2 'Bài Bùa 15:5 - Sech Hadròih

⁵ Chuaq baxa bùa loh ca 'bình bacùn trùh hloi hì cachìt. Haq rìh đeh crài ta mòiq toq hnem. Jôtham con calô haq ti ngan, broq wa wèq cwìang taneh Diac thai haq.

2 'Bài Bùa 15:5 Iomraidhean Croise

2 Sa-mu-ên 3:29

Waiq mahem aih ta-ùc hlài ta gàu Jôap wa dìq ca cadraq baq haq! Waiq ca cadraq Jôap ùh thìuq ca mangai loh ca 'bình jìq làuq, bacùn, mangai pen, mangai cachìt ca pla chang gùm, loq mangai thìuq ca dahwèq caq!”

2 Sa-mu-ên 8:15

Đawit broq bùa jàn Is-ra-ên, wèq cwìang tiaq trong jang wa ta-atoq am ca jàn haq.

1 'Bài Bùa 3:28

Jò dìq ca jàn Is-ra-ên tàng bàu bùa doi 'màng aih, wì haq dìq ca jaq iu crè ca bùa, ma jah 'màng aih, wì hnoq bùa i can khôn rabiaq da Boc Plình hadrah ta-atoq.

1 'Bài Bùa 3:9

'Màng aih xìn Ìh am ca hapŏng 'yoh Ìh cô i manoh cliac khôn rabiaq đòiq wèq cwìang jàn Ìh, khoi èh đòiq jah hadro bìac lem bìac 'mèq, bìac troq bìac ùh, ma jah 'màng aih i ca mangai leq canòm dèh ca bìac khôn rabiaq cla nui wèq cwìang mòiq calùh jàn cràm da Ìh 'màng cô?”

2 'Bài Bùa 15:32

Hanam ma 20 'nhòng da Pêca, con calô Rê-ma-lia, bùa Is-ra-ên, èh Jôtham con calô Ôxia tŏc broq bùa Juđa.

2 'Bài Bùa 15:6

Bìac ma 'noiq da A-xa-ria, dìq ca bìac bùa ma khoi broq, joq ùh xài khoi achìh hlài 'mùt dŏng ta Sech 'Nhòng Bùa da 'bài bùa Juđa 'mòh?

2 'Bài Bùa 5:27

Taiq 'màng aih 'bình bacùn da Na-a-man jah top ca ìh, xam con xau ìh trùh hloi hloi.” Ghê-ha-xi loh enh Ê-li-sê, èh 'bình bacùn top hloi, tabŏc tìah ca capaih.

2 'Bài Bùa 7:3

Jò aih i pôn ngai mangai bacùn ŏi enh gùng ca ngo 'mang phôq. Wì haq capoch tùang ca dabau: “Gleq bèn ma ha'ngui jang cô trùh cachìt?

1 'Nhòng Bùa 3:12

con calô Jôach: A-ma-xia, con calô A-ma-xia: A-xa-ria, con calô A-xa-ria: Jôtham,

1 'Nhòng Bùa 5:17

Wì cô dìq jah achìh hiniq ta hadròng hadrech da wì haq, ta 'nhòng da bùa Jôtham Diac Juđa wa ta 'nhòng da bùa Jê-rô-bô-am bùa Diac Is-ra-ên.

Sech Jop 34:19

Haq ùh gen can wì con bùa, ùh ngan mangai can padrŏng yi hnao ca mangai pa; ma jah 'màng aih dìq ca wì, tì Haq broq loh.

'Bŏi Calêu Plình 72:1

Waiq Boc Plình ôi! Xìn am ca bùa bìac lem jang da Ìh, wa am ca con bùa jah lam tiaq trong ta-atoq da Ìh.

Ôsê 1:1

I bàu Chuaq doi ca Ôsê, con Bê-ê-ri, ta 'nhòng da bùa Ôxia, Jôtham, Acha, Ê-xê-chia da Juđa, wa bùa Jê-rô-bô-am, con Jôach, da Is-ra-ên.

Lêwi 13:46

Jò haq ŏi i 'bình bacùn aih, haq 'bìq ùh lem hreo hloi. Haq phai ŏi mòiq ngai enh gùng ca traiq.

Mica 1:1

Bàu Chuaq doi ca Mica, mangai Mô-rê-sêt, ta 'nhòng Jôtham, Acha, wa Ê-xê-chia, aih 'bài bùa da Juđa, mahno ca haq hnoq bìac Sa-ma-ri wa Jê-ru-sa-lem.

Sôq Jàn 12:10

Jò cato yùc tŏc khoi ca Hnem Traiq Cùh Waiq, èh Mi-ri-am loh ca bacùn taboc tìah ca capaih. Arôn tawìh pah Mi-ri-am, hnoq haq khoi loh ca bacùn.

Sôq Jàn 12:14

Chuaq tèu Môise: “Tàng baq haq cachôh ta hadrò haq, èh haq ma ùh ep chìuq camaih trom tapèh hì 'mòh? 'Màng aih haq ep ŏi enh gùng ca traiq jàn tapèh hì, èh khoi ca aih men jah mùt hlài ta traiq jàn.”

Ranenh Achìh Hlài 24:8

Ngan kenh 'bình bacùn oq, đòiq wèq broq tiaq rìm bìac 'bài pajàu xinoi Lêwi ma hnài pì, pì phai ngan kenh broq tiaq tìah troi au ma khoi thê wì haq.