2 'Bài Bùa 14:26 - Sech Hadròih

²⁶ Ma jah 'màng aih Chuaq khoi hnoq bìac ramòt da jàn Is-ra-ên ma ep genh, joq nan xa dìq jaq, ùh i ca mangai leq 'nhac ca hapŏng loq mangai ùh hapŏng đòiq jah jùp đò wì haq.

2 'Bài Bùa 14:26 Iomraidhean Croise

1 'Bài Bùa 14:10

“ 'Màng aih èh Au am bìac ramòt trùh ca hnem Jê-rô-bô-am, jêh dŏng dìq 'bài mangai calô ta hnem xam hapŏng hloi. Au bùh cađac hnem Jê-rô-bô-am tìah ca wì ma bùh đac ìch đòiq pi ŏi i rah toq xìt leq.

1 'Bài Bùa 21:21

'Màng aih, Chuaq doi: ‘Au 'ràng bìac ranàc trùh ca ìh. Au bùh đac 'bài con xau ìh, Au jêh đac 'bài mangai calô hnem Ahap ta Is-ra-ên, ùh kè ca hapŏng loq ùh broq hapŏng.

2 'Bài Bùa 13:23

Mahaq Chuaq am xôq ramŏt ca wì haq, xa-ŏch ca wì haq wa hmàng trùh ca wì haq, taiq wêh jao da Haq ca Ap-ra-ham, Isac wa Jacôp, ma jah Chuaq ùh cađac wì haq enh ngìa ca dađeh trùh jò manàiq.

2 'Bài Bùa 13:4

Jô-a-cha waiq dang Chuaq, èh Chuaq tamàng bàu haq, ma jah 'màng aih Chuaq i hnoq bìac bùa Siri ma padit padiang jàn Is-ra-ên.

2 'Bài Bùa 9:8

Dìq ca hnem Ahap phai 'bìq jêh đac. Au jêh dŏng dìq 'bài mangai calô hnem Ahap, ùh kè ca hapŏng loq mangai ùh xài hapŏng ŏi ta Is-ra-ên.

'Bŏi Calêu Plình 107:12

Chuaq broq ca manoh wì haq tagah lep taiq bìac abèq abroq lep trap; wì haq cro, ùh i cabô jùp đò.

'Bŏi Calêu Plình 22:11

Mahaq Chuaq ôi, xìn Ìh paq hangai ca au, ma jah 'màng aih bìac xa nan khoi trùh hatenh, ùh i ca bô jùp đò au.

Loh Enh Aicàp 3:7

Chuaq doi: “Au khoi hnoq ro bìac nan xa da jàn Au ta Diac Aicàp wa tàng bàu wì creo dang taiq mangai wì abroq padit padiang wì haq. Joq 'nàng au khoi loq ca can nan xa wì haq.

Loh Enh Aicàp 3:9

Cô, bàu creo dang da jàn Is-ra-ên khoi trùh ta Au. Au khoi hnoq jàn Aicàp padit padiang wì haq 'màng leq.

Êsai 63:9

Jò jàn Haq glàm bìac nan xa, cla Haq hadai 'bìq nan xa, 'Bình plình ŏi jang ngìa Haq dèch wì. Can loq waq wa manoh loq xa-ŏch Haq khoi dèch rŏt hlài wì. Haq khoi ca'mình wa wê wì ta 'bài hì calah nèh.

Ê-xê-chi-ên 22:30

“Au khoi chaq mòiq ngai ta wì haq, đòiq broq hlài panàt phôq, yòng broq hlài panàt jang ngìa Au, đòiq Au ùh hìaq raliang đac haq; mahaq Au chaq ùh jah mòiq ngai leq.

Ranenh Achìh Hlài 32:36

Joq 'nàng, Chuaq jah broq ta-atoq ca jàn Haq. Haq xa-ŏch ca hapŏng Haq jò Haq hnoq dèh padren da jàn Haq loh ca dìq, èh pi ŏi i mangai hapŏng dìch loq mangai ùh tawac ùh pakènh.

'Bài Cwan Hadrah 10:16

Wì haq cađac dŏng dìq 'bài can kiac ta jàn diac 'noiq loh khoi enh wì haq, hi khoi wì haq tawìh hlài patìh bìac Chuaq. Manoh Chuaq pi chìuq nui ca bìac xalep da jàn Is-ra-ên hòm.