2 'Bài Bùa 17:25 - Sech Hadròih

²⁵ Jò neo trùh phôq aih, wì haq ùh cùh waiq Boc Plình, ma jah Boc Plình thê baco lam trùh cap cachìt bàc ngai da wì haq.

2 'Bài Bùa 17:25 Iomraidhean Croise

1 'Bài Bùa 13:24

Haq loh lam 'nhòq i dùnh, èh i mòiq toq baco hlari loh gòm haq ti trong, cap haq cachìt. Hanang haq cùi ti trong. Lùa xôq ŏi yòng kenh aih, xam baco hlari hadai yòng kenh hanang mangai aih.

1 'Bài Bùa 20:36

Mangai capoch thai Boc Plình doi ca haq: “Taiq ìh ùh iu tiaq bàu Chuaq, jò ìh hi talah ca au, èh baco hlari cap ìh cachìt.” Mangai tau talah ca haq, hi khoi joq 'nàng glàm mòiq toq baco, èh baco aih cap haq cachìt.

2 'Bài Bùa 17:26

Wì trùh ta bùa A-si-ri doi: “Jàn bùa 'nong lam khoi dèh ca Diac trùh ŏi ta phôq Sa-ma-ri, ùh 'nì ca ranenh đòiq cùh waiq yiang da gùng aih, taiq 'màng aih yiang aih khoi thê 'bài baco trùh cap cachìt wì haq taiq wì haq ùh 'nì cùh waiq Yiang tiaq trong troq.”

2 'Bài Bùa 17:28

'Màng aih mòiq ngai pajàu ta 'bài pajàu ma 'bìq rùp enh Sa-ma-ri 'nong lam khoi dèh ca Diac, jah hlài wa rìh ŏi ta Bêtên. Mangai aih hnài ca wì loq 'màng leq đòiq cùh waiq Boc Plình.

2 'Bài Bùa 17:32

'Bài tamoi aih hadai cùh waiq Boc Plình, wa xôq ŏi ràih mangai ta wì haq, đòiq padèch broq pajàu tadreo ta 'bài nòi tadreo ca can kiac dù roc go ha'nhèq, đòiq wì haq dèch am ngè tadreo ta 'bài hnem tadreo ti roc go ha'nhèq.

2 'Bài Bùa 17:34

Trùh hì cô wì haq xôq ŏi wèq tiaq dèh ranenh ta 'bài hì adroi da wì haq; jàn Is-ra-ên ùh cùh waiq Chuaq, hadai ùh wèq trong hnài, bìac ep broq, 'bài ranenh, loq bàu thê Chuaq ma khoi doi ca 'bài con xau Jacôp, aih mangai Haq ma khoi hiniq Is-ra-ên.

2 'Bài Bùa 17:41

'Màng aih 'bài tamoi aih rai cùh waiq Chuaq, èh hadai cùh waiq dua 'mù can kiac tì wì haq tùh loh, èh con xau wì haq wa con xau da con xau wì haq, xôq tiaq yôt dèh dua 'mèq boc yaq wì haq ma khoi broq trùh hì cô.

2 'Bài Bùa 2:24

Ê-li-sê wìh ngan hnoq wì haq. Haq canòm ca hiniq Chuaq waiq hanip wì haq. Jò aih i baiq toq higàu can loh enh rôm cap hich 42 ngai 'bài mangai 'yoh aih.

Êsai 15:9

Diac cròng ta Đimôn 'yôm mahem, mahaq au xôq 'ràng hòm can ranàc ca Đimôn, aih thê baco hlari lam trùh ta 'bài mangai Moap ma claih, wa 'bài mangai ŏi xrong ta gùng aih.

Jê-rê-mi 10:7

Ìh joq 'nàng Bùa dìq ca crŏng taneh, cabô ùh yùq crè ca Ìh? Ma jah 'màng aih Ìh joq đang ca jah padèch, taiq ta dìq dŏng ca 'bài ma khôn rabiaq ta rìm jàn ta rìm Diac, ùh i mangai leq tìah ca Ìh.

Jê-rê-mi 15:3

Chuaq doi: “Au khoi pachì ca wì pôn hiniq bìac cachìt; cachìt ca chang gùm, coq hua lam, chìm wa jam rôm caq, wa jêh đac.

Jê-rê-mi 5:6

Taiq 'màng aih, baco hlari jah loh enh rôm; coq yiang tŏc enh đùng cap wì haq; 'beo gòm wì haq enh gùng ca phôq. Rìm ngai leq loh, jah 'bìq hich cap, taiq tôiq lôi da wì haq bàc hrìn, wa bìac blàq blènh da wì haq ùh nui rèn.

Ê-xê-chi-ên 14:15

“Tàng Au thê ngè rôm lam trùh wa jêh đac dìq mangai ta aih, taneh aih jah wìa nòi catù, ùh cabô lam ta aih hòm ma jah 'màng aih taiq i ngè rôm.

Ê-xê-chi-ên 14:21

“Ma jah 'màng aih bàu Chuaq doi 'màng cô: Joq 'nàng wì haq chìuq nan xa yi hnao hòm jò Au 'noh bìac hadrah baxa trùh ca Jê-ru-sa-lem, aih chang gùm, pangot hrah, ngè rôm wa can jìq blôh trùh đòiq jêh dìq ca mangai wa ngè aban.

Đa-ni-ên 6:26

“Au am bàu doi: Rìm ngai ta Taneh Diac au phai tarìt wa yùq crè ca Boc Plình da Đa-ni-ên; “Ma jah 'màng aih Haq Boc Plình ma rìh hloi wa ŏi trùh hloi hloi. Diac Haq ùh raliang, cwìang Haq ùh dìq ùh lùch.

Lêwi 26:22

Au thê 'bài ngè ma xòc ta rôm rùp 'bài con caiq pì, jêh đac da pì ngè aban, broq ca sôq jàn yi 'biaq, trong lam pì ùh dai i mangai lam.

Jôna 1:9

Jôna tèu: “Au mangai Hêbru, au cùh waiq Chuaq, Haq Boc Plình ŏi ta Diac plình; Haq khoi broq diac raxìq wa crŏng taneh.”

Jôsuê 22:25

Chuaq khoi broq diac Jôđan đòiq broq acang ta'ne nhèn wa pì. Ôi mangai Rubên wa mangai Gat, pì ùh i ca phàn cleq ŏi ta Chuaq? 'Màng aih, xinoi da pì broq ca xinoi da nhèn ùh loq yùq crè ca Chuaq.