2 'Bài Bùa 17:23 - Sech Hadròih

²³ trùh jò Chuaq hnan đac wì haq lam khoi enh ngìa ca Haq, troi Haq khoi doi adroi nhò 'bài mangai capoch thai Boc Plình, aih 'bài hapŏng Haq. 'Màng aih mangai Is-ra-ên 'bìq mangai 'bìq rùp 'nong lam khoi dèh ca Diac cla, lam ta A-si-ri trùh manàiq.

2 'Bài Bùa 17:23 Iomraidhean Croise

1 'Bài Bùa 13:2

Mangai ma iu tiaq bàu da Chuaq trech ca'bŏng tadreo, doi: “Ôi ca'bŏng tadreo, ca'bŏng tadreo! Chuaq doi 'màng cô: Mòiq toq con calô jah xa-ông ca hnem Đawit, hiniq haq Jôsia, haq jah dèch am enh 'nhèq ca gè ngè tadreo, aih 'bài pajàu tadreo ta 'bài nòi ha'nhèq, aih 'bài mangai ma dèch am jreo xua thùm ca gè, èh wì jah bùh enh 'nhèq ca gè 'bài caxènh da mangai cachìt.”

1 'Bài Bùa 14:16

Haq cađac Is-ra-ên taiq tôiq lôi da Jê-rô-bô-am, aih tôiq bùa ma khoi broq, èh haq hadai adràc Is-ra-ên wiang broq hòm.”

1 'Bài Bùa 9:7

èh Au hnan đac jàn Is-ra-ên loh khoi enh gùng Au ma khoi hnhu am ca wì haq, khoi ca aih Au raliang cađac Hnem Cùh Waiq cô, aih hnem Au ma khoi đòiq crài loh hadròih ca hiniq Au, èh jàn Is-ra-ên jah i nà đòiq hi halê pagôq waq ca jah do ŏi ta'ne dìq jàn 'noiq.

2 'Bài Bùa 13:23

Mahaq Chuaq am xôq ramŏt ca wì haq, xa-ŏch ca wì haq wa hmàng trùh ca wì haq, taiq wêh jao da Haq ca Ap-ra-ham, Isac wa Jacôp, ma jah Chuaq ùh cađac wì haq enh ngìa ca dađeh trùh jò manàiq.

2 'Bài Bùa 17:13

'Nhac 'màng aih, Chuaq xôq khoi thê 'bài mangai capoch thai Boc Plình wa rìm mangai loq bìac adroi, pa'yèp ca jàn Is-ra-ên wa Juđa doi: “Cađac 'bài trong ngang dù da pì 'mat beq! Wèq 'bài trong hnài wa bàu thê da Au, aih dìq dŏng ranenh Au ma khoi doi ca wì boc pì, wa rìm bìac Au ma khoi thê 'bài hapŏng Au, aih 'bài mangai capoch thai Au anoi ca pì.”

2 'Bài Bùa 17:18

Taiq nen aih Chuaq dìq ca jaq nòih ca jàn Is-ra-ên. Haq hnan cađac wì lam khoi ca mat Haq; toq ŏi i 'bài hadròng hadrech da Juđa.

2 'Bài Bùa 17:20

Taiq 'màng aih Chuaq cađac dŏng xinoi da Is-ra-ên, baxa wì haq, wa jao wì haq ta tì 'bài mangai ma ta'blêq ca wì haq, trùh jò Chuaq hnan đac wì haq lam khoi ca mat Haq.

2 'Bài Bùa 17:22

Jàn Is-ra-ên lam trong tôiq lôi da Jê-rô-bô-am I ma khoi broq. Wì ùh chìuq cađac mòiq tôiq lôi leq,

2 'Bài Bùa 17:6

Hanam ma hachìn 'nhòng da bùa Hôsê, bùa A-si-ri jêh blah yŏc phôq Sa-ma-ri, èh rùp jàn Is-ra-ên 'nong lam khoi dèh ca Diac 'ràng hlài A-si-ri. Haq am wì haq ŏi ta Chala wa Chabo kenh cròng diac ŏi ta gùng Gôsen wa ta 'bài phôq da gùng Mêđi.

2 'Bài Bùa 21:14

Au xôq cađac hloi mangai ma ŏi xrong da xôxech Au, am wì haq wa dìq ca ngè wì haq mùt ta tì 'bài mangai ma git ca wì haq,

2 'Bài Bùa 23:27

Chuaq doi: “Au hnan đac jàn Juđa khoi enh ngìa ca Au, tìah ca Au khoi hnan đac jàn Is-ra-ên. Au hadai cađac Jê-ru-sa-lem, nòi Au ma khoi ràih, wa hnem cùh waiq Au ma khoi doi: Hiniq Au jah ŏi ta aih.”

2 'Bài Bùa 24:3

Bìac cô joq 'nàng trùh ca Juđa tiaq manoh enh da Chuaq, đòiq raliang đac wì haq enh ngìa ca Chuaq, ma jah 'màng aih taiq tôiq lôi da Ma-na-se wa rìm bìac bùa aih ma khoi broq,

2 'Bài Bùa 25:21

Èh bùa Ba-bi-lôn thê jêh đac wì haq ta Riplah gùng Hamat. 'Màng aih jàn Juđa 'bìq 'nong lam khoi dèh ca Diac.

2 'Bài Bùa 3:3

Mahaq Jê-hô-ram broq tiaq tôiq da Jê-rô-bô-am con Nêbat ma khoi broq, èh thê jàn Is-ra-ên broq tôiq aih dìq.

Nê-hê-mi 9:32

“ 'Màng aih manàiq cô, ôi Boc Plình da nhèn! Ìh Boc Plình càn, itai dìq jaq wa đang ca crè. Ìh wèq hloi wêh jao wa can xa-ŏch xam manoh loq waq. Xìn apaq ngan 'yoh dìq ca bìac nan xa khoi ùc ca nhèn, ca 'bài bùa wa cwan nhèn, ca 'bài pajàu, wa 'bài mangai capoch thai Boc Plình nhèn, ca boc yaq nhèn, wa dìq ca mangai jàn da Chuaq ŏi jang ngìa Ìh, enh 'nhòng bùa A-si-ri trùh hì cô, loh tìah ca 'ngwan enh ngìa ca Ìh.

'Bŏi Calêu Plình 51:13

Èh au jah hnài trong da Chuaq ca mangai ma broq tôiq, wa wì mangai ma broq tôiq jah wìh hlài ta Ìh.

Êsai 7:8

Ma jah 'màng aih gàu da Siri Đamat, gàu da Đamat Rêxin. Ŏi 65 hanam òn, Ep-ra-im jah 'bìq raliang piang, pi jah creo aih mòiq jàn.

Jê-rê-mi 52:3

Bìac aih loh ta Jê-ru-sa-lem wa Juđa taiq Chuaq nòih trùh 'mòi Haq hwenh đac wì haq khoi jang ngìa Haq. Sê-đê-kia tablàq ca bùa Ba-bi-lôn.

Jê-rê-mi 7:15

Au jah cađac pì hangai ca Au, tìah ca Au khoi cađac dìq ca oh daq pì, aih dìq dŏng ca xinoi Ep-ra-im.’

Ôsê 12:3

Jò ŏi ta cliac miq, Jacôp khoi rùp lùnh jènh dèh daq; jò hi càn haq tabàt ca Boc Plình.

Amôt 5:27

Taiq 'màng aih, Au broq ca pì 'bìq 'nong lam broq hapŏng pah tau ca Đamat.” Chuaq doi 'màng aih, hiniq Haq Boc Plình ma wèq dìq ca 'bình plình.

Mica 1:5

Jah i dìq ca bìac cô taiq Jacôp broq ùh troq wa taiq tôiq lôi da hnem Is-ra-ên. Cabô broq ca Jacôp broq tôiq? Ma ùh xài Sa-ma-ri 'mòh? Cabô broq ca Juđa cùh waiq dua 'mù? Ma ùh xài Jê-ru-sa-lem 'mòh?

Mica 1:6

“Taiq 'màng aih, Au broq ca Sa-ma-ri loh tìah ca mòiq ha'ngùc raliang hech ta đùng, tìah ca nòi wùan nho; wa broq ca 'bài hmu haq cadro clìh ta thòng, wa 'bài xèm hnem haq loh ca ralenh.

Mica 2:5

Taiq 'màng aih ta tagop hadròih da Chuaq, ùh i mòiq ngai leq ta pì jah pàih panàih axong taneh.

Ranenh Achìh Hlài 32:20

Haq i doi: “Au jah cadoc dèh hadrò, èh ngan bìac pulùch da wì haq loh 'màng leq, taiq aih mòiq 'nhòng xinoi ngang dù wa loq 'nùt. Aih 'bài con caiq ùh i ca manoh wèq dèh bàu.

Jôsuê 23:13

èh pì loq ro rang Chuaq Boc Plình da pì Haq ùh hnan đac jàn aih enh ngìa ca pì hòm; tawìh hlài, wì haq wìa hlàp wìa gùi ca pì, wìa long roi blai nòi ca'bŏng, wìa hila bìt nòi mat, trùh jò pì 'bìq hnan đac loh khoi enh taneh gùng lem jìang cô, taneh Chuaq Boc Plình khoi hnhu am ca pì.

'Bài Cwan Hadrah 18:30

Ŏi ta cô 'bài mangai Đan pa'nàng ca dađeh dua 'mù tùh. Khoi èh dèch Jô-na-than, con calô da Getsôn, xau Môise, wa 'bài con xau da haq broq pajàu ca hadròng hadrech da Đan, trùh hì wì haq 'bìq hnan 'noh enh Taneh Diac aih.