2 'Bài Bùa 17:20 - Sech Hadròih

²⁰ Taiq 'màng aih Chuaq cađac dŏng xinoi da Is-ra-ên, baxa wì haq, wa jao wì haq ta tì 'bài mangai ma ta'blêq ca wì haq, trùh jò Chuaq hnan đac wì haq lam khoi ca mat Haq.

2 'Bài Bùa 17:20 Iomraidhean Croise

2 'Bài Bùa 13:23

Mahaq Chuaq am xôq ramŏt ca wì haq, xa-ŏch ca wì haq wa hmàng trùh ca wì haq, taiq wêh jao da Haq ca Ap-ra-ham, Isac wa Jacôp, ma jah Chuaq ùh cađac wì haq enh ngìa ca dađeh trùh jò manàiq.

2 'Bài Bùa 13:3

Can nòih da Chuaq plôh loh ca jàn Is-ra-ên, èh Chuaq 'mùt wì haq ta tì bùa Ha-xa-ên, 'mùt ta tì Bên-ha-đat con Ha-xa-ên, lùch ca 'nhòng baiq bùa aih.

2 'Bài Bùa 13:7

Jò aih, lình da Jô-a-cha ŏi hlài 50 lình axêh, 10 toq xê axêh wa 10.000 'bình lình, ma jah 'màng aih wì haq khoi 'bìq bùa Siri jêh bahech đac tìah blo taneh ta xàn blai 'mau mì.

2 'Bài Bùa 15:29

Ta 'bài hanam da Pêca ma broq bùa Is-ra-ên, Ticlat Phi-lê-se broq bùa A-si-ri trùh blah yŏc Ijôn, Abên-bêt-ma-ca, Ja-nô-a, Cađê, Hatso, Ga-la-at wa Ga-li-lê, xam dìq ca taneh gùng Nep-ta-li. Bùa rùp 'bài jàn ma ŏi ta nòi aih, 'ràng wì haq trùh A-si-ri.

2 'Bài Bùa 17:15

Wì haq ngan ùh loh cleq bàu thê wa bìac wêh jao da Boc Plình ma khoi broq ca boc yaq wì haq, èh wì haq hadai ngan ùh loh cleq bàu pa'yèp Boc Plình ma khoi thê 'bài mangai capoch thai Boc Plình trùh doi ca wì haq. Wì haq lam tiaq 'bài dua 'mù amòng, èh cla wì haq hadai loh wìa mangai amòng, wì broq tiaq 'bài jàn ma rìh ŏi dudan ca wì haq, aih jàn Chuaq khoi thê wì haq, apaq broq tiaq wì aih.

2 'Bài Bùa 17:18

Taiq nen aih Chuaq dìq ca jaq nòih ca jàn Is-ra-ên. Haq hnan cađac wì lam khoi ca mat Haq; toq ŏi i 'bài hadròng hadrech da Juđa.

2 'Bài Bùa 18:9

Hanam ma pôn 'nhòng da bùa Ê-xê-chia, aih hanam ma tapèh 'nhòng da Hôsê, bùa da Is-ra-ên, San-ma-na-se, bùa da A-si-ri, lam dudan ca Sa-ma-ri.

2 'Bài Bùa 21:14

Au xôq cađac hloi mangai ma ŏi xrong da xôxech Au, am wì haq wa dìq ca ngè wì haq mùt ta tì 'bài mangai ma git ca wì haq,

2 'Bài Bùa 23:27

Chuaq doi: “Au hnan đac jàn Juđa khoi enh ngìa ca Au, tìah ca Au khoi hnan đac jàn Is-ra-ên. Au hadai cađac Jê-ru-sa-lem, nòi Au ma khoi ràih, wa hnem cùh waiq Au ma khoi doi: Hiniq Au jah ŏi ta aih.”

2 'Bài Bùa 24:3

Bìac cô joq 'nàng trùh ca Juđa tiaq manoh enh da Chuaq, đòiq raliang đac wì haq enh ngìa ca Chuaq, ma jah 'màng aih taiq tôiq lôi da Ma-na-se wa rìm bìac bùa aih ma khoi broq,

1 'Nhòng Bùa 16:13

Ôi xinoi Is-ra-ên, hapŏng da Chuaq, 'bài con xau Jacôp, 'bài mangai Chuaq khoi ràih.

Nê-hê-mi 9:2

Mangai ma loh enh xinoi da Is-ra-ên lah dađeh wa mangai Diac 'noiq. Wì yòng pa'noh dèh tôiq lôi cla wa bìac ngang dù da boc yaq wì.

'Bŏi Calêu Plình 51:13

Èh au jah hnài trong da Chuaq ca mangai ma broq tôiq, wa wì mangai ma broq tôiq jah wìh hlài ta Ìh.

'Bŏi Calêu Plình 53:5

Wì haq jah yùq crè, 'nhac ca bìac ùh đang ca yùq crè. Ma jah 'màng aih Boc Plình khoi prai priang caxènh mangai leq enh tajraq hlài ca Ìh; wì haq jah camaih, taiq Boc Plình khoi cađac wì haq.

'Bŏi Calêu Plình 80:13

Haki ta rôm caq đac dìq, haq caq ngè cleq ta đùng taneh tabròc.

Êsai 2:6

Joq 'nàng Chuaq khoi cađac dèh jàn Haq, aih hnem Jacôp, ma jah 'màng aih taiq wì khoi tiaq dua ranenh da jàn pah mat mahì loh, wa pajàu anoi 'noh bìac adroi troi mangai Phi-li-tin; rùp tì ca con caiq mangai jàn Diac 'noiq.

Êsai 45:25

Dìq dŏng hadròng hadrech Is-ra-ên jah doi ta-atoq ta Chuaq, wa nhò Haq men jah 'ngah 'ngai.

Jê-rê-mi 15:1

Chuaq doi ca au: “ 'Nhac ca Môise loq Sa-mu-ên yòng enh ngìa ca Au đòiq waiq thai ca jàn cô, Au xôq ùh xa-ŏch ca wì haq. Hnan đac wì khoi enh ngìa ca Au beq.

Jê-rê-mi 46:28

Chuaq anoi 'noh doi: “Ô Jacôp hapŏng Au, ìh paq crè, taiq Au ŏi ti ìh. Au jah jêh đac dŏng 'bài Diac ma Au khoi hnan ìh trùh, Au ùh jêh đac ìh hloi, mahaq ìh ùh claih ca bìac baxa, Au hnài anoq hlài ìh tiaq trong troq lem.”

Jê-rê-mi 52:3

Bìac aih loh ta Jê-ru-sa-lem wa Juđa taiq Chuaq nòih trùh 'mòi Haq hwenh đac wì haq khoi jang ngìa Haq. Sê-đê-kia tablàq ca bùa Ba-bi-lôn.

Jê-rê-mi 6:30

Taiq 'màng aih i bàu doi ca wì haq aih 'bac khoi cađac, taiq Chuaq khoi 'bìq cađac wì haq.”

Jê-rê-mi 7:15

Au jah cađac pì hangai ca Au, tìah ca Au khoi cađac dìq ca oh daq pì, aih dìq dŏng ca xinoi Ep-ra-im.’

Ôsê 1:6

Mai haq ŏi jiang hòm hi khoi xa-ông mòiq toq con cadrì. Èh Chuaq doi ca Ôsê: “Hiniq ca con nga cô Lô-ru-ha-ma, taiq au pi xa-ŏch ca hnem Is-ra-ên hòm, đòiq Au baxŏng tôiq ca wì haq.

Ôsê 12:3

Jò ŏi ta cliac miq, Jacôp khoi rùp lùnh jènh dèh daq; jò hi càn haq tabàt ca Boc Plình.

Jôna 1:10

'Bài mangai aih crè dìq jaq hi bòch haq: “ 'Màng leq ìh jah broq bìac 'màng aih?” Jò aih wì loq ca haq mangai mot ca Chuaq taiq cla haq anoi 'noh ca wì loq.

Jôna 1:3

Mahaq Jôna lam cwa Ta-rê-si, đòiq mot ca Chuaq. Jôna loh ta Japhô hnoq i mòiq toq bong padon lam Ta-rê-si. Haq am 'bac tŏc bong aih lam cwa Ta-rê-si ti wì, đòiq mot ca Chuaq.

Mathêu 25:41

“Khoi èh Haq doi ca wì ma ŏi pah 'ngeo haq: ‘Ôi mangai ma 'bìq waiq hanip, wia hangai ca Au beq, mùt ta nòi 'bau ùnh khoi padon ca can kiac Satan wa can kiac haq.

Ranenh Achìh Hlài 11:12

aih gùng Chuaq Boc Plình pì wèq ban, mat Haq ha'miang ngan gùng aih enh gàu hanam trùh lùch ca hanam.

Ranenh Achìh Hlài 32:20

Haq i doi: “Au jah cadoc dèh hadrò, èh ngan bìac pulùch da wì haq loh 'màng leq, taiq aih mòiq 'nhòng xinoi ngang dù wa loq 'nùt. Aih 'bài con caiq ùh i ca manoh wèq dèh bàu.

2 Tê-sa-lô-ni-ca 1:9

Wì haq 'bìq baxa wa raliang đac hloi hloi khoi enh ngìa ca Chuaq i cwìang itai 'ngah 'ngai,

Jôsuê 23:13

èh pì loq ro rang Chuaq Boc Plình da pì Haq ùh hnan đac jàn aih enh ngìa ca pì hòm; tawìh hlài, wì haq wìa hlàp wìa gùi ca pì, wìa long roi blai nòi ca'bŏng, wìa hila bìt nòi mat, trùh jò pì 'bìq hnan đac loh khoi enh taneh gùng lem jìang cô, taneh Chuaq Boc Plình khoi hnhu am ca pì.

'Bài Cwan Hadrah 18:30

Ŏi ta cô 'bài mangai Đan pa'nàng ca dađeh dua 'mù tùh. Khoi èh dèch Jô-na-than, con calô da Getsôn, xau Môise, wa 'bài con xau da haq broq pajàu ca hadròng hadrech da Đan, trùh hì wì haq 'bìq hnan 'noh enh Taneh Diac aih.

'Bài Cwan Hadrah 2:14

'Màng aih can nòih da Chuaq plôh tŏc, tajraq hlài ca jàn Is-ra-ên. Haq đòiq wì mùt ta tì lình atùng đòiq yŏc atùng ngè wì haq. Chuaq tech wì haq mùt ta tì mangai ma git ca wì haq ŏi dudan ca wì haq, đòiq wì haq ùh nui ta'blêq dèh ca mangai ma git ca wì haq.

1 Sa-mu-ên 15:23

Ma jah 'màng aih tôiq blàq bàu, tìah ca tôiq tamàng bàu pajàu can kiac wa bìac ùh iu bàu Chuaq, ùh crài cleq ca tôiq cùh waiq dua 'mù. Taiq ìh khoi cađac bàu Chuaq, 'màng aih Haq hadai cađac ìh, pi am ìh broq bùa hòm.”

1 Sa-mu-ên 15:26

Mahaq Sa-mu-ên doi ca Saulò: “Au ùh wìh hlài ta ìh, taiq ìh khoi cađac bàu Chuaq, 'màng aih Chuaq hadai cađac ìh, pi am ìh broq bùa ca Is-ra-ên hòm.”

1 Sa-mu-ên 16:1

Chuaq doi ca Sa-mu-ên: “Ìh mango ca bìac Saulò dùnh dàng leq? Ìh loq au khoi cađac haq, ùh am haq broq bùa ca Is-ra-ên hòm. Ùc dàu ma bình ta aki ìh beq, èh yòng lam trùh ta hnem Isai mangai 'Bêt-lê-hem, ma jah 'màng aih, Au khoi ràih mòiq ngai ŏi ta wì con da Jêsê đòiq broq bùa.”