1 'Nhòng Bùa 5:2 - Sech Hadròih

² 'Nhac ca Juđa jah atŏc padèch yi hnao dèh ca oh daq cla wa mangai broq gàu loh enh haq, mahaq cwìang broq con ramua xôq da Jôsep.

1 'Nhòng Bùa 5:2 Iomraidhean Croise

Bìac Baxèm 25:31

Jacôp tèu haq: “Cô ìh tech cwìang broq daq ca au beq!”

Bìac Baxèm 35:23

Cô hiniq 12 ngai con calô da Jacôp: 'Bài con calô da Lêa, aih Rubên, con ramua Jacôp. Tìa, aih Si-mê-ôn, Lêwi, Juđa, I-sa-ca wa Xe-bu-lun.

Bìac Baxèm 48:5

Manàiq baiq toq con calô ìh, Ep-ra-im wa Ma-na-se ma khoi xa-ông ta Aicàp adroi ca au trùh, wa haq wìa con au tìah ca Rubên wa Si-mê-ôn aih.

Bìac Baxèm 49:26

Xôq ramŏt da au khoi yi càn ca xôq ramŏt trùh 'bài wang wa 'bài rôm calah. Waiq 'bài xôq aih ŏi nòi gàu da Jôsep, wa cadoh bùa haq ma khoi wèq ban dèh oh daq.

2 Sa-mu-ên 8:15

Đawit broq bùa jàn Is-ra-ên, wèq cwìang tiaq trong jang wa ta-atoq am ca jàn haq.

1 'Nhòng Bùa 28:4

“Mahaq Chuaq Haq Boc Plình da Is-ra-ên khoi ràih au enh cadraq baq au, đòiq dèch au tŏc broq bùa ca Is-ra-ên hloi hloi. Joq 'màng aih Haq khoi ràih hadròng hadrech da Juđa broq gàu; enh Juđa Haq khoi ràih cadraq baq au wa enh 'bài con calô da baq, Haq khoi bùi manoh ràih au broq bùa dìq ca jàn Is-ra-ên.

'Bŏi Calêu Plình 108:8

Ga-la-at aih da Au, Ma-na-se hadai aih da Au, Ep-ra-im aih calôp đòiq wèq gàu au, Juđa aih long wèq cwìang da Au.

'Bŏi Calêu Plình 60:7

Ga-la-at aih da Au, Ma-na-se hadai, Ep-ra-im aih calôp wèq gàu Au, Juđa haq long wèq cwìang da Au.

Mica 5:2

“Ô 'Bêt-lê-hem Ep-ra-ta, gùng Juđa, joq 'nàng ìh 'yoh dìq jaq ŏi ta 'bài phôq càn ta gùng Juđa, 'nhac 'màng aih, enh nòi ìh jah loh mòiq Ngai broq gàu, cla Haq wèq ban jàn Is-ra-ên,”

Sôq Jàn 2:3

Traiq lình da Juđa èh broq pah mat mahì loh, haten dèh ca hla cò cwung đôiq dađeh. Mangai broq gàu da mangai Juđa, aih Nahsôn, con calô da A-mi-na-đap,

Sôq Jàn 7:12

Mangai ma am ngè tadreo hì baxèm, aih Nahsôn, con calô da A-mi-na-đap, tiaq dèh hadròng hadrech Juđa.

Mathêu 2:6

“ ‘Ô 'Bêt-lê-hem gùng Juđa, joq 'nàng ìh ùh thùa cleq 'bài phôq càn ta gùng Juđa, ma jah 'màng aih, enh nòi ìh jah loh mòiq Ngai broq gàu, cla Haq wèq ban jàn Is-ra-ên, aih jàn Au.’ ”

Rôma 8:29

Ma jah 'màng aih 'bài mangai Haq khoi loq adroi, Haq ji khoi pajaq adroi đòiq wìa tìah troi Con Haq, waq ca Con Haq jah broq Con Ramua ŏi ta'ne bàc oh daq.

Ranenh Achìh Hlài 21:17

Mahaq mangai aih phai nhàn con calô da mai haq ma ùh loq waq broq con calô ramua axong baiq phàn da haq, ma jah 'màng aih haq padren dêh baxèm da mangai baq, cwìang con ramua jah haq.

Ranenh Achìh Hlài 33:17

“Jôsep i can nhòm rahù tìah ca 'bo calô, haq i aki tìah ca aki da ca 'bo brì. Haq jah yŏc aki aih jàu 'bài jàn ŏi ta diac hangai, hnan wì haq trùh nòi pulùch da crŏng taneh. Aih can xôq ramŏt da au am ca bình jàt ngŏng mangai da Ep-ra-im wa bình ngŏng mangai Ma-na-se.”

Hêbru 7:14

Ma jah 'màng aih, ro rang Chuaq da bèn loh enh xinoi Juđa, mahaq xinoi aih Môise ùh i anoi trùh bìac wì broq pajàu.

Jôsuê 14:6

Jò aih con calô da Juđa trùh haten ca Jôsuê ta Gingan. Calep con calô da Jê-phu-neh, mangai Kê-nê-xit, doi ca Jôsuê: “Ìh loq bìac Chuaq khoi anoi ca ìh wa au nhò Môise, mangai da Boc Plình, ŏi ta Cađê Ba-nê-a.

Bìac Mahno 5:5

I mòiq ngai craq broq gàu doi ca au: “Apaq hmoi! Ngan cô, Baco Hlari da hadròng hadrech Juđa, enh riah Đawit, khoi ta'blêq. Haq jah pèh sech canua wa lêh tapèh toq clep baxìa.”

'Bài Cwan Hadrah 1:2

Chuaq tèu wì haq: “Hadròng hadrech Juđa tŏc jêh adroi, ma jah 'màng aih Au khoi am gùng cô ca wì haq.”

1 Sa-mu-ên 16:1

Chuaq doi ca Sa-mu-ên: “Ìh mango ca bìac Saulò dùnh dàng leq? Ìh loq au khoi cađac haq, ùh am haq broq bùa ca Is-ra-ên hòm. Ùc dàu ma bình ta aki ìh beq, èh yòng lam trùh ta hnem Isai mangai 'Bêt-lê-hem, ma jah 'màng aih, Au khoi ràih mòiq ngai ŏi ta wì con da Jêsê đòiq broq bùa.”

1 Sa-mu-ên 16:10

Jêsê thê dìq ca wì con calô da haq tang ngai lam cwa ngìa Sa-mu-ên. Mahaq Sa-mu-ên doi ca Jêsê: “Chuaq ùh ràih mangai leq ŏi ta wì cô.”

1 Sa-mu-ên 16:12

'Màng aih, Jêsê thê mangai lam ta đùng creo ca Đawit hlài. Haq mangai 'yoh, hadrò lem lình, mat prau hwao. Chuaq doi: “Yòng beq, xùt dàu ca haq. Cô raq mangai Au khoi ràih.”