2 'Bài Bùa 17:17 - Sech Hadròih

¹⁷ Wì haq bùh rìh dèh con calô con cadrì dađeh ta ùnh. Wì haq lùi tiaq 'bài pajàu kiac dù wa pajàu ngan tì. Wì tech dađeh đòiq broq bìac ngang dù enh ngìa ca Chuaq, wa taleoq ca Haq.

2 'Bài Bùa 17:17 Iomraidhean Croise

1 'Bài Bùa 14:15

Chuaq jah baxa Is-ra-ên, tìah ca long drê ŏi ta'ne rayaq diac. Haq tabùiq đac xèm da jàn Is-ra-ên loh khoi enh nòi gùng taneh jìang lem, gùng Boc Plình khoi am ca boc yaq wì haq, èh Haq hadai palac đac wì haq pah tau ca Cròng Diac U-phra-tê, ma jah 'màng aih taiq wì haq khoi broq loh dua 'bài 'mù kiac cadrì A-sê-ra đòiq hi broq Chuaq nòih.

1 'Bài Bùa 21:20

Ahap doi ca Êli: “Ôi mangai ma git ca au, ìh khoi chaq jah hnoq au 'mòh?” Êli mangai capoch thai Boc Plình tèu: “Au khoi chaq jah hnoq ìh broq bìac 'mèq aih, taiq ìh khoi tech dađeh đòiq broq bìac ngang dù enh ngìa ca Chuaq.

1 'Bài Bùa 21:25

Joq ùh i ca mangai leq tìah ca Ahap ma khoi tech dađeh đòiq broq bìac dù enh ngìa ca Chuaq, 'bìq dèh mai Jê-sa-bên paclùc.

2 'Bài Bùa 16:3

Mahaq haq lam tiaq trong da 'bài bùa Is-ra-ên. Yi hnao ca aih hòm, haq dèch am dèh con calô broq ngè tadreo bùh tiaq dua 'mèq ramòt da jàn ma Chuaq khoi hnan 'noh đac enh jàn Is-ra-ên.

2 'Bài Bùa 17:11

Wì haq bùh jreo xua thùm ta 'bài hnem tadreo roc go ha'nhèq tìah ca jàn Chuaq khoi 'nong lam khoi dèh ca Diac enh ngìa ca wì haq. Wì haq broq bàc bìac ngang dù broq ca Chuaq nòih.

2 'Bài Bùa 17:31

jàn Awim broq dua 'mù Nipca wa Tat-tac; jàn Sê-phat-wa-im èh bùh dèh con 'yoh ta ùnh ca can kiac A-tra-mê-lec wa can kiac A-na-mê-lec, aih can kiac da jàn Sê-phat-wa-im.

2 'Bài Bùa 21:6

Ma-na-se bùh rìh dèh con ta ùnh, dèch am ca can kiac, lam ta pajàu anoi ca can kiac wa tamàng bàu pajàu ngan plình anoi 'noh bìac adroi. Haq canòm ca mangai creo ca mahua mangai cachìt wa mangai anoi ca yiang dù. Haq broq bìac dìq jaq ngang dù enh ngìa ca Chuaq, broq ca Chuaq nòih.

2 'Nhòng Bùa 28:3

haq hadai bùh jreo xua thùm ta thòng Hinôm, wa bùh dèh con ta ùnh, aih bìac ramòt da 'bài tamoi ma Boc Plình khoi hnan đac jang ngìa jàn Is-ra-ên.

2 'Nhòng Bùa 33:6

Haq dèch am dèh con ta ùnh broq ngè tadreo bùh ta thòng Hinôm; waiq pajàu anoi ca can kiac, wa pajàu ngan plình anoi 'noh bìac adroi, tiaq pajàu 'nùt loq creo can kiac, mangai creo ca mahua mangai cachìt, wa mangai anoi ca yiang dù; haq broq trong dù hrìn hran jang ngìa Chuaq, broq Chuaq dìq jaq nòih.

Êsai 47:9

Mahaq, mòiq 'mang ta mòiq hì, baiq bìac ranàc aih, bìac hnhung ca con wa bìac hadrô, jah trùh ca ìh. Baiq bìac ranàc aih dìq trùh tôm ca ìh, 'nhac ca ìh i bàc trong nhò kiac broq bìac halac wa bàc bàu caxoiq ca kiac!

Êsai 50:1

Chuaq doi 'màng cô: “Ta leq jàiq Au ma cađac miq pì? Loq Au khoi tech pì ca cabô? Cô, pì 'bìq tech taiq tôiq lôi cla pì; miq pì 'bìq cađac taiq pì blàq blènh.

Êsai 8:19

Jò i cabô doi ca pì: “Phai bòch pajàu creo ca mahua mangai cachìt, wa pajàu ngan tì beq!” Aih wì ma bahech wa mamùc mamac. Mahaq au doi ca pì khòh bòch dèh Boc Plình pì 'mòh? Gleq ma bòch mangai cachìt am ca mangai rìh?

Jê-rê-mi 19:5

Wì haq xôq broq hòm hnem đòiq tadreo ca kiac dù Ba-an, bùh dèh con calô ta ùnh đòiq dèch am broq ngè tadreo ca kiac dù Ba-an, aih bìac Au ùh hnài thê, hadai ùh lah hèm trùh.

Jê-rê-mi 25:7

Chuaq doi: “Mahaq pì ùh tamàng Au, yŏc dèh bìac tì pì broq ca Au nòih, 'mùt ca dađeh bìac ranàc.”

Jê-rê-mi 27:9

Taiq 'màng aih, paq tamàng bàu 'bài mangai amòng capoch bàu loq adroi, pajàu ngan plình anoi 'noh bìac adroi, mangai anoi paro apô, pajàu anoi 'noh bìac adroi, loq pajàu 'nùt loq creo can kiac da pì. Wì haq doi ca pì: ‘Pì ùh ep patìh ca bùa Ba-bi-lôn.’

Jê-rê-mi 7:31

Wì broq ca Tôphêt mòiq toq hnem tadreo nòi ha'nhèq, ta thòng Ben-hin-nôm, đòiq bùh 'bài con calô con cadrì da wì haq ta ùnh, aih bìac Au ùh thê hadai ùh lah hèm trùh.

Ê-xê-chi-ên 16:21

Ìh hadai jêh con 'yoh da Au broq ngè tadreo bùh dèch am ca wì haq.

Ê-xê-chi-ên 20:26

Au khoi đòiq wì haq loh ca amùa xam ngè tadreo ma wì haq dèch am ca dua 'mù; jò wì haq am dèh con ramua ca ùnh; đòiq Au jah raliang đac wì haq, 'màng aih wì haq jah loq Au cô Chuaq.’

Ê-xê-chi-ên 20:31

Jò pì dèch am ngè tadreo, jò pì am dèh con calô ca ùnh, pì xôq ŏi to broq amùa dèh ti 'bài dua 'mù trùh manàiq 'mòh? Ô hnem Is-ra-ên, Au đòiq pì waiq bòch Au 'mòh? Chuaq Boc Plình doi. Joq 'nàng troi Au ma rìh hloi, Au ùh đòiq pì waiq bòch!

Ê-xê-chi-ên 23:37

Taiq wì haq khoi broq tôiq tango anang, wa tì wì haq khoi top mahem; wì haq khoi broq tôiq tango anang dèh ti dua 'mù wa hadai bùh dèh con ta ùnh aih con calô ma khoi xa-ông loh am ca Au.

Ê-xê-chi-ên 23:39

Atìq ca jò khoi jêh đac dèh con caiq dèch am ca dua 'mù, ta hì aih wì haq mùt ta nòi cùh waiq hadròih Au hi broq amùa! Aih bìac wì haq khoi broq ta hnem Au!

Lêwi 18:21

“ ‘Apaq rùp dèh con caiq broq ngè tadreo am ca kiac Moloc. Apaq broq 'mèq ca hiniq Boc Plình ìh, Au Chuaq Boc Plình da pì.

Lêwi 19:26

“ ‘Pì apaq caq ngè leq ma ŏi i mahem. “ ‘Apaq bòch mangai ngan hada tì, hadai ùh jah tah jo bòch ngan kiac dù.

Lêwi 19:31

“ ‘Pì apaq lam bòch mangai ma creo ca mahua mangai cachìt, loq mangai anoi ca yiang dù, ùh jah bòch wì haq, èh yùq taiq wì haq èh pì 'bìq amùa. Au Chuaq Boc Plình da pì.

Mica 5:12

Au jêh đac pajàu ngan tì ta pì, pì pi i ca 'bài mangai ngan tì hòm.

Bìac Yiang Hadròih 16:16

Hì ma 'noiq nhèn lam nòi waiq khàn glàm mòiq ngai gu cadrì hapŏng i can kiac ŏi ta haq mahno ca haq loq bìac adroi wa loq bìac loh nhò ngan tì. 'Màng aih haq broq ca wì craq haq jah bàc 'bac.

Rôma 7:14

Taiq bèn loq Ranenh aih hadròih, mahaq au mangai chac xech khoi 'bìq tech đòiq broq dìch ca tôiq lôi.

Ga-la-ti 5:26

Apaq ti chaq trong padèch dađeh, apaq tarènh wa ta'bì ca dabau.

Ranenh Achìh Hlài 32:16

Wì broq ca Haq tagrình xam bìac wì cùh waiq 'bài can kiac, taiq bìac ramòt aih, wì broq ca Haq loh nòih.

Ranenh Achìh Hlài 4:25

Jò pì hi jah i con wa con xau, wa jò ŏi ta gùng cô khoi dùnh, tàng pì broq 'mèq wa broq dua 'mù leq, ùh kè ca dua 'mù cleq, ma hi broq dù jang ngìa Chuaq Boc Plình pì, aih taleoq Haq nòih,