2 'Bài Bùa 13:20 - Sech Hadròih

²⁰ Ê-li-sê cachìt, hi khoi wì catùh haq. Ta 'nhòng aih rìm gàu hanam, lình da Moap loq trùh jêh ta gùng aih.

2 'Bài Bùa 13:20 Iomraidhean Croise

Bìac Baxèm 48:1

Atìq ca aih, i mòiq ngai doi ca Jôsep: “Baq ìh ùh hrŏc.” Tàng bàu aih, Jôsep 'ràng Ma-na-se wa Ep-ra-im, baiq ngai con calô haq, lam tiaq haq.

Bìac Baxèm 49:33

Jò tanap 'bài bàu aih dèh ca con bu gêh, èh Jacôp dèch dèh jènh ta jùang, pat hihèm, jah hlài dèh ti boc yaq.

2 'Bài Bùa 24:2

Chuaq thê 'bài lình da Canđê Aram, Moap wa Amôn trùh jêh, èh raliang đac Juđa, tiaq bàu Chuaq khoi thê dèh 'bài hapŏng Haq, aih 'bài mangai capoch thai Boc Plình khoi doi adroi.

2 'Bài Bùa 3:5

Mahaq atìq ca bùa Ahap cachìt, èh bùa da Moap yòng tajraq hlài ca bùa Is-ra-ên.

2 'Bài Bùa 3:7

Bùa Jê-hô-ram thê mangai lam doi ca Jê-hô-sa-phat bùa da Juđa doi: “Bùa Moap khoi yòng đòiq tajraq hlài ca au. Ìh enh jùp au jêh jàn Moap ùh?” Bùa Jê-hô-sa-phat tèu: “Au lam ti ìh. Au hadai tìah ca ìh; jàn da au tìah ca jàn da ìh; xê wa axêh da au hadai tìah ca xê wa axêh da ìh.”

2 'Bài Bùa 5:2

I mòiq calùh lình da Siri jò lam tajêh poh, èh rùp jah mòiq ngai mangai cadrì 'yoh Is-ra-ên, 'ràng ahlài broq mangai patìh ca mai Na-a-man.

2 'Bài Bùa 6:23

'Màng aih bùa Is-ra-ên padon hiniang càn am wì haq caq. Khoi èh am wì haq hlài dèh ta craq wì haq. 'Màng aih, 'bài lình da Siri pi rap gòm đòiq jêh lình da Is-ra-ên hòm.

2 'Nhòng Bùa 24:16

Wì catùh haq ta phôq Đawit pajùm ti 'bài bùa, nhò haq broq bìac lem ca Is-ra-ên, patìh bìac, wa ha'naoq hlài hnem cùh waiq da Boc Plình.

Xa-cha-ri 1:5

Aleq 'bài boc yaq pì ta leq? Wa 'bài mangai ma capoch thai Boc plình aih i rìh hloi hloi ùh?

Bìac Yiang Hadròih 8:2

Mahaq i 'bài mangai ma tiaq Chuaq dìq ca manoh, wì catùh hanang Êtiên wa ta-oih ca haq bàc.

'Bài Cwan Hadrah 3:12

Jàn Is-ra-ên broq bìac dù enh ngìa ca Chuaq hòm, taiq 'màng aih Chuaq broq ca Eclôn bùa Moap, yi dêh ca jàn Is-ra-ên, taiq bìac dù wì haq khoi broq enh ngìa ca Chuaq.