1 'Nhòng Bùa 4:9 - Sech Hadròih

⁹ Jabex jah padèch yi hnao ca oh daq haq. Miq haq hiniq ca haq Jabex ma jah 'màng aih haq doi: “Au khoi chìuq nan xa xa-ông ca haq.”

1 'Nhòng Bùa 4:9 Iomraidhean Croise

Bìac Baxèm 3:16

Boc Plình doi ca mangai cadrì: “Au am tam bìac tagah lep yi hnao jò ìh ŏi jiang, jò ìh xa-ông con hadai jìq xalep. 'Nhac ca ìh i manoh enh wèq cwìang dèh ŏng, xôq haq wèq cwìang ìh.”

Bìac Baxèm 34:19

Gu radam aih ùh chôiq ca rìm bìac ma khoi pajaq, ma jah 'màng aih, con cadrì Jacôp lem manoh haq. Cla Sichem, haq mangai jah wì loq iu yi hnao ca rìm ngai ta hnem baq haq.

Bìac Baxèm 35:18

Mahaq, jò Rachên ten pat hihèm, haq hiniq ca con calô aih Bên-ô-ni, mahaq baq haq hiniq ca haq Bên-ja-min.

1 'Nhòng Bùa 4:10

Jabex waiq khàn ca Boc Plình da Is-ra-ên doi: “Xìn Chuaq am xôq ca au, xìn Ìh broq acang taneh da au jah yi càn; xìn tì da Ìh ŏi ti au, wa xìn Ìh wèq ban au khoi ca bìac nan xa.” Boc Plình am ca haq rìm bìac haq waiq xìn.

1 'Nhòng Bùa 4:8

Hacôt xa-ông ca Anup, Hat-xô-bê-ba wa xinoi A-ha-bên, con da Harum.

1 'Nhòng Bùa 7:23

Haq caq ŏi ti mai ma neo, jah xa-ông ca haq mòiq ngai con calô; hiniq haq Bê-ri-a ma jah 'màng aih hnem wì haq glàm bìac ranàc.

Bàu Rabiaq 23:25

Ngèh ca baq wa miq ìh jah i can lem bùi càn, wa mangai khoi xa-ông ca ìh jah lem bùi.

Êsai 43:4

Taiq Au khoi ngan ìh tìah ca ngè canaq, taiq ìh jah padèch wa Au loq waq ca ìh, Au am 'bài mangai đòiq thai ìh, wa 'bài tamoi đòiq cachìt thai ca ìh.

Bìac Yiang Hadròih 17:11

Mangai Bêrê i manoh yi lem ca mangai Tê-sa-lô-ni-ca, taiq wì haq lem bùi tamàng bàu Chuaq wa rìm hì ngan Sech Hadròih đòiq hi hnoq ajoq troi bàu hnài da Paulô ma khoi hnài.

1 Sa-mu-ên 4:21

Haq hiniq ca con nga aih I-ca-bôt. Hiniq aih: “Bìac 'ngah 'ngai da Boc Plình khoi wia hangai ca Is-ra-ên.” Aih taiq hom wêh jao da Chuaq khoi 'bìq blah yŏc wa taiq bìac cachìt da boc haq wa ŏng haq.