2 'Bài Bùa 17:10 - Sech Hadròih

¹⁰ Wì haq broq ca dađeh 'bài dua 'mù xam hmu wa jrang dua 'mù cadrì A-sê-ra ta 'bài bôi wang wa enh 'neq ca yàp long cràm hla.

2 'Bài Bùa 17:10 Iomraidhean Croise

1 'Bài Bùa 14:23

Ma jah 'màng aih wì haq khoi broq ca dađeh 'bài hnem tadreo ta 'bài nòi ha'nhèq, 'bài dua 'mù kiac cadrì A-sê-ra ta 'bài go ma ha'nhèq wa enh 'neq ca 'bài xèm long dùnh hanam cràm hla.

2 'Bài Bùa 16:4

Bùa dèch am ngè tadreo wa bùh jreo xua thùm ta 'bài hnem tadreo roc go ha'nhèq, èh ti yàp xèm long cràm hla.

2 'Bài Bùa 17:11

Wì haq bùh jreo xua thùm ta 'bài hnem tadreo roc go ha'nhèq tìah ca jàn Chuaq khoi 'nong lam khoi dèh ca Diac enh ngìa ca wì haq. Wì haq broq bàc bìac ngang dù broq ca Chuaq nòih.

Loh Enh Aicàp 34:12

Phai ngan kenh apaq broq wêh jao ti jàn da gùng pì ma padon mùt, yùq bìac aih wìa bu dàng manet ca pì.

Loh Enh Aicàp 34:13

Mahaq phai raliang đac dìq ca'bŏng tadreo, tùq padah đac long jrang cùh waiq wa raliang đac jrang dua 'mù cadrì A-sê-ra da wì haq.

Êsai 2:8

Gùng taneh wì haq hadai bình baoq dua 'mù, wì cùh waiq dèh bìac tì cla wì broq loh, hadrang tì wì broq wìa.

Êsai 57:5

Pì tango ca dabau ti xèm long rayai, ca'nàm drudrèn long rôm, jêh dèh con caiq nòi thòng, nòi còp hmu!

Jê-rê-mi 3:6

'Nhòng da bùa Jôsia Chuaq doi ca au: “Ìh i hnoq bìac Is-ra-ên, aih jàn ma loq blàq manoh khoi broq ùh? Haq khoi trùh rìm nòi go ha'nhèq, rìm xèm long cràm hla đòiq tango ta 'bài nòi aih.

Ê-xê-chi-ên 20:28

Jò Au khoi 'ràng wì haq mùt ta taneh ma Au khoi pachac am ca wì haq, jò aih wì haq khoi chaq hnoq 'bài go ha'nhèq wa 'bài xèm long cràm; wì haq dèch am dèh ngè tadreo ca dua 'mù can kiac ti 'bài nòi aih; wì haq hlìa 'noh ta aih bìac tadreo broq ca Au nòih, hadai đòiq ta aih 'bài hòi xua thùm, wa alac.

Lêwi 26:1

“ ‘Pì apaq broq 'bài dua 'mù, pùng padì dua 'mù, tùh 'mù, pa'nàng dèh ta gùng jrang xam hmu, loq choh padì hmu broq dua 'mù leq, đòiq bla-op dađeh enh ngìa ca 'mù aih, ma jah Au Chuaq Boc Plình da pì.

Mica 5:14

Au tràm đac 'mù A-sê-ra khoi enh pì wa jêh đac 'bài phôq da pì.

Ranenh Achìh Hlài 16:21

Ùh jah pa'nàng jrang dua 'mù cadrì A-sê-ra yòng kenh ca'bŏng tadreo da Chuaq Boc Plình pì.

Ranenh Achìh Hlài 16:22

Hadai apaq broq mòiq toq jrang cùh waiq xam hmu, taiq Chuaq Boc Plình da pì git ca dìq ngè aih.