2 'Bài Bùa 17:15 - Sech Hadròih

¹⁵ Wì haq ngan ùh loh cleq bàu thê wa bìac wêh jao da Boc Plình ma khoi broq ca boc yaq wì haq, èh wì haq hadai ngan ùh loh cleq bàu pa'yèp Boc Plình ma khoi thê 'bài mangai capoch thai Boc Plình trùh doi ca wì haq. Wì haq lam tiaq 'bài dua 'mù amòng, èh cla wì haq hadai loh wìa mangai amòng, wì broq tiaq 'bài jàn ma rìh ŏi dudan ca wì haq, aih jàn Chuaq khoi thê wì haq, apaq broq tiaq wì aih.

2 'Bài Bùa 17:15 Iomraidhean Croise

1 'Bài Bùa 11:11

Jò aih Chuaq khoi doi ca Sa-lô-môn: “Taiq ìh khoi broq 'màng cô, ùh iu wèq wêh jao wa trong ranenh da Au ma khoi thê ìh, cô èh Au axong taneh Diac ìh ca hapŏng ìh.

1 'Bài Bùa 16:13

Aih taiq dìq dŏng tôiq lôi da Ba-ê-sa wa tôiq lôi da Êla con haq ma khoi broq, khoi èh broq ca jàn Is-ra-ên broq tiaq đeh dìq, leoq Chuaq Boc Plình da jàn Is-ra-ên xam bìac tadreo 'bài dua 'mù.

2 'Bài Bùa 17:8

Wì haq khoi tiaq 'bài dua 'mèq da jàn ma Chuaq khoi hnan đac enh ngìa ca jàn Is-ra-ên, èh wì haq tiaq 'bài dua 'mèq da 'bài bùa Is-ra-ên ma neo pa'noh.

2 'Nhòng Bùa 24:19

Chuaq thê 'bài mangai capoch thai Boc Plình trùh ta wì haq, pa'yèp wì đòiq 'nong wì haq wìh hlài ta Chuaq, mahaq wì ùh waq tamàng.

2 'Nhòng Bùa 33:2

Haq broq dù ŏi jang ngìa Chuaq, tiaq 'bài trong 'mèq 'mac da 'bài tamoi ma Chuaq khoi hnan đac jang ngìa jàn Is-ra-ên.

2 'Nhòng Bùa 33:9

Mahaq Ma-na-se khoi padô adràc Juđa wa jàn Jê-ru-sa-lem, trùh 'mòi wì broq bìac dù yi hnao 'mòi ca 'bài jàn ma Chuaq khoi jêh đac ŏi jang ngìa jàn Is-ra-ên.

Nê-hê-mi 9:26

“ 'Nhac ca 'màng aih, wì haq xôq ùh tiaq bàu Chuaq. Wì haq blàq tajraq hlài ca Chuaq, đòiq đac bàu ranenh Chuaq ŏi enh kenh; jêh đac 'bài mangai capoch thai Boc Plình da Chuaq, aih mangai lech pariaq ca wì haq đòiq 'ràng wì haq wìh hlài ta Chuaq; mahaq wì haq broq bìac ngang dù capoch ha'nhèq đùng Boc Plình.

'Bŏi Calêu Plình 115:8

Wì mangai broq dua 'mù èh hadai tìah ca dua 'mù aih, wa dìq ca mangai ma lùi canòm dua 'mù aih hadai 'màng aih.

'Bŏi Calêu Plình 78:10

Wì haq ùh wèq bìac wêh jao da Boc Plình, ùh enh rìh tiaq sech ranenh.

Loh Enh Aicàp 16:28

Chuaq doi ca Môise: “Pì ùh waq wèq bàu thê wa bàu tanap da Au trùh pàng leq èh?

Jê-rê-mi 10:15

'Bài dua 'mù aih dìq ùh loh cleq, aih toq bìac đòiq padô 'nùt, trùh hì baxa, wì haq 'bìq raliang dŏng dìq.

Jê-rê-mi 10:8

Dìq ca jàn aih loh ca blùng, loh ca ranhùa, mòiq apŏt long broq loh dua 'mù, aih bìac 'ngwan, ùh i ca lòiq cleq.

Jê-rê-mi 2:5

Chuaq doi 'màng cô: “ 'Bài boc yaq pì i hnoq bìac ùh ta-atoq leq ŏi ta Au ùh, ma pì cađac Au, lam tiaq bìac dech 'ngwan, èh cla wì haq hadai ùh loh cleq?

Jê-rê-mi 31:32

Wêh jao cô ùh tìah ca wêh jao ma Au khoi broq ca boc yaq wì haq ta hì Au rùp tì tìch wì haq loh khoi enh taneh Aicàp, aih wêh jao ma wì haq khoi raliang đac, 'nhac ca Au broq ŏng wì haq,” Chuaq anoi 'noh 'màng aih.

Jê-rê-mi 44:22

Taiq nen bìac ngang dù da pì wa bìac amùa amech pì khoi broq, Chuaq pi nui chìuq. Taiq 'màng aih taneh pì loh ca catù, nòi 'bìq hidròt, wa loh ca bìac waiq hanip, ùh i ca cabô ŏi, troi hì cô.

Jê-rê-mi 44:23

Aih taiq pì khoi bùh nhŏng wa khoi broq tôiq tajraq hlài ca Chuaq, taiq pì ùh iu bàu Chuaq, wa ùh rìh tiaq ranenh, bàu thê, wa bìac hnài da Haq, taiq 'màng aih, can ranàc cô khoi trùh ta pì troi hì cô.”

Jê-rê-mi 44:4

'Nhac ca Au khoi thê dìq ca 'bài hapŏng Au, aih 'bài mangai capoch thai Au, lam trùh ta pì bàc yàng, doi ca pì: ‘Ôi! bìac ramòt ma Au git, pì paq broq oq.’

Jê-rê-mi 44:8

taiq pì broq ca Au nòih xam bìac tì pì broq loh, bùh nhŏng ca 'bài can kiac ta taneh Aicàp, aih nòi pì neo trùh ŏi đò; trùh 'mòi pì to yŏc ca dađeh bìac jêh đac, 'ràng dađeh broq nen waiq hanip wa palèu ta'ne 'bài jàn ta crŏng taneh?

Jê-rê-mi 7:26

Mahaq wì ùh tamàng Au, ùh iu Au, taiq wì haq cadoq manoh wa caq ŏi yi 'mèq dèh ca boc yaq calah nèh.’

Jê-rê-mi 8:9

Mangai khôn rabiaq jah loh ca camaih, yùq crè wa hlòp manet, taiq wì haq khoi hangai ca bàu Chuaq, ŏi i can khôn rabiaq ta leq?

Ê-xê-chi-ên 12:2

“Ô con mangai! Ìh 'nang ŏi ta'ne hnem mangai loq tablàq. Wì haq i mat đòiq hnoq ma haq ùh jah hnoq, i don đòiq tamàng ma haq ùh jah tamàng.

Ê-xê-chi-ên 2:3

Haq doi ca au: “Ô con mangai, Au thê ìh lam trùh ta jàn Is-ra-ên, aih trùh ta jàn loq tablàq Au. Wì haq wa boc yaq wì haq khoi broq tôiq tajraq hlài ca Au trùh manàiq.

Lêwi 26:15

tàng pì cađac bàu thê Au wa manoh pì enh tajraq hlài ca bìac ep broq da Au, đòiq pì ùh broq tiaq bàu thê da Au, wa blòq hlài bìac wêh jao Au,

Jôna 2:8

“ 'Bài mangai patìh bìac dua 'mù hù hnhung, èh cađac can loq waq da Chuaq.

Bàu Lem tiaq Jon Achìh Bìac Chuaq Jêxu Broq Wa Hnài 2:8

Chuaq Jêxu doi: “Manàiq cô gôch beq, 'ràng ca mangai ma wèq 'bài mangai patìh.” Wì gôch 'ràng ca haq.

1 Cô-rinh-tô 8:4

Bìac caq ngè tadreo ca dua 'mù, bèn loq dua 'mù ta crŏng taneh aih ùh loh cleq, toq i mòiq Boc Plình raq.

Ranenh Achìh Hlài 18:10

Ŏi ta'ne pì, apaq i cabô 'ràng dèh con calô loq con cadrì bùh ta ùnh. Apaq i pajàu ngan plình anoi 'noh bìac adroi, pajàu anoi ca can kiac, mangai paro bìac bahìan, pajàu 'nùt loq pajàu creo can kiac,

Ranenh Achìh Hlài 29:24

Èh dìq ca mangai diac 'noiq bòch: “Gleq Chuaq ma tabroq ca gùng cô 'màng aih? Gleq ma jah i can nòih càn caiq 'màng aih.”

Ranenh Achìh Hlài 32:21

Wì haq broq Au tagrình ca yiang mahaq ùh xài Boc Plình; wì haq broq ca Au nòih taiq wì cùh waiq dua 'mù. Au hadai yŏc mòiq toq tamoi ùh nèn đòiq wì haq tagrình, yŏc mòiq jàn ma blùng leoq đòiq wì haq nòih.

Ranenh Achìh Hlài 32:31

Ma jah 'màng aih cato hmu wì ùh tìah troi Hmu Talach bèn. Mangai ma tajraq hlài ca bèn hadai hnoq 'màng aih.

1 Sa-mu-ên 12:21

Apaq cađac Chuaq đòiq cadàu tiaq dua 'mù dech 'ngwan, aih bìac ùh lòiq cleq, hadai ùh jah dèch bô, ma jah 'màng aih wì haq aih dech 'ngwan.