chuaq hnan đac wì haq lam khoi enh ngìa ca Haq, troi Haq khoi doi adroi nhò 'bài mangai capoch thai Boc Plình, aih 'bài hapŏng Haq. 'Màng aih mangai Is-ra-ên 'bìq mangai 'bìq rùp 'nong lam khoi dèh ca Diac cla, lam ta A-si-ri trùh manàiq.

2 'Bài Bùa 18:34

'Bài can kiac da jàn Hamat wa jàn Atbat ŏi ta leq? 'Bài can kiac da jàn Sê-phat-wa-im, jàn Hêna wa jàn Iwa ŏi ta leq? 'Bài kiac aih i dèch jàn Sa-ma-ri claih enh tì au ùh?

2 'Bài Bùa 19:12

'Bài can kiac da jàn boc yaq, au ma khoi jêh đac, aih jàn Gôsen, Haran, Rêxep wa jàn Êđen ŏi Tê-la-sa hnoq i dèch wì haq jah claih ùh?

2 'Bài Bùa 21:13

Au yŏc caxi ma wêh Sa-ma-ri, hadrah ca Jê-ru-sa-lem. Au yŏc caxi wêh pa'nàng hnem Ahap, èh xùt đac Jê-ru-sa-lem hreo tìah ca mangai ma xùt croh doi, xùt hi khoi hacùp.

1 'Nhòng Bùa 5:22

I bàc ngai cachìt ta bìac tajêh poh cô, ma jah 'màng aih bìac tajêh poh cô i enh Boc Plình. Wì ŏi ta gùng aih trùh jò 'bìq rùp 'nong lam khoi dèh ca Diac.

1 'Nhòng Bùa 5:26

Taiq 'màng aih Boc Plình da Is-ra-ên broq ca bùa A-si-ri hiniq haq Pun, hadai jah creo Ticlat Phi-lê-se trùh, rùp mangai Rubên, Gat wa mòiq ha'ne da hadròng hadrech mangai Ma-na-se, 'nong lam khoi dèh ca Diac ta Chala, Chabo, Hara wa pah diac Gôsen. Wì ŏi ta aih trùh manàiq.

Êxra 6:2

Ta đôn Ec-ba-tan tình Mêđi, wì chaq jah mòiq xom jàiq. Ta jàiq aih i achìh 'màng cô:

Nê-hê-mi 9:32

“ 'Màng aih manàiq cô, ôi Boc Plình da nhèn! Ìh Boc Plình càn, itai dìq jaq wa đang ca crè. Ìh wèq hloi wêh jao wa can xa-ŏch xam manoh loq waq. Xìn apaq ngan 'yoh dìq ca bìac nan xa khoi ùc ca nhèn, ca 'bài bùa wa cwan nhèn, ca 'bài pajàu, wa 'bài mangai capoch thai Boc Plình nhèn, ca boc yaq nhèn, wa dìq ca mangai jàn da Chuaq ŏi jang ngìa Ìh, enh 'nhòng bùa A-si-ri trùh hì cô, loh tìah ca 'ngwan enh ngìa ca Ìh.

Êsai 10:9

Canô ma ùh tìah ca Cat-kê-mit, Hamat ma ùh tìah ca Atbat, Sa-ma-ri ma ùh tìah ca Đamat 'mòh?

Êsai 13:17

Au parông mangai Mêđi tajraq hlài ca wì haq, aih 'bài mangai ùh waq ca 'bac, ùh waq ca wang.

Êsai 17:4

Ta hì aih, can 'ngah 'ngai da Jacôp loh ca xùch, chac pôq bech loh ca ragìq ragôm.

Êsai 21:2

I mòiq bìac mahno gao pa'noh ca au hnoq; Mangai blàq blènh xôq blàq blènh, mangai raliang đac, xôq raliang đac! Ô mangai Êlam tŏc beq! Ô mangai Mêđi tap dudan đòiq tajêh beq! Au khoi pupat đac 'bài bàu hràng taiq haq.

Êsai 36:17

trùh jò au trùh, 'nong pì mùt ta mòiq gùng tìah ca gùng pì, aih gùng i 'mau mì wa alac neo, aih gùng i 'benh wa wùan plì nho.

Êsai 36:19

'Bài can kiac da Hamat wa Atbat ŏi ta leq? 'Bài can kiac da Sê-phat-wa-im ŏi ta leq? 'Bài can kiac aih i jah dŏih Sa-ma-ri claih enh tì au ùh?

Êsai 37:18

“Ôi Chuaq, joq 'nàng 'bài bùa Diac A-si-ri khoi jêh đac 'bài Diac wì wa raliang đac taneh wì,

Êsai 8:4

Ma jah 'màng aih, adroi ca jò con nga loq creo: ‘Baq ôi!’ ‘Miq ôi!’ Èh bùa A-si-ri trùh yŏc dìq bìac can padrŏng da Đamat wa cùng hang jah jò tajêh poh da Sa-ma-ri.”

Jê-rê-mi 50:17

“Is-ra-ên con trìu pac lac, 'bìq baco hlari hnan rùp. Adroi dŏng bùa A-si-ri khoi rùp lŏn haq; atìq dŏng Nê-bu-cat-nêt-xa, bùa Ba-bi-lôn, khoi broq hech ca caxènh haq.”

Đa-ni-ên 5:28

Phasin: Aih Taneh Diac da bùa 'bìq axong bàc phàn jao am ca mangai Mêđi wa mangai Batu.”

Ôsê 1:4

Jò aih Chuaq doi ca haq: “Hiniq ca con nga aih Jê-rê-ên, ma jah 'màng aih ŏi toq 'biaq hòm, au tabroq chao ca hnem Jêhu taiq haq khoi broq ta-ùc mahem ca hnem Jê-rê-ên, wa pŏt đac taneh Diac da hnem Is-ra-ên.

Ôsê 1:6

Mai haq ŏi jiang hòm hi khoi xa-ông mòiq toq con cadrì. Èh Chuaq doi ca Ôsê: “Hiniq ca con nga cô Lô-ru-ha-ma, taiq au pi xa-ŏch ca hnem Is-ra-ên hòm, đòiq Au baxŏng tôiq ca wì haq.

Ôsê 1:9

Chuaq doi: “Hiniq ca con nga aih Lô-am-mi, taiq pì pi xài jàn Au wa Au pi broq Boc Plình pì.

Ôsê 13:16

Sa-ma-ri ep pòq tôiq, taiq haq khoi blàq Boc Plình! Wì haq cachìt ca pla chang; chac hamac con 'yoh 'bìq jôq nanit đac, wa 'bài gu cadrì ŏi jiang 'bìq pah cliac.”

Ôsê 8:8

Is-ra-ên khoi 'bìq lŏn. Manàiq wì haq ŏi ta'ne 'bài jàn tìah ca dahwèq ùh loh cleq.

Ôsê 9:3

Wì haq ùh jah ŏi ta taneh da Chuaq; Ep-ra-im cô èh hi wìh hlài ta Aicàp, caq dahwèq padrùh ta A-si-ri.

Lêwi 26:38

Pì cachìt ta'ne jàn 'noiq, èh gùng da wì ma git ca pì jah lŏn pì.

Amôt 5:27

Taiq 'màng aih, Au broq ca pì 'bìq 'nong lam broq hapŏng pah tau ca Đamat.” Chuaq doi 'màng aih, hiniq Haq Boc Plình ma wèq dìq ca 'bình plình.

Amôt 7:17

“ 'Màng aih cô bàu Chuaq doi ca ìh: “ ‘Mai ìh loh ca mangai tango anang ta trom phôq; con calô wa con cadrì cachìt ca pla chang; taneh ìh wì jah wê caxi wêh, wêh ca dađeh, cla ìh cachìt ta taneh gùng wì. Èh Is-ra-ên joq 'nàng 'bìq mangai rùp 'nong lam khoi dèh ca Diac.’ ”

Ranenh Achìh Hlài 28:36

Chuaq 'nong pì wa bùa pì ma khoi tŏc broq enh 'nhèq ca pì, 'bìq rùp lam trùh ta mòiq Diac pì wa boc yaq pì 'nhòq lah 'nì. Ŏi ta aih, pì patìh bìac 'bài can kiac xam long, xam hmu.

Ranenh Achìh Hlài 28:64

Chuaq jah palac pì ta 'bài jàn 'noiq, enh gàu da taneh cô trùh gàu da taneh tau. Ŏi ta aih, pì patìh 'bài can kiac xam long wa xam hmu ma pì wa boc yaq pì 'nhòq lah 'nì.

Ranenh Achìh Hlài 30:18

èh hì cô Au doi ca pì, joq 'nàng pì jah 'bìq jêh đac, ùh jah rìh dùnh ta gùng pì ma padon cwa diac Jôđan đòiq jah nhàn yŏc.